文／胡宇欣 醫師、新埔客人、這下戴台中市
腔頭：海陸腔
清明連假又到了，除忒轉老屋掛紙之外，相信乜有當多人按算利用假期摎屋下人共下出門遶尞。看著電視新聞，一片係逐日越來越多个COVID-19確診人數，一片係人尖人个高鐵、車尖車个高速公路，身為一儕醫療人員，𠊎緊看緊驚，愁慮假期過後疫情到底會仰般變化。
群聚，係COVID-19傳染 个一隻非常重要个原因。減少群聚，就做得減少著病个機會。還記得舊年清明時節，大家係仰般平安度過無？該量時，國內个疫情雖然無當嚴重，毋過大家已經知著著這病人可能會死忒，所以在網路頂有盡多人流傳一句話，安到”今年拜祖先，明年做祖先”來勸話親戚朋友，無需要就毋好群聚掛紙。續下來个阿姆節連假就無恁好運了，因為大家个心態較儘採，結果疫情在假期過後就大爆發了。在兩隻月个三級警戒當中，超過一萬四千儕人著病，當中有超過七百儕過身，實在當得人驚。這擺个Omicron變種比舊年个還較會遰人，假使無注意兜，疫情可能會更加嚴重。
有人說，雖然Omicron當會遰人，毋過著病个人大體都係輕症，像冷著樣，毋使恁愁慮。但係，這句話淨適用在注射過三門預防射个人定定。假使你係無注射過疫苗射个老人家，著到Omicron還係可能會重症甚至過身。根據目前疫情當嚴重个香港，佢个資料，著著Omicron過身个人裡背，有七成係無注預防射个。在台灣，超過75歲个老人家，還有四分之一吂注射過疫苗射，若係佢兜分人遰著，事情就大條了，到時過注射乜來毋掣了。這下政府非常鼓勵大家去注預防射，去注射毋單淨毋使錢，還有獎金好領，正經係有好食又有好拿。另外，有注射疫苗射，日後解封正做得出國去尞。想愛安心掛紙？想愛出國遶尞？遽遽注防射就著了！
算來政府摎第一線醫護人員對抗COVID-19，守護國人个康健，到今已經兩年了。
愛記得，你个歲月恬靜美好，係有人代你㧡等緊向前行。這駁仔，社會上”解封” 个聲緊來緊大，疫情指揮中心乜開始減少在屋下隔離个時間。毋過，面對越來越多个確診病例，亻恩俚敢正經準備好了？想愛”解封”，愛先有本錢。本錢係麼个？就係”疫苗射愛注好，封嘴仔愛戴好，無事情莫群聚，雙手愛消毒好”。這四件事情做好勢，大家正做得安全个摎病毒”共存”。希望大家在連假期間，除忒繼續做好防疫，還愛遽遽注預防射，保護自家，乜保護屋下人。祝福大家假期快樂，平安康健，天佑臺灣！
華語：
解封解封，你真的準備好了嗎？
清明連假又到了，除了返鄉掃墓之外，相信也有許多人打算利用假期陪家人出門旅遊。看著電視新聞，一邊是每天越來越多的COVID-19確診人數，一邊是人擠人的高鐵、車擠車的高速公路，身為一位醫療人員，我越看越怕，擔心假期過後疫情會有什麼變化。
群聚，是COVDI-19傳染的一個非常重要的原因。減少群聚，就可以減少染病的機會。還記得去年清明時節，大家是怎麼平安度過的？當時，國內的疫情雖然不很嚴重，不過大家已經知道得到這疾病是可能會死人的，所以在網路上有很多人流傳著一句話，叫做”今年拜祖先，明年做祖先”來勸告親戚朋友，沒需要就別群聚掃墓。接下來的母親節連假就沒那麼幸運了，因為大家的心態較隨便，結果疫情在假期過後就大爆發了。在兩個月的三級警戒當中，超過一萬四千人染疫，其中超過七百人過世，實在很可怕。這次的Omicron變種比去年的更會傳染人，假使不多注意，疫情可能會更加嚴重。
有人說，雖然Omicron超會傳染人，不過染病的人大多都是輕症，像感冒一樣，不用太擔心。但是，這句話只是用在注射過三劑疫苗的人而已。假使你是沒有注射過疫苗的老人家，得到Omicron還是可能會重症甚至死亡的。根據目前疫情相當嚴重的香港的資料，得到Omicron死亡的人裡面，有七成是沒有注射疫苗的。在台灣，超過75歲的老人家，還有四分之一沒有注射過疫苗，若是他們被人傳染到，事情就大條了，到時在注射也來不及了。現在政府非常鼓勵大家去打預防針，去打針不只不用錢，還有獎金可領，真的是有吃又有拿。另外，有注射疫苗，往後解封才可以出國去玩。想要安心掃墓？想要出國去玩？快快打預防針就對了！
算算政府和第一線醫療人員對抗COVID-19，守護國人的健康，到現在已經兩年了。要記得，你的歲月靜好，是有人替你負重前行。這陣子，社會上”解封”的聲音越來越大聲，疫情指揮中心也開始減少居家隔離的時間。不過，面對越來越多的確診病例，我們真的準備好了嗎？想要”解封”，要先有本錢。本錢是什麼？就是”疫苗要打好，口罩要戴好，沒事莫群聚，雙手消毒好”。這四件事情做好來，大家才能安心與病毒”共存”。希望大家在連假期間，除了繼續做好防疫，還要趕快去打預防針，保護自己，也保護家人。祝福大家假期快樂，平安健康，天佑台灣！
