勞動基金去年虧損3529億元　收益率負6.71%

2023年02月01日

00:00

客委會出版翻譯6儕客家文學家作品到國外个消息

【苗栗西湖海陸腔／蘇佑昇】客家委員會昨晡日下晝在台北國際書展藍沙龍，舉辦「2021年到2023年客家文學作品翻譯摎海外推廣」个階段成果發表會，這擺翻譯成果發表，有多儕分選作翻譯作品个文學家出席，像係作家吳錦發、張芳慈、李旺台，還有杜潘芳格个妹仔杜佳陽，還有李喬文學協會理事劉慧真這兜人到現場，就係希望台灣客家文學个力量做得分全世界看到。
接下來聽一下客委會主委楊長鎮个訪問：「這擺恁哩所舉辦个客家文學翻譯外文个計畫，係兩年期个計畫，照原定計畫恁哩會在3月底會正式來出版，今晡日在國際書展當中，提前推出分大家來看這著試讀本，也希望藉這著機會分更加多人來瞭解講，恁哩已經將台灣客家文化介紹分全世界，這擺翻譯6位作家个作品，有英文西班牙文、有德語文、捷克文，這著過程也盡感謝出版界玉山社摎恁哩共同合作，這个過程已經有人將曾貴海醫生翻譯个作品，提作送到厄瓜多，得到國際詩歌大獎，這係十分重要个國際上詩个獎，這下厄瓜多這兜文學家、作家也聯名愛提名，推薦曾貴海醫生去參加諾貝爾文學獎，可以講恁哩這擺計畫，順利有達到恁哩所設定个目標，恁哩也希望繼續更加努力翻譯更多个台灣客家文學作品，用更加多个藝文翻譯分全世界來認識，台灣客家人在文化上个成就。」

台灣客家文學翻譯出版接軌世界　厄瓜多詩人聯署曾貴海參賽諾貝爾文學獎

【要聞中心／台北報導】客家委員會今天下午在台北國際書展藍沙龍，舉行「2021-2023年客家文學作品翻譯及海外…

臺灣股票个消息

台灣股市今晡日一開盤就起價81.15點，加權股價指數係15346.35點，成交金額係新台票40億5千1百萬個銀。
因為美國股票4大指數起價，也帶動台灣股市今晡日一開盤大起價，所以台積電開盤漲幅就有百分之2，指數大漲最高有超過一百點，收復15300點个關卡還有年線，最高來到15399.97點。
目前台積電起價有10箍，早盤最高533箍、漲幅係百分之2.1，另外，拜五（2月初3）聯發科會召開法人說明會，所以今晡日也漲幅百分之1，最高來到728箍。
接下來係航運貨櫃个股票，長榮略略兒漲幅百分之0.33，早盤最高來到153箍，以上股票信息做得分鄉親參考。