文／張博舜，地方文化暨社區創生工作者，桃園楊梅伯公岡四湖客家人，感謝薪傳師邱鴻春先生指導客語寫作（海陸腔）
客語傳承從細開始釘根，伯公岡地區透過在地个元素，百年个客家莊頭街路，結合鐵路文化「火車」、水路文化「水井」、信仰文化「伯公」，運用三大方向來長期推動地方發展，為著愛分細人有機會做得行入伯公岡，熟事在地文化發展，富富·小山岡在地創生文化組織，串聯無共樣專業个先生，有歌唱、舞蹈、遊戲這兜，創作伯公岡地區第一首个童謠－伯公岡个老時味。
2025年避暑在富岡國小，桃園市南桃園客青交流協會辦理「2025穿越百年車站 唱遊富岡故事夏令營」，用唱跳加搞个方式，分細人仔用輕鬆生趣方式來學講客，在生活當中用得著个客語詞彙做得帶轉去。在地伯公岡客家童謠，由客家後生創作家「陳虹珈」先生來作曲，結合客語薪傳師「邱鴻春」先生寫文化詞，加上舞蹈大腳士「徐禎霞」先生，三儕先生配合著當合線。
當然，愛分細人有湛斗个客家體驗，毋單淨愛有先生，客家後生隊輔乜係當重要个角色，透過兩隊「火車隊」摎「水井隊」，後生隊輔自家創作个客語隊呼，用生活化个唱跳學習，火車隊用「火車火車嘟嘟響」做起頭來餳細人，水井隊用「火井水井𠊎最慶」鼓勵个方式來起勢，最有意思還係遊戲結合在地元素，分細人沉浸在地文化體驗，設計闖關个活動，有「客家仙草大PK」、「客家五福剪紙四方箱拼圖」、「伯公岡客家菜飲食拼圖」、「客家創意黃瓠粄手做」等等，細人仔緊搞緊學，相賽牙絲絲歡喜靂天。
最餳人看个係，夏令營最尾一日个成果發表，運用客家手指謠，結合伯公岡第一首原創个童謠，大人毋單淨坐在台下看細人仔發表，在正式發表以前，主持人還邀請家長摎來賓企起來，跈等台頂个小朋友來做手指謠，共下比手畫腳，台頂台下鬧熱煎煎，手指謠念煞，主持人還問家長來賓，手指謠个內容詞彙有哪兜，目的就係還較希望後生爺哀乜做得在屋下，摎細人共下講客，逐儕都係文化摎語言个傳人。
當多事情這下毋做，下二擺可能斯無機會咧，愛把扼現下，莫分自家捶心肝，長透會聽人講，頭擺仰般又仰般，既然恁樣，係毋係𫣆俚這下就來做，共下創造新个文化摎語言傳承環境。
華語
客語傳承從小開始紮根，富岡地區透過在地元素，百年的客家市街村莊，結合鐵路文化「火車」、水道文化「水井」、信仰文化「土地公」，運用三大面向來長期推動地方發展，為了要讓孩子有機會可以走進伯公岡(富岡)，熟悉在地文化發展，富富·小山岡在地創生文化組織，串聯不一樣專業的老師，有歌唱、舞蹈、遊戲等，創作專屬於富岡地區第一首童謠—伯公岡的舊時記憶。
2025年暑假在富岡國小，桃園市南桃園客青交流協會辦理「2025穿越百年車站 唱遊富岡故事夏令營」，用唱跳和玩的方式，給小朋友用輕鬆有趣方式來學客語，在生活當中用得到的客語詞彙可以帶回家。在地伯公岡客家童謠，由客家年輕創作家「陳虹珈」老師作曲，客語薪傳師「邱鴻春」老師填文化詞，加上舞蹈強棒「徐禎霞」老師，三位老師配合的天衣無縫。
當然，要讓孩子有更好的客家體驗，不只要有老師，而客家青年隊輔扮演著很重要的角色，透過兩隊「火車隊」和「水井隊」，青年隊輔自創客語隊呼，用生活化唱跳學習，火車隊用「火車火車嘟嘟響」起頭來吸引小朋友，水井隊用「火井水井我最厲害」鼓勵方式切入，最有意思還是遊戲結合在地元素，讓孩子沉浸在地文化體驗，設計闖關活動，有「客家仙草PK」、「 客家五福剪紙立體紙箱拼圖」、「富岡客家菜飲食拼圖」、「客家創意南瓜粄」等等，小朋友玩中學，一起玩的笑嘻嘻歡天喜地。
最吸引人注目的是，夏令營最後一天的成果發表，運用客家手指謠，結合富岡第一首原創童謠，大人不只是坐在台下看孩子發表，在正式發表以前，主持人還邀請家長和來賓站起來，隨著臺上的小朋友帶動手指謠，一起比手畫腳，台上台下都玩成一片熱鬧滾滾，手指謠念完，主持人還問家長來賓，手指謠的內容詞彙，目的就是更加希望，年輕父母也可以在家，和孩子一起講客語，每個人都是文化和語言的傳人。
很多事情現在不做，以後可能就沒機會了，要把握現在，別讓自己後悔，常常聽人家說，以前怎樣又怎樣，既然如此，是不是我們現在就來做，共創新的文化和語言傳承環境。
