文／陳昱安 學生、高雄河洛人、這下戴高雄市
腔調：四縣腔
「客委會調查2020年客語使用情形，比5年前少8個百分點，地方政府研擬政策，希望做得分大家共下來學客語……」每擺看著這種新聞亻厓就會想着現下做得看着當多个後生仔在客家電視臺、客家廣播節目還有各種大型个活動中做得用當流利个客語摎老人家、壯年个族群打嘴鼓，但頭前講个報導還係指出根據統計現下最毋會講客語就係這群差毋多二十到三十歲个後生仔，社會上常常也有一个觀念就係「後生仔就係毋會講客語」，後生仔到底會毋會講客語，亻厓想試著用「語境」這個字彙來講亻厓个看法。
「語境」這字彙照字典个意思係指人講話該下人在哪種環境、呈現个狀態係麼个樣仔，用講客做例仔，頭擺係農業社會，人摎人之間个對話三句不離農事，故所人會講个客話像「糶糴」、「交工」全係摎農業有關。毋過這下係工業社會，後生仔講个客語毋像頭前這兜前輩講个客語有恁多農業个用字，加上講客輒常腔頭就毋像前輩講个恁湛斗，自然就會有「後生仔就毋會講客語，客語愛失傳咧」這種印象出來咧。
其實對這種情形，亻厓盡欣賞个客語教授－羅烈師先生乜識講過佢个看法，佢講：「確實這下後生仔講个客語較沒泥味，聽起來毋像亻厓兜講个客語，但這係語言變動个過程，像亻厓兜講戇牯海陸會講戇仔です，です係日語轉過來用在客語裡肚，後生仔个客語共樣，隨時代个變化、華語个影響正會變作今晡日个樣仔。」亻厓對這句話當有感覺，語言本來就係溝通个工具，前輩還有後生仔做得好好想看仰般同語言傳下去，正係亻恩兜講客个目的。
後生仔毋會講客語其實係毋愛講，語言个使用一定愛有目的，像寫歌个鍾永豐先生，佢个「臨暗」就係因為用臨暗這種字句當好表現佢心肝肚想愛摎大家講个事，所以佢才會用客語寫詩。後生仔愛用客語、講客語除忒愛有人教，仰般摎傳統對話，還過分人試著講客係一件盡厲害个事情，係亻恩兜未來愛煞猛个重點。
華語：
年輕人不會講客語？
「客委會調查2020年使用客語的情形，比5年前少8個百分點，地方政府研擬政策希望讓更多人來學習客語……」每一次看到這種新聞就會想到現在很多年輕人出現在客家電視台、客家廣播節目或者各種大型活動用很流利的客家話跟長輩對談，但是在客委會的報告中仍指出二十到三十歲的年輕人最不會講客語，社會上也常常有一個觀念是「年輕人就是不會講客語」。年輕人到底會不會講客語，我想要從「語境」這個詞彙來講我的看法。
「語境」這個詞彙的意思在於一個人講話當下的時空背景及環境是呈現什麼樣的狀態，以講客語為例，早期是農業社會，人跟人之間的話語都是離不開農事，所以會講的客語像是「糶糴」、「交工」全部都是跟農業有關的用語。但是進入工業社會的今日，年輕人的客語沒有像長輩一樣有那麼多農業用字，加上講客語的口吻就不像長輩那樣優秀，自然就會有「年輕人不會講客語，客語要失傳了」這樣的印象出來。
其實對這種情形，我最尊敬的羅烈師教授曾經說過：「確實現在的年輕人講客語已經缺少那個味道，聽起來不像我們講的客語，但這是語言變動的過程，像海陸講笨蛋的字眼也是從日語演變過來的，年輕人的客語也一樣隨著時代以及華語的影響才會變成今日的模樣。」我對這句話有感覺，語言本來是一種溝通工具，年輕人跟長輩好好想想怎麼樣將客語傳下去，才是講這種語言最主要的目的。
年輕人不會講客語其實是不愛講，語言的使用一定要有一個目的性，寫歌的鍾永豐老師曾提到他的「臨暗」是因為用這個詞才能將自己的心情轉述給別人，所以才用客語寫詩。年輕人講客語除了要有人教，怎麼樣跟傳統對話並讓人覺得講客語很厲害，是我們未來要努力的重點。
