文／黃美貞，臺北市光復國小老師，苗栗客家人，這下戴台北市（四縣腔）。
一到避暑，係「阿貞大廚」展手藝个時節。這下外背講著食用油風波、食品安全，大家都當驚，還係自家煮个最安心。「阿貞大廚」逐日變花樣，煎、炒、煮、烰，香味滿屋。兩個半大細个倈仔像兩尾食肉魚，一鼻著肉个香味，就遽遽泅過來等食。
正煎好个鹹豬肉還吂落桌，一垤一下仔就分大个夾走；細个毋甘願輸人，緊喊：「該垤係吾个！」手腳比嘴還較遽，筷仔一下伸過去，肉又少一垤。𠊎一轉身想愛切青菜，轉過頭來，盤仔肚項嗄伸無幾垤。這尾泅過來夾一口，該尾泅過去又吞一口，嘴肚緊食，嘴項還緊講：「阿姆，這垤還愛！」看佢兜食到嘴擘擘，牙西西仔，𠊎心肝肚就想講：「無相干，愛食就食加兜！」煮飯个人，看著一家人食到舐嘴舐鼻，比自家食著還較有成就感。有時節，𠊎講：「留兩垤分阿爸。」兩儕煞共下望等盤仔，又偷偷仔放轉一垤，還細聲講：「等阿爸轉來再食。」看著佢兜恁樣，𠊎心肝肚又燒暖又好笑。
看等這兜畫面，𠊎就想起細人仔時節。該下阿姆逐朝晨天吂光就䟘床，在灶下無閒洎杈。菜刀剁剁響，油鑊滋滋滾，目珠還吂擘開，就鼻著飯香、菜脯卵香摎炒肉个香味。阿姆做个毋係這下流行个「早午餐」，係實實在在个「早點摎食晝」。一屋十儕人个三餐，全靠阿姆一雙手打點。飯、菜脯卵、青菜、肉丸同便當菜，一樣一樣都係現炒現煮，雖然毋係麼个山珍海味，毋過逐口都食得著菜香摎用心。
該下个𠊎，淨知飯菜好食，從來毋識想過，一餐燒飯後背，係阿姆打早就䟘床準備；一桌仔菜个香味，係阿姆一身汗水換來个幸福。等到自家做人阿姆，逐日企在灶下，聽等細人仔喊枵个聲，正慢慢仔體會著，原來阿姆逐日煮个家常菜，毋單淨係飯菜，還有對一家人个痛惜摎掛念，將一屋下个燒暖，變成一生人都毋會添放忒个幸福味緒。
華語
一到暑假，就是「阿貞大廚」大展身手的時候。現在外面常常討論食用油風波、食品安全，大家都很擔心，還是自己下廚最安心。「阿貞大廚」每天變換不同的菜色，煎、炒、煮、炸，整間屋子都飄著誘人的香氣。兩個半大的孩子，就像兩條愛吃肉的魚，一聞到肉香，就立刻游過來等著開飯。
剛煎好的鹹豬肉還沒端上桌，一塊馬上被哥哥夾走；弟弟也不甘示弱，大喊：「那塊是我的！」手腳比嘴巴還快，筷子一伸，盤子裡又少了一塊。我一轉身準備切青菜，再回頭一看，盤子裡竟然已經剩沒幾塊了。這個夾一口，那個又吞一塊，嘴裡不停地吃，還一直喊著：「媽媽，我還要一塊！」看著他們吃得嘴巴鼓鼓、笑得眉開眼笑，我心裡忍不住想：「沒關係，喜歡吃就多吃一點！」對一個煮飯的人來說，看著一家人吃得津津有味，比自己吃到美食還更有成就感。有時候，我故意說：「留兩塊給爸爸。」兄弟倆立刻一起望著盤子，互相看了一眼，又悄悄放回一塊，小聲地說：「等爸爸回來再吃。」看著他們這副模樣，我的心裡又溫暖又覺得好笑。
有時候，我故意說：「留兩塊給爸爸。」兄弟倆立刻一起望著盤子，互相看了一眼，又悄悄放回一塊，小聲地說：「等爸爸回來再吃。」看著他們這副模樣，我的心裡又溫暖又覺得好笑。
看著眼前這些畫面，我不禁想起自己的童年。那時候，媽媽每天清晨天還沒亮就起床，在廚房裡忙個不停。菜刀剁剁作響，油鍋滋滋翻滾，眼睛都還沒完全張開，就已經聞到白飯、菜脯蛋和炒肉的香味。媽媽做的不是現在流行的「早午餐」，而是真真正正的「早餐加午餐」。一家十口人的三餐，全靠媽媽的一雙手打理。白飯、菜脯蛋、青菜、肉丸和便當菜，每一道都是現炒現煮。雖然不是什麼山珍海味，卻每一口都吃得到食材的香氣，也吃得到媽媽的用心。
那時候的我，只知道飯菜很好吃，從來沒有想過，一頓熱騰騰的飯菜背後，是媽媽天還沒亮就起床準備；一桌香噴噴的菜餚，是媽媽用滿身汗水換來的幸福。直到自己也成為母親，每天站在廚房裡，聽著孩子喊餓的聲音，才慢慢體會，原來媽媽每天煮的不只是家常菜，更是對一家人的疼愛與牽掛，把一整個家的溫暖，化成一輩子都不會遺忘的幸福滋味。
