文／邱鴻春，客語文薪傳師，桃園楊梅 伯公岡客家人（海陸腔）
成案有息慢
驚怕招生會較難
吂知踴躍心頭安
六月底學校避暑前，就有先問小朋友，先生會在八月份，辦一場連續五日个客家音樂劇夏令營，其中四日就在𫣆俚个富岡國小，一日會去農場看仙草摎DIY仙草茶包，做好繼續上音樂劇課程，有人愛報名參加無？居然大部分細人講，放尞已經有安排其他个課程咧，甚至有人講，堵好這段時間摎阿爸阿姆出國尞，尤其係各班平常時，上客語課互動較好儕，乜恁樣回答𠊎，心強強就冷忒一半咧，這下細人實在還好命！
等到宣傳EDM一出來，除了主辦單位富富．小山岡在面書粉絲頁宣傳之外，所有參與先生，相爭𢯭手分享，當然𠊎乜共樣，初期看報名人數當少，一、兩日正增加一個兩個，實在斯當愁，愛到哪量時正會有三十儕！該載正好，吂知到七月下旬，有來自中壢、平鎮、楊梅、新屋家長報名，一下仔斯淰咧，還有家長打電話來講，細人為著愛參加這隻夏令營，有當煞猛學習客語，要求多開放幾隻名額，經過大家討論後，決定加收三儕，總下三十三儕參加。
八月初五頭日上課，八點半到九點係報到時間，所有先生摎工作人員，通盤八點前就到場準備，展現大家愛做好个決心，係協會成立來，第一擺个大團結，諺語講：村中有個好阿嫂，滿村姑娘䟘來早。又講：寧願過錯，毋願錯過。這就係大家當時个心情，何況𠊎兜嗄止一隻好阿嫂，逐個全係好阿嫂、好阿哥、好阿姊、好阿妹、好先生。
上課前就分好三隊，各隊有兩個隊輔，全有一個靚靚後生个細阿妹，再過配一個較年長个先生，上課後馬上就各隊渡到教室，先安自家隊名，接等練習加動作个隊呼，逐隊全精神百倍，實在就還湛哪。
第一隊伯公獅 獅喊 獅走 伯公獅 最厲害
第二隊楊梅豹 楊梅豹 尾翹翹 楊梅豹 媱媱「跑不了」 看著肉香 走最遽
楊梅豹啊楊梅豹 𠊎最慶 慶慶慶
第三隊富岡虎 一二三四五 𠊎係富岡虎 會講會聽會跳舞
上課毋會打嘴鼓 𠊎俚係 當慶个富岡虎
富岡虎隊輔細阿妹仔，係𠊎第一個客語學生仔，大學愛升二年生咧，寫个隊呼嶄蠻做得，不愧係𠊎用心培養个好學生仔，哈哈哈。
（伯公岡獅豹虎，還吂講煞，你想愛看透，請繼續看下集哦！）
華語
成案有點慢
擔心招生會較難
居然踴躍心頭安
六月底學校放暑假前，就有先問小朋友，老師會在八月份，辦一場連續五天的客家音樂劇夏令營，其中四天就在我們的富岡國小，一天會去農場看仙草和DIY仙草茶包，做好繼續上音樂劇課程，有人要報名參加嗎？居然大部分小朋友說，放假已經有安排其他的課程了，甚至有人說，剛好這段時間和爸爸媽媽出國玩，尤其是各班平時上客語課，互動較好的幾位，也這樣回答我，心裡實在很受傷，現在小朋友實在好命！
等到宣傳EDM一出來，除了主辦單位富富．小山岡在FB粉絲頁宣傳之外，所有參與老師都踴躍幫忙分享，當然我也一樣，初期看報名人數很少，一、兩天才增加一位兩位，實在很擔心，要到什麼時候才有三十人！太好了，沒想到，到了七月下旬，有來自中壢、平鎮、楊梅、新屋家長報名，一下子就滿了，還有家長打電話來說，小朋友為了要參加這次夏令營，有很認真學習客語，要求多開放幾個名額，經過大家討論後，決定加收三位，總共三十三位參加。
八月五號第一天上課，八點半到九點是報到時間，所有老師和工作人員，全部八點前就到場準備，展現大家要做好的決心，是協會成立以來，第一次的大團結，諺語說：村中有個好阿嫂，滿村姑娘起得早。又說：寧願過錯，不願錯過。這就是大家當時的心情，何況我們何止一位好阿嫂，每個都是好阿嫂、好哥哥、好姊姊、好妹妹、好老師。
上課前就分好三隊，各隊有兩位隊輔，都有一位年輕漂亮女生，搭配一位較年長的老師，上課後馬上就各隊帶到教室，先取自己隊名，接著練習加動作的隊呼，每隊都精神百倍，真的是很棒欸。
第一隊伯公獅 獅吼 獅跑 伯公獅 最厲害
第二隊楊梅豹 楊梅豹 尾翹翹 楊梅豹 媱媱「跑不了」 看到肉香 跑最快
楊梅豹啊楊梅豹 我最棒 棒棒棒
第三隊富岡虎 一二三四五 我是富岡虎 會講會聽會跳舞
上課不會在亂唬 我們是 最棒的富岡虎
富岡虎隊輔年輕女生，是我第一位客語學生，大學要升二年級了，寫的隊呼蠻好的，不愧是我用心培養的好學生，哈哈哈。
（富岡獅豹虎，還沒講完，您想要看完，請繼續看下集喔）
