文／高琮崴
桃園中壢人，這下戴嘉義民雄，目前就讀國立中正大學犯防所碩士在職專班（ 四縣腔）
阿公，𠊎係阿吉牯。感謝你從細對𠊎這兜幾個孫仔个照顧，還細時因為阿爸阿姆頭路盡無閒，輒常做事做到無日無夜，𠊎不時會在阿公屋下歇夜，阿公阿婆毋會大細心對𠊎這個外孫，阿舅、舅姆人乜盡好，毋會嫌還愛照顧𠊎同姊姊兩儕。
想起頭擺阿公當惜𠊎，印象最深个事情愛從食講起，做細人仔个時節當好淨飯攞爌肉味食，毋使傍菜一碗公飯就做得咈淨淨，阿公知𠊎好恁樣食，見擺去阿公屋下，阿公都會問：「阿吉牯愛留下來食夜無？阿婆有炆你盡好个爌肉，摎你攞兜仔味傍飯好無？」假使𠊎講：「好啊！」阿公就會遽遽去準備，連飯就摎𠊎添好，最尾淋上精髓所在个爌肉味，看起來當餳人吃。
頭擺婦人家講：「愛揢著男仔人个心，愛先揢著厥个胃」，𠊎想這句話對細人乜共樣有效！在阿公屋下除忒有鹹香个客家菜以外，還有童年共下搞个伴—表哥（阿舅个倈仔），電動自家搞，無兩儕人共下搞快樂，生趣个事情乜愛兩儕共下做，到時分世大人罵正毋會孤栖伸一儕人。
對細人仔來講盡重要个兩件事係「搞」同「食」，在阿公屋下都滿足哩，故所還細該央時逐隻禮拜，都期待做得在阿公屋下歇一暗晡？雖然𠊎這兜輒常嘰嘰嘎嘎還並並磅磅緊吵人，毋過阿公阿婆看著恁多孫仔，共下鬧熱个畫面嶄蠻歡喜哩。緊講緊想起逐擺過年歸家人共下去花東遶尞，正經當歡喜當暢，𠊎逐年就希望做得出去尞，歇旅舍个暗晡頭共下搞十八仔鬧熱煎煎，實在當分人懷念。
這下阿爸、阿婆、阿公既經過身哩，這兜美滿个畫面就伸著回憶，雖然感情上盡毋盼得，毋過𠊎相信人个精神會繼續傳承下去，𠊎兜應當歡喜阿公脫離身體个約束，做得自由自在滿哪仔去遶尞，最尾承蒙大家來參加吾公个好事，阿公定著會在天頂看顧大家，保佑大家人身體健康、平安順序、家庭幸福美滿，過一擺感謝大家在上班日挷縫來參加，恁仔細。
華語
阿公，我是阿吉仔。感謝你從小對我們幾個孫子輩的悉心照顧，小時候因為父母親工作忙碌，時常工作到很晚，常常暫住在外公家過夜，阿公阿婆從不會因為我是外孫，而有任何的偏心，舅舅舅媽人也很善良，不會因為要多照顧我跟姊姊感到厭煩。
想到阿公對我的疼愛，吃的方面最令我印象深刻，小時候很喜歡白飯淋上爌肉滷汁，甚至要我這樣單吃都可以，不用其他配菜，阿公知道我喜歡這樣吃，每次去外公家阿公都會問：「阿吉仔要留下來吃晚餐嗎？阿婆有煮你最愛的爌肉，幫你拌一些滷汁配飯好嗎？」當我說：「好阿！」阿公就會快快去準備，幫我把飯都盛好了，最後淋上銷魂的爌肉汁，光是用看的就叫人垂涎三尺。
以前女人家不都說：「要抓住男人的心，首先要抓住他的胃」，我想這招對小孩肯定也管用！在外公家除了有鹹香的客家菜，當然也少不了童年時的玩伴—舅舅的兒子（表哥），電動自己玩，比不上兩個人一起競爭切磋的快樂，同樣冒險有趣的事情兩個人一起行動，到時被大人罵時才不會顯得孤單寂寞。
對孩子來說最重要兩件事「玩」跟「吃」，在阿公家都被滿足了，所以小時候每到週末時刻，都很期待能在阿公家住上一晚，雖然孩子們常常把整間屋子弄的鬧哄哄地，不過外公外婆看到孫子孫女那麼多，含飴弄孫熱鬧的畫面，老人家心裡也是甘之如飴吧。說著說著又想起每次過年全家人一起去花東玩的日子，是我每一年最期待的事，每晚在民宿一起玩擲骰子人聲鼎沸熱鬧的場景真令人懷念。
現在爸爸、阿婆、阿公都已經過世了，這些美好的片刻如今只剩回憶了，雖然情感上很不捨，但我相信人的意志是會傳承下去，我們應該高興阿公脫離了軀殼的約束，能隨心所欲的到處去玩樂。最後謝謝大家來參加我外公的告別式，外公肯定會在天上顧著大家，保佑大家身體健康、平安順心、家庭幸福美滿，再次感謝大家在上班日撥空來參加，謝謝。
