文／曾馨慧

客語薪傳師，係新屋客家人，這下戴到桃園（海腔腔）

𠊎從細就戴在客家莊，講个係靚靚个客家話，雖然無錢，乜盡快樂過日仔，斯像這首歌：唐山過台灣，無半點錢，煞猛耕山耕田，咬薑啜醋幾十年，毋識埋怨…，仰會無錢呢？敢會係當時錢包毋記得帶出來啊！

客家人屬於外來一隻中原漢人族群，經過五擺遷徙，行出自家个客家文化、風俗、語言、音樂、戲劇，靠山靠水靠天時，春耕秋收。阿公逐日就赤腳嫲踏，疲爬極蹶在田肚做等佢个事頭，日頭出斯出門，斷烏斯轉夜，又還會跈等季節來調整做事時間。像「天穿毋尞，就會做到死」，這量時細孲仔，也在田竇肚走來走去，無斯份家啦、擲球、擲泥團、𤌍窯這兜，日仔過到盡爽快，因為該量時个人，逐儕總係知足常樂。

「逢山必有客，逢客必有山，爛衫爛褲毋好擲，留來日後好遮羞」。這就係𫣆客家人刻苦耐勞、勤儉、硬頸个精神，也創造出屬於自家个客家文化，因爭移民形成滿哪仔為客、滿哪仔為家，養成樂觀順天意个生活態度。

講著台灣客家莊，這下莊莊有自家个特色，李白桃紅風景靚，尤其係食雜、風俗、文化、建築等等。還有後生人回鄉，打造出還較特殊个客家風貌，適合旅行適合戴，像苗栗桐花季，桐花鋪做一串串个愛心，浪漫个氣氛實在還好哪！還有該台北士林客家文化園區，體驗多彩多風貌个客家文化，當然乜還有盡多好尞个客家莊哦！

接下來愛紹介个係，𠊎个家鄉新屋，這有全國唯一个客家漁港永安漁港，有醹醹个客家人情味，多樣个各式魚貨，分你看著目珠就會花花哦！不但有萋魚，也有熟食个餐廳料理，風景又靚，看日出日落海面金晶百亮，觀音亭上看海景、彩虹橋頂看日頭落海；綠色長廊箭鐵馬，涼風吹來實在還鬆爽，還有賽車場，好搞生趣又刺激，後生人搞到強強毋肯轉。

台灣目前客家人有四百零萬儕，最近國際客語協會族群，當煞猛愛來聯名促成客家大團結，傳承客家文化這垤牌匾至寶，推展落實客家文化，期待大家一定愛手牽手心連心，共下來摎𫣆个客家話、客家精神，一代一代傳承下去，弘揚到全世界。

華語

我從小就住在客家庄，講的是很美的客家話，雖然沒錢，但也過得很快樂，就像這首歌：唐山過台灣，沒半點錢，努力勤奮耕種，粗茶淡飯過了幾十年，從來也沒有怨言…，怎麼會沒錢呢？是不是當初移民時錢包忘記帶到呢？

客家人原屬於外來的一個中原漢人族群，經過五次搬遷，塑造出屬於自己的客家文化、風俗語言、音樂、戲劇，靠山靠水靠天氣，春耕秋收。爺爺整天光著腳，耗費心力在田裡做著他的工作，日出而做日落而息，也會跟著季節作息來調整工作時間。像古人言，「天穿日這天若不休息的話，就會一直工作到死…」，這個時候的孩子們，也在田裡嬉戲跑來跑去，玩扮家家酒、丟球、丟泥團、築土窯悶地瓜等等，日仔過得很自在，因為那時候的人，每個人總是知足常樂。

「逢山必有客，逢客必有山，破舊的衣物不要浪費丟棄，留下來定會有及時之需」。這就是客家人刻苦耐勞、儉樸、堅持的精神，也創造出屬於自己的客家文化，因為不斷移居形成處處為客、處處為家，也因此養成樂觀順天意的生活態度。

說到台灣的客家庄，現在每一個村莊都有自己的特色，李花白桃花紅風景很美，尤其是飲食、風俗、文化、建築等等。還有年輕人回家鄉，設計出更加新潮特殊的客家風格，宜遊宜居，像苗栗的桐花季，桐花鋪成一串串的愛心，浪漫的氣氛實在好棒！還有那台北士林客家文化園區，體驗多彩多樣貌的客家文化，當然也還有更多更好玩的客家庄喔。

接下來要介紹的是，我的故鄉新屋，這有全國唯一的客家漁港永安漁港，有濃濃的客家人情味，多樣的各式魚貨，給你看到眼睛都會花掉哦！不但新鮮的魚，也有熟食的餐廳料理，風景又美，看日出日落海面金光閃閃，觀音亭上看海景、彩虹橋上看日落；綠色走廊騎腳踏車，涼風吹來實在舒爽，還有賽車場，好玩有趣又刺激，年輕人玩到幾乎不想回家。

台灣目前客家人有400多萬人，最近國際客語協會族群，很認真要來聯名促成客家大團結，傳承客家文化這塊牌匾至寶，推展落實客家文化，期待大家一定要手牽手心連心，一起來把我們的客家話、客家精神，一代一代傳承下去，弘揚到全世界。