台東出現紅色月亮 原來是美麗的錯誤
【江芮敏／苗栗市四縣腔】昨晚農曆16日滿月，台東出現大又圓的紅月亮，吸引民眾賞月。台東氣象站表示，這是因空氣污染，月亮升起時懸浮微粒擋住藍光，月亮看起來就會紅色。台東氣象站主任黃嘉美接受媒體電話訪問時表示，出現紅色的月亮是因為空氣品質比較差，能見度低，空氣中比較多懸浮微粒就會擋住藍光，剩下的光就比較偏紅光進到眼睛，月亮看起來就紅色，但因角度關係沒有維持很長。她說，昨晚台東空氣品質差的原因是南風和北風碰撞，並將其他地區的髒空氣帶到台東上空，加上微暖的南風有水氣，因此懸浮微粒也會比較多，能見度就比較低。
【客文版】
昨暗晡係舊曆16滿月，台東出現又大又圓个紅色月光，餳鄉親來看。台東氣象站表示，這係因為空氣污染，月光出來个時節懸浮微粒擋等藍光，月光看起來就係紅色个。台東氣象站主任黃嘉美接受訪問个時節表示，出現紅色个月光係因為空氣品質較毋好，能見度較低，空氣裡背較多懸浮微粒就會擋等藍光，伸下來个光就較偏紅光入到目珠，月光看起來就係紅色，毋過因為角度个關係無維持當久个時間。佢講，昨暗晡台東空氣品質較毋好个原因係南風摎北風撞共下，還同其他地區較屙糟个空氣帶到台東頂高，加上較燒暖个南風有水氣，故所懸浮微粒也會較多，能見度就較低。
蔡總統：和美方面對面溝通有助兩岸關係平穩 中國勿過度反應
蔡總統3月29日啟程展開「民主夥伴共榮之旅」，去程過境紐約，依序訪問友邦瓜地馬拉、貝里斯，返程過境洛杉磯時，於美西時間4月6日上午與隨團記者茶敘；蔡總統結束茶敘後，將搭乘專機返台，預計台灣時間7日晚間返抵台灣。媒體問到，蔡總統在洛杉磯會晤美國眾議院議長麥卡錫，引起世界各國關注，是否是過境外交、台美關係的突破。蔡總統說，是不是突破，不同人有不同解讀。蔡總統表示，規劃行程時最主要是以這趟行程要達到的目標做規劃，過境行之有年，利用過境跟美國朋友見面是常有的事情，跟美方有面對面溝通機會，對兩岸關係平穩跟區域和平都有幫助，希望中國方面自我克制、不用過度反應。中國啟動「台灣海峽中北部聯合巡航巡查專項行動」，企圖將台海內海化，政府如何因應。蔡總統說，她出訪期間，國安團隊都保持關注情勢，所做的一切務必要確保海上船隻安全，防止中國干擾領海。此行團隊做了詳盡的國安議題檢查，也預判整體情勢，希望出訪順利之餘，也對國安情勢全盤掌握。
【客文版】
蔡總統3月29起勢展開「民主夥伴共榮之旅」，去个時節過境紐約，照等順序訪問友邦瓜地馬拉、貝里斯，轉个時節過境洛杉磯，在米國時間4月初6朝晨同記者打鬥四；蔡總統結束打鬥四過後，會坐專機轉到台灣，按算台灣時間7號暗晡就會轉到台灣。媒體問著，蔡總統在洛杉磯同米國眾議院議長麥卡錫見面，引發全世界个關注，係毋係係過境外交、台美關係係毋係有進一步个發展。蔡總統講，係毋係有進一步个發展，逐儕人都有無共樣个解釋。蔡總統表示，規劃行程个時節最主要係以這轉行程愛達到个目標做規劃，過境个事情有幾十年了，利用過境摎米國朋友見面係當輒常有个事情，同米國有面對面溝通个機會，對兩岸關係平穩同區域和平都有幫助，希望中國方面做得控制自家、毋使過度反應。中國啟動「台灣海峽中北部聯合巡航巡查專項行動」，試等愛同台海內海化，政府愛仰般因應。蔡總統講，佢出訪个期間，國安團隊都保持關注情勢，做个所有事情定著愛確定海上个船仔安全，阻擋中國攪杈領海。這擺團隊做了當詳細个國安議題檢查，也預估整體情勢，希望出訪順利以外，也對國安情勢有全面个了解。
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
（Android連結：https://reurl.cc/8GWlXd）
（IOS連結：https://reurl.cc/O1pb59）
