文／邱鴻春，客語文薪傳師，桃園楊梅 伯公岡客家人（海陸腔）
事前个準備
團結無分你𠊎佢
目標做好係唯一
記得六月中旬，理事長張博舜先生摎𠊎講，前站仔摎客委會申請个2024客家音樂劇夏令營通過咧，𠊎聽著後，問佢幾時愛辦，佢講會在八月个第一隻禮拜連續五日，時間上感覺還來得掣準備，毋過計劃个預算減忒一大半！毋知做得無？
認真算算仔，先生个講師費乜會減忒一半，乜還愛麻煩盡多志工先生來𢯭手，正有可能完成，無想著摎編劇兼導演个宇君先生、音樂虹珈先生參詳，兩儕全講願意挑戰一下，該𠊎這位客語先生當然乜愛㧾佢，再問幾位較熱心个協會志工先生，大家全當願意來拚全台灣第先創辦个，國小組客家音樂劇夏令營，就恁樣決定下來咧。博舜遽遽安排線上討論，宇君先生創意豐富、手腳也當遽，伯公岡獅豹虎劇本，三日斯寫出來，接等虹珈先生个開場音樂，決定用桃花過渡曲調來改寫歌詞，還提出愛照等劇本个需要，創作三段客家唸謠。
劇本全文翻做客語，這係𠊎个基本動作，自然無問題，毋過開場歌詞摎創作三段唸謠，這就有盡大个挑戰性！好得一直以來，𠊎有學習寫散文、俳句、竹枝詞，花忒三、四日个時間，總算初版出來咧，大家當歡喜，經過幾擺个線上討論，又摎最尾段个唸謠，改用桃花過渡曲落歌詞，就變兩段歌詞兩段唸謠，總算在七月下旬定稿咧。
續下來就係行政後勤工作，理事長總下分十五組，逐組全當負責任，黏時各各進行自家个生事（shangˋ she+），伙食組無幾多日就規劃好，五日無共樣个晝摎點心。道具服裝組，也盡遽就準備差毋多咧，毋過這最難个，係愛做出一隻井來，大家全當傷腦筋个時節，好得協會个永宏先生馬上來𢯭手，主動接下這隻艱難个任務，大家心肝肚个大石牯總算放下來咧。經過禮拜零个時間，永宏先生在無人𢯭手个情況下，自家完成這隻井，做到好勢好勢又靚，大家全當阿腦佢，正經試著當感心。
導演先生看著，隨嘴就講「你們太強大了，我只是一個概念圖，居然做的一模一樣」。聽導演恁樣講，大家強強暢到褲會跳跌忒咧，為著傳承客家文化，協會所有人个付出，全恁歡喜甘願無怨歎，向心力確實係第一等个，表現出客家人堅韌个硬頸精神。
（伯公岡獅豹虎，還吂講煞，你想愛看透，請繼續看中、下集）
華語
事前的準備
團結不分你我他
目標做好是唯一
記得六月中旬，理事長張博舜先生和我說，前陣子向客委會申請的2024客家音樂劇夏令營通過了，我聽到後，問他幾時要辦，他說會在八月的第一個禮拜連續五天，時間上感覺還來得及準備，不過計劃的預算減了一大半！不知可以做嗎？
認真算一算，老師的講師費也會減掉一半，也還要麻煩很多志工老師來幫忙，才有可能完成，沒想到和編劇兼導演的宇君老師、音樂虹珈老師商量，兩人都說願意挑戰一下，那我這位客語老師當然要拚了，再問幾位較熱心的協會夥伴，大家全都願意來拚全台首創的，國小組客家音樂劇夏令營，就這樣決定下來了。博舜很快安排線上討論，宇君老師創意豐富動作也很快，富岡獅豹虎劇本，三天就寫出來，接著虹珈老師的開場音樂，決定用桃花過渡曲調來改寫歌詞，還提出要按照劇本需要，創作三段客家唸謠。
劇本全文翻客語，這是我的基本動作，自然沒問題，不過開場歌詞和創作三段唸謠，這就有較大的挑戰性！還好一直以來，我有學習寫散文、俳句、竹枝詞，花了三、四天的時間，總算初版出來了，大家很開心，經過幾次的線上討論，又把最後段的唸謠，改成桃花過渡曲套歌詞，就變兩段歌詞兩段唸謠，總算在七月下旬定稿了。
接著就是行政後勤工作，理事長總共分十五組，每組都很負責任，馬上各自進行自己的工作，伙食組沒幾天就規劃好，五天不一樣的午餐和點心。道具服裝組，也很快就準備差不多了，唯獨最難的，是要做出一個井來，大家都很傷腦筋的時候，還好協會的永宏先生馬上神助攻，主動接下這個艱難任務，大家心裡的大石頭總算放下來了。經過一個多禮拜時間，永宏先生在完全沒人幫忙的情況下，獨力完成這個井，做的很好很漂亮，大家都非常讚賞，真的很感動。
導演老師看到，馬上就說「你們太強大了，我只是一個概念圖，居然做的一模一樣」。聽導演這樣講，大家都高興的跳起來了，為了傳承客家文化，協會所有人的付出，都是歡喜做甘願受，無怨無悔的，向心力確實是第一的，表現出客家人的堅韌硬頸精神。
（富岡獅豹虎，還沒講完，您想要看完，請繼續看中、下集）
