台灣機票注文數量恢復到疫情之前百分之80
【蘇佑昇／西湖海陸腔】世界各國陸續完全開放邊境措施，所以台灣旅遊業者也觀察著，從邊境開放以後，機票注文个數量也持續增加，恢復到疫情進前个百分之80到90个水準，當多鄉親也早先買明年舊曆春節个旅遊機票，像係年底个機票注文數量就摎舊年同期相比增加了3倍个數量，這滿過持續增加當中。
也因為全世界各國航班恢復个關係，目前逐間航空公司陸續宣布恢復進前个航線還有增加航班，易遊網旅遊業者表示，旅遊路線東北亞部分，日前長榮航空公司恢復飛日本仙台个路線，續下來，星宇航空公司會在4月初1新增加日本仙台个航點，國泰航空會在5月、6月陸續恢復飛台北到日本東京，還有台北到日本大阪个航班；韓亞航空係從3月起勢，增加韓國首爾航班，大韓航空也會定定仔恢復原本所有个東北亞个航線。
另外，歐洲美國航班个話，易遊網講，星宇航空從4月26起勢做得飛洛杉磯航點；中華航空係恢復飛台北到羅馬之外，在7月18起勢也會新增加台北到捷克布拉格个航點，最尾，東南亞个話，長榮航空會推出飛菲律賓克拉克機場个全新航點。
捷克眾議院議長來台灣立法院演說
捷克眾議院議長艾達莫娃（Markéta Pekarová Adamová）今晡日帶領捷克眾議院个議員團隊做盡160儕，來台灣訪問，捷克眾議院議長艾達莫娃講，這擺个訪問台灣立法院行程當中，有捷克眾議院个執政黨也有反對黨成員，代表捷克眾議院支持台灣个立場，艾達莫娃也講，這擺訪問台灣，分訪問團有最深印象个所在係宜蘭傳藝中心，佢今晡日在立法院發表演說該時講，轉到捷克一定會摎捷克个鄉親講，雖然捷克摎台灣相隔幾下千公里、講無共樣个語言，嗄做得有恁多共樣个所在，還做得互相了解自家國家，正經當難得，最尾，艾達莫娃講，「𠊎想愛摎若兜保證，捷克會摎若兜共下，繼續摎若兜在任何情況之下互相支持」現場也響起來大聲个拍手聲。
Adamova）（前右4）今日上午率團拜訪立法院，在立
法院長游錫堃（前右3）帶領下走入立法院中
庭，入場時艾達莫娃向眾人揮手致意。中央社
Adamova）28日上午應邀赴立法院議場發表演說表
示，台灣與捷克在地理上雖然相隔數千公里、說著不
同語言，但在世界上很難找到具有這麼多相似之處、
相互了解的國家。中央社
Adamova）（發言台紅衣者）今日上午率團拜訪立法
院，並在議場內發表演說。中央社
Adamova）（左3）今日上午率團拜訪立法院，結束行
程準備離去時，朝野立委上前與其拍照，她也比出大拇
指與眾人合影。中央社
Adamova）（前紅衣者）今日上午率團拜訪立法院，立法院
長游錫堃（後）在議場內頒授「國會一等榮譽
獎章」給艾達莫娃。中央社
｜講客廣播電臺－收聽頻率｜
▹宜蘭 FM102.9
▹北北基高屏 FM105.9
▹桃竹 FM105.7
▹苗中彰投 FM101.5
▹雲嘉南 FM104.3
▹花東 FM106.9
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
歡迎大家下載講客廣播電臺APP，共下講客Let’s fly
