文／林淳華，客家研究人員，台中市豐原區學老人（大埔腔）
東勢正月半，文化街宮廟會舉辦新丁粄比賽，毋過，客家庄堵著老人家較多，嬰兒緊來緊少，後生人徙到外庄，逐年新丁粄活動愛想辦法解決這兜問題，乜使得看大粄活動在東勢客家庄繼續傳落去。
東勢連續32年人口無增加了，特別係2015年到2020年人口少撇2,139儕人，係台中市五年來人口減少盡多个行政區，人口緊來緊少个原因係老人家過身、後生人徙到外背、無降細人，所以，東勢人口對1999年六萬零儕，現下伸四萬七千零儕，65歲个人口有22.7%，係台中區各區中盡高个。
東勢人口減少對辦新丁粄活動十分不利，毋過，宮廟乜用新个方法來解決這緊來緊少人个問題，分客家庄傳統慶典續核辦落去，包括新孫、新細妹息嫲乜使得做大粄，還過，大粄毋單淨分會員，乜使得做一個恁大个粄分生份人食。
復興宮福安祠分大粄。林淳華翕
泰安宮會員添孫，做大粄。林淳華翕
正月半暗晡个東勢，比過年還鬧熱，街路同細巷弄斯有人在該行，𠊎聽著兩個後生人講話：
「仰脣愛做大粄？」
「添丁，斯係新丁哩！」
新丁粄制度斯係宮廟會員个屋下有新婚、添丁，愛做大粄分會員，親像今年雙福祠，羅家个倈新婚，羅家做27個十斤大粄分會員，下一擺哪位會員屋下有喜事，乜愛做27個大粄。頭擺係新婚、新丁做大粄，毋過，因為宮廟會員大部分做阿公、阿太，這滿降細倈同細妹共款，所以，鯉魚伯公廟个會員添細妹息嫲，乜做大粄分會員，泰安宮个會員添新孫，當然乜做大粄分享歡喜。
今年復興宮福安祠乜改變會員分大粄个方式，一個阿公添孫，在廟前切一個盡大个粄分大家分，有排隊儕斯分得著粄，無限制係會員正有。阿公自家切粄，還準備放粄个紙盒，當有誠意。孫分厥姆揇分大家人看，這係𠊎第一擺在新丁粄活動看著嬰兒，當合節慶个意義，吾等乜當暢分享該屋下个歡喜。恁泥分大粄个方式，同頭擺分共下戴客家庄个會員大粄無共款，頭擺係會員斯有大粄，這滿朋友、外背人、同學斯分得著；頭擺客家莊頭有「包禮愛還」个想法，毋過，大家食一屑屑粄，食著毋會有負擔，恁樣分享方式、毋使還啦。
東勢後生人同嬰兒緊來緊少，毋過，大雪山腳下个客家人還係用生活智慧過節，頭擺大粄比重比來比去个感覺少了，倒轉希望緊來緊多个人共下來看大粄，分新丁粄節慶活動傳承落來。
華語
東勢元宵節，文化街廟宇都會舉辦新丁粄比賽，但是因為客家庄面臨高齡、少子、人口外移，每年新丁粄活動仍想辦法解決這些問題，而得以讓元宵節看紅龜粿，在東勢客家庄繼續辦下去。
東勢人口已經連續32年人口負成長，尤其是2015年到2020年人口減少2,139人，創下臺中市五年來人口減少最多的行政區，人口不斷減少的原因，有老年人口凋零、人口外移、少子化，於是，東勢人口數從1999年的六萬多人，到目前的四萬七千多人，65歲人口達到22.7%，是台中市各區中最高者。
東勢人口因素其實非常不利於辦理新丁粄活動，但是仍會看到各廟宇以創意來解決這些人口不利因素，讓客家庄的傳統慶典繼續辦下去，包括新孫、新曾孫千金都可以做紅龜粿，還有不限於送紅龜粿給會員，可以製作一個超大的紅龜粿分享給陌生人。
正月十五的夜晚，東勢比過年還熱鬧，街上、小巷弄都有人在走動，我聽到年輕人傳來這樣對話：
「為什麼要做大紅龜粿？」
「添丁嘛，就是新丁呀」
新丁粄制度就是該廟會員家中有新婚、添丁則製作紅龜粿和會員們分享，以今年雙福祠為例，羅家兒子新婚則製作27個十斤的紅龜粿分贈給會員，下一次會員家誰家有喜事，照樣做27個。以往都是新婚、添丁做紅龜粿，但是因為廟宇目前會員多為祖父、曾祖父輩，現在講男女平等，於是，鯉魚伯公廟的會員添曾孫千金，也做紅龜粿和會員分享，泰安宮會員家中添新孫，當然也做紅龜粿來分享喜悅。
今年復興宮福安祠還改變會員分紅龜粿方式，一位阿公添孫，在廟前切一個超大的紅龜粿分享給大家，排隊者皆有份，不限會員。阿公親自切紅龜粿，還準備包裝的紙盒，誠意十足，孫子也被媽媽抱在懷裡亮相，這是我在新丁粄節第一次在現場看到新生兒，非常有臨場感，我們也很高興分享他們家的喜悅。這樣打破送紅龜粿是以地緣關係的連結，以前是會員才可分到紅龜粿，現在是朋友、遊客、同學都可以分到；以往農村有「包禮要還」的觀念，但是切一小塊分享，吃起來不會有負擔，這樣分享方式，就是不用還啦！
東勢年輕人和新生兒愈來愈少，但是位於大雪山山腳下的客家人仍以生活智慧過節，以往競爭紅龜粿重量的意味減少了，反而是希望更多人來一起來看紅龜粿，讓新丁粄節慶活動得以永流傳。
