文／李承潾，桃園市大溪人，係桃園高中二年生个學生仔
𠊎係外省第二代，阿爸个祖籍在江西，阿姆係「學老人」。從細到大，在屋下毋係講國語就係講學老話，在國小三年生該下，𠊎根本毋知有客家話這種語言。
該央時，學校來了一個當有熱情个客話先生。毋過，學校大部份个同學毋係學老人就係原住民，佢頭一擺招生正招著兩位同學。毋認輸个先生就帶其他學校客語班个同學，去各班說明、教大家講簡單个客話。先生開出條件：係講大家報名上淰一學期，最尾一堂課就請大家食「麥當勞」。這對當時歇在大溪偎復興鄉該片、愛食「麥當勞」愛行八、九公里个𠊎兜來講，正經十分餳人（註1）。因為恁仔，一大群人為著想愛食漢堡，就歡歡喜喜報名哩客語課。
頭下碼大家都試著當生趣，客話个「𠊎」、「恁仔細」、「大家好」這兜詞彙發音同國語摎學老話完全無共樣。毋過因為緊學緊深，挑戰也跈等來。𠊎兜个舌嫲總係毋聽話，輒常會想愛用學老語來表達，加上有兜家長認為學客家話用毋著，一學期吂過忒當多人就轉班咧。原本當鬧熱个教室淨伸𠊎摎四、五儕同學定定。該央時𠊎乜想愛放棄，因為先生講：四年生逐儕人都愛報名客語初級認證，𠊎心肝肚想：正學一年定，仰有可能會通過呢？
有一擺，客語先生尋𠊎一儕人打嘴鼓。佢有兜仔無奈何又當溫柔个講，當多同學因為忒難來放棄了，續等佢問𠊎：「你試著會難無？假使想愛轉去學「學老話」乜做得同𠊎講，先生絕對毋會勉強你。毋過，你就失去學其他語言个機會哩，當打爽。」
聽忒先生个話，𠊎呆呆企在該。看著佢目珠裡背灰心又帶等期望个眼神，𠊎忽然間意識著，留下來既經毋單淨係為著「麥當勞」哩，乜係同客家話有特別个緣分。𠊎同先生講：「先生，雖然當難，毋過𠊎想愛試看啊，𠊎毋想放棄這個機會。」
決定留下來後，𠊎心肝肚無再過遲疑。到四年生該下，𠊎兜幾儕堅持下來个同學，竟然總下考著初級認證。當初該「仰會有可能？」个想法，在拿著合格證書个時節，變做𠊎童年生活中最暢樂个大獎。原本為著「麥當勞」个滋味正會上客語課，最尾嗄變成𠊎挑戰成功个力量，成就了𠊎學習過程肚「肯堅持就一定會成功」个信心。
[1]餳人xiangˊ nginˊ：吸引人
華語
我是外省第二代，爸爸的祖籍在江西，媽媽是閩南人。從小到大在家裡，不是講國語就是講閩南語，在國小三年級的時候，我根本不知道有客家話這種語言。
那時候，學校來了一位非常有熱情的客語老師。不過，學校大部分的同學不是閩南人就是原住民，他第一次招生竟然只招到兩位同學。不認輸的老師就帶著其他學校客語班的同學，去各個班級說明、教大家講簡單的客家話。老師開出條件，只要大家報名上滿一學期，最後一堂課就請大家吃「麥當勞」。這對當時住在靠近復興偏鄉的大溪、要吃麥當勞得走8、9公里的我們來說，真的十分吸引人。於是，一大群人爭相為了吃漢堡，就非常高興地報名了客語課。
剛開始大家都覺得非常有趣，客語的「我」、「謝謝」、「大家好」等詞彙發音，跟國語和閩南語完全不一樣。不過隨著越學越深，挑戰也跟著而來。我們的舌頭總是不聽使喚，常常會想用閩南語來表達。加上有些家長認為學客家話沒有用，一學期還沒過完，很多人就轉班了。原本非常熱鬧的教室，只剩下我和四五個同學而已。那時候我也想要放棄，因為老師說四年級的學生每個人都要報名客語初級認證，我心裡想：才學一年而已，怎麼可能會通過呢？
有一次，客語老師單獨找我聊天。他有些無奈卻又非常溫柔地說，很多同學因為太難而放棄，接著他問我：「你覺得會難嗎？如果想要回去學閩南語也可以跟我說，老師絕對不會勉強你。不過，你就失去學習其他語言的機會了，非常可惜。」
聽完老師的話，我愣住了。看到他眼神裡灰心又帶著期盼的目光，我忽然間意識到，留下來已經不單單只是為了「麥當勞」，也是和客家話有特別的緣分。我對老師說：「老師，雖然很難，不過我想嘗試看看，我不想放棄這個機會。」
決定留下來後，我心裡不再遲疑。到了四年級，我們幾位堅持下來的同學竟然都考到了初級認證。當初覺得「怎麼可能」的想法，在拿到合格證書的那一刻，變成了我童年裡最快樂的大獎。原本為了「麥當勞」的滋味才會上客語課，最後變成了我挑戰成功的力量，成就了我學習里程中「肯堅持就一定會成功」的信念。
