文／廖佳仁（海陸豐野客），楊梅富岡（伯公岡）出生，任教桃園市中壢區新街國民小學已35年，這下戴中壢（海陸腔）

西元1871年，有69個宮古島人在去琉球那霸（中山國）進貢个路項，堵著大風，嗄分風吹到臺灣最南片个八瑤灣去，泅水上岸个時節，有3儕衰運分水浸忒，伸66個人好運生存下來。在這位堵著2個清國人，喊佢兜先囥入磅空肚，定著愛向南行，莫對西片去，正做得避免堵著危險，毋過嗄搶走佢兜个錢銀。

故所，佢兜宮古島人走出該隻磅空後，就毋向南行，偏往西片入山去，正會堵著八瑤社人，八瑤社單淨係一隻細社，歸社男女老幼正50儕人，所以斯摎佢兜人渡去還較山肚个大社，高士佛社。

高士佛社摎牡丹群社係該片頭兩名个大社，互相通婚聯姻，關係盡好。高士佛社收留宮古島人招待佢兜，毋過，三更半夜後，宮古島人嗄發現該兜社民都該挼刀仔，像愛對佢兜不利个樣仔，故所分批離開高士佛社逃命。高士佛社人乜認為佢兜偷偷匿匿走忒，像愛對佢兜不利个樣仔，就摎牡丹群社人共下追殺該兜宮古島人，總共㓾忒54個人，聽講當時就摎該兜人頭骨放都雙溪口（註1）（這下个牡丹國中肚），該位个頭那殼架項。

因為牡丹國中該位，原旦就係愛進入高士佛社摎牡丹群社个雙溪口，摎人頭骨放都這位，正做得有效去嚇外背人做毋得落去佢兜原住民个部落領域。還有，在地排灣族人慣摎外背人㓾死以後就順續摎佢埋在該位，等該屍身綿忒分解以後，正摎人頭骨帶轉部落入口頭前，放在頭那殼架項，毋單做得方便拜祭，還做得避免分人㓾死个惡靈跈等轉到部落肚去。

這件事情，經過日本帝國向大清帝國正式提出外交交涉，無想著，清國朝廷竟然回答講該位係番界，毋係清國所有摎管轄个所在，故所日後，西元1874年，日本薩摩藩个陸軍中將西鄉從道就自家渡等軍隊來臺灣處理，歷史上全喊佢「牡丹社事件」，這下，在地个族人講愛正名為「SEVALITAN」（註2）。

事情過了恁多年以後，這下个「高士部落」係該隻社第6擺遷徙以後个所在，毋單淨已經無「佛」了，頂高淨伸一座重新起過个「高士神社」摎東、西兩位永久屋部落，當初最早个kus kus部落乜還在還較山裡肚；「牡丹群社」原旦對外出入个所在「雙溪口」，乜因為起牡丹水庫來消失。

另外，聽講在這下个戶政事務所頭前，識有國民黨「黨徽」鎮煞个該欉大樹，根本就係第二次世界大戰結束正種个，仰會有可能係原旦放人頭骨个地方呢？在地人全講牡丹國中該片正係放頭那殼架个所在，故所學校裡肚正會有恁多鬼故事，斷烏以後大家都會遽遽離開該位，閃到遠、遠、遠！

該，客家族群在這擺事件發生時節，又係做仰般形个角色呢？

（註1）雙溪口有二：（1）四重溪與竹社溪匯流口，有驛站，漢番交易所在，現在多數人以為這裡是擺放人頭骨架的地方。（2）汝乃溪與牡丹溪匯流口，高士佛社古道出入口，部落出入口，外人若循四重溪至此，就會遭原住民攻擊嚇阻。前者為交易點，外人可進出；後者為部落出入口，外人不得進入，在此擺放人頭骨架才具有威嚇意義，後來因為牡丹水庫（西元1995年底興建完成），才讓這處雙溪口地形消失，造成世人誤解。

（註2）在地族人杜詩豪認為「牡丹社事件」是外人給的說法，他們那裏原先並無「牡丹社」，只有牡丹大社、中社及其他小社等統稱為「牡丹群社」。因此，對於發生在西元1874年與日軍的戰鬥事件，應該要用「SEVALITAN」，意指「跨越和翻轉」，強調的是部落族人的「iqecev」奮勇抵抗的精神。

華語

西元1871年，69名宮古島人在前往琉球那霸（中山國）進貢途中，遭遇強風，被風吹而漂流到臺灣最南端的八瑤灣，游泳上岸時，有3人不幸被淹死，剩66人僥倖存活。在這裡遇見2名清國人，叫他們先躲入山洞，千萬要往南走，切莫往西行，以免發生危險，但卻搶走他們的財物。

於是，他們宮古島人逃離山洞後，就不向南走，偏往西入山去，才會遇到了八瑤社人，八瑤社只是個小社，全社男女老幼才不過50人，因此就將他們帶往更山裡面的大社，高士佛社。

高士佛社與牡丹群社是在地數一數二的大社，彼此相互聯姻，關係很好。高士佛社收留宮古島人並招待他們，但，夜深後，宮古島人卻發現社民們在磨刀霍霍，似乎將對其不利，因此分批逃離高士佛社。高士佛社人則認為他們不告而別，意圖不軌，似乎將對其不利，就與牡丹群社人一起追殺宮古島人，一共殺了54人，據說當時就把那些人頭放在雙溪口（現今的牡丹國中裡），那裡的人頭骨架上。

因為牡丹國中那裡，原本就是進入高士佛社與牡丹群社的雙溪口，把人頭放在這裡，可以有效嚇阻外人不得進入他們原住民的部落領域。在地排灣族人習慣上，將外人殺死後會就地掩埋，待屍身腐化分解後，才把人頭骨帶回部落入口前，放在人頭架上，除方便祭拜外，且還可避免被殺的噩靈跟回部落裡。

此事，經日本帝國向大清帝國正式提出外交交涉，不料，清國朝廷竟回稱該地乃番界，非屬清國所有與管轄，所以日後，西元1874年，日本薩摩藩的陸軍中將西鄉從道才會率軍來臺灣自行處理，正史都稱之為「牡丹社事件」，現今在地族人則主張要正名為「SEVALITAN」。

事過境遷多年以後，現在的「高士部落」為該社第6次遷徙後的所在，不僅已經沒有了「佛」，上面只有一座重建的「高士神社」與東、西兩處永久屋聚落，且最原始的kus kus部落則還在更山裡面；而「牡丹群社」的對外貿易據點「雙溪口」，也因牡丹水庫的興建而消逝不見。

另外，據說在戶政事務所前，曾有國民黨「黨徽」鎮煞的那一棵大樹，則根本就是二戰結束以後才種下的，怎麼可能會是原本放人頭骨的地方呢？在地人都說牡丹國中那裡才是，所以學校裡才會有那麼多鬼故事，入夜後大家都趕緊遠離那裡，避而遠之！

哪，客家族群在這次事件發生時，又扮演怎麼樣的角色呢？