大年初六國道持續塞車　公路總局：建議早上北上、下午南下

首先來關心正月初六這兜高速公路路線可能會塞車个消息

【苗栗西湖海陸腔／蘇佑昇】高速公路總局表示，今晡日係正月初六暗算國道1號下南个方向楊梅到新竹還有彰化系統、埔鹽系統、國道5號下南南港系統到頭城，上北个方向宜蘭到坪林這兜路段會塞車，建議下南个人盡量在下晝正來駛車仔上國道，上北个人盡量在朝晨正來駛車仔到國道，避免塞車。

高速公路總局也表示，今晡日係連續假期个第8日，經過統計昨晡日歸日个交通量係1億2千8百4千萬車公里，係一年年平均平常時个8千8百萬車公里个1.5倍，國5交通量為3百50萬車公里，係一年平均平常時2百60萬車公里个1.3倍。
高速公路總局講，請鄉親出門駛車仔盡前愛睡飽有精神才來駛車仔，還有出門盡前做得利用高速公路1968App掌握最新个路況，駛車該時也愛注意車前狀況，保持安全距離。

最尾係替代道路部分，假使鄉親愛駛長途旅程，建議鄉親做得多加利用台61替代國1還有國3高速公路、台9線替代國道5號、台63替代國道6號、台74接國道4號做得改駛國1還有國3台中路段。
另外，短途旅程个話，建議鄉親盡量利用駛省道縣道，不好駛國道。

接下來係印度研發出來噴鼻孔個covid19預防射消息

印度一間生技公司研發出來係講係全球第一隻噴鼻孔个COVID-19預防射今晡日正式發表，這隻噴鼻孔個covid19預防射係分有注過2門預防射个鄉親過注个加強劑。
這款噴鼻孔个COVID-19預防射係印度政府購買个醫療產品，每一門係325盧比，差毋多係新台票120塊，雖然係噴鼻孔恁簡單方便个方式，毋過印度政府目前還在最開始个階段，所以還毋會開放民間來購買，淨做得從印度官方預防射个注射網站來注文，還愛請專業醫療人員來噴鼻孔執行醫療行為。
印度衛生部長曼達維亞（Mansukh Mandaviya）講，全球百分之65个預防射係印度供應製作，所以這擺印度成功研發出來全球第一款噴鼻孔个COVID-19預防射，也係印度醫療研發力量个展現。

林書豪確定2月最快來台灣打球个消息

台灣職業籃球PLG聯盟高雄鋼鐵人隊，在正月26正式宣布，前NBA球星林書豪確定，會加盟台灣个鋼鐵人隊，林書豪也在自家个instagram摎台灣个球迷講：「高雄，我來了」。
34歲个林書豪去年12月29摎中國个職業籃球CBA廣州龍獅提前解除合約，所以這擺林書豪來台灣打球加入台灣个球隊也完全合法，目前就等官方宣布。