文／黃筱婷，竹東客家人，這下戴竹東鎮（腔頭：海陸腔）
平埔族上早斯戴在新埔這位，老地名安到「吧哩國」，係「新草坪」个意思，從「吧哩國」這隻地名斯知新埔這片有當多青里里个草坪，係當適合大家安居樂業个所在。
新埔有當多个祠堂，這兜祠堂內肚个雕刻工都當幼，逐間祠堂都有源遠流長个歷史，同時乜呈現𠊎俚客家族群个宗族文化；𠊎自家一儕慢慢行在新埔个老街路項，欣賞在這位个祠堂，𠊎詳細看逐間祠堂面頭前紹介个牌仔，對𠊎俚客家傳統祠堂个文化有還較深刻个印象。
其實在當久當久以前，客家人斯曉得摎柿仔削皮、日炙、還過在蒂頭該揤一下這恁多步，就做得做出好食又對身體康健个柿餅，後來這種製造柿餅个方法乜就跈等客家人移民到臺灣了；像係「石柿仔」、「筆柿仔」還過「牛心柿仔」這兜食起來苦嗒嗒仔个柿仔，就當適合拿來做柿餅。
新埔出產个柿餅當好食，這位个天時摎其他位所比起來燥加當多，毋會像基隆該兜所在輒常落水，還過逐年九月到十二月會開始颳起東北季風，恁樣燥絲絲个風就係幫助柿餅還較好食个「九降風」。
逐年起九降風該下，就係晒柿餅當好个時節，新埔生產个柿餅在全臺灣係盡有名个名產；有盡多人會來新埔个柿餅觀光果子園參觀，這位有盡多个柿仔樹，園肚種个柿仔若係轉紅就表示熟水了，做得拿到外背分日頭晒，差毋多幾日過後好食个柿餅就做得收成了。
逐年出產柿餅个時節，在新埔果子園个禾埕裡背總係做得看著排到正正个柿仔在鐵篩仔肚放等，享受日頭絲，金黃柿仔个景色實在當靚，盡多人會䟓䟓來到這位摎柿仔翕相留念。
新埔有好食个柿餅，乜有盡豐富个宗祠建築；看等金黃金黃个柿餅，𠊎相信大自家个心情定著會還較歡喜，心情歡喜係身體健康最重要个條件，所以大自家有閒愛記得來新埔尞喔！
華語
平埔族群是很早之前就居住在新埔這裡，老地名叫做「吧哩國」，意思就是「新的草原」，從「吧哩國」這個地名就知曉新埔這邊有許多綠油油的草原，是非常適合大家安居樂業的地方。
新埔有許多的宗祠，這些宗祠內部的雕刻作工相當精巧細緻，每一間都有源遠流長的歷史價值，同時也展現出我們客家民族的宗族文化；我自己一個人慢慢走到新埔的老街道，欣賞在這裡的許多客家宗祠，我仔細看每間宗祠前面的介紹牌，對我們客家傳統宗祠的文化有更深刻的印象。
其實在很久很久以前，客家人就知曉將柿子削皮、曝曬、壓捏等步驟，就可以製作出好吃又對身體健康的柿餅，後來這種製作柿餅的方法也就隨著漢人移民來到臺灣了；像是「石柿」、「筆柿」還有「牛心柿」這些吃起來比較苦澀的柿子，就是很適合製作柿餅的種類。
新埔所出產的柿餅很好吃，這裡的氣候和其他地區相比起來乾燥許多，不像基隆那些地方經常下雨，還有每年的九月到十二月會開始吹起東北季風，這種乾燥的風就是幫助柿餅更好吃的「九降風」。
每年東北季風吹起的時候，就是曬柿餅最好的時節了，新埔生產的柿餅在全臺灣是非常出名的名產；許多人會來新埔的柿餅觀光果園參觀，這邊有許多的柿子樹，園裡種的柿子如果變紅色就表示已經成熟，可以拿到外面晒太陽，差不多幾天之後好吃的柿餅就可以收成了。
每年出產柿餅的季節，在新埔的果園晒穀場裡面總是可以看到排列整齊的黃色柿子平在鐵篩上放著，享受日光浴，金黃色的柿子景緻實在很美麗，很多人會專程來到這裡和柿子合影留念。
新埔有好吃的柿餅，也有很豐富的宗祠建築；看到金黃色的柿餅，我相信大家的心情一定也會更加愉快，愉快的心情是維護健康最重要的條件，所以大家有空要記得來新埔玩唷！
