文／蕭宥（國中生、台東客家人、現下戴台東）
幾隻禮拜前，𠊎參加了一隻訓練後生客家主播个活動，裡背除忒教𠊎兜錄節目該下愛注意个事情以外，還鼓勵𠊎兜自家錄Podcast，將自家个想法隨時記錄下來。佢兜請个先生當湛斗，像係記者陳君明先生，還有彭歲玲先生同講客廣播電台个台長徐智俊先生來到這位教學，順續仔分享佢兜个經驗，聽忒了這兜先生个課程，續下來還有演練，就係坐上客家學堂準備好个凳仔，對等錄音設備錄大約10分鐘个訪問，自家寫稿還過練習，先生就淨係企在邊脣指導𠊎兜毋曉講个辭彙愛仰般講定定，伸个全部都係𠊎兜愛自家去挑戰。
講到演練，這擺還有邀請著客家廣播車——講客號，台長徐智俊先生會選出幾個同學來採訪客家委員會个委員、處長這兜大人物，𠊎愛訪問个係來自關山德高个客委會委員——劉源利前輩，採訪佢頭擺在關山農會个頭路，同現下在客家委員會做委員，愛做个事情同對自家个人生有麼無共樣个改變，還有訪問佢對現下个客家話傳承有麼个想法。
在該訪問中𠊎兜有講著，其實劉源利先生个孫女細漢時節會同佢用電話講客家話，後來出外讀書食頭路之後就漸漸添放忒客家話，乜毋會講咧，對這件事情佢就感覺當毋盼得，佢講母語推廣這件事情，就愛對屋下个教育開始，在平常个對話裡背加入對阿公阿婆傳下來个語言，就算無特別去教細人仔，佢兜自然也會跈等有興趣，逐日同佢講，佢自然就學會講母語了，比學校教个還較有效，因為細人仔在屋下个距離感無恁遠，在學校除忒上本土語言課程就毋會用著母語了。
故所劉源利先生認為：好个本土語教育，就愛對屋下開始做，對爺哀、阿公阿婆開始同細人仔、後生人講，恁樣母語就絕對毋會消失忒，現下个後生人，盡多都同本土語言添放忒，毋管係客家話抑係學老話，劉源利先生都希望佢兜做得尋轉自家个語言，這就係𠊎這擺參加這廣播營隊活動个目的，這擺个活動，全部都係用客家話來教學，用訓練主播个方式，鼓勵客家後生人同細人仔尋轉自家个母語，希望大家毋單只在營隊講客話定定，在日常生活中乜試看阿用客家話對話，係𠊎兜最希望个理想。
最尾，還係愛感謝講客號同講客廣播電台个支持，分𠊎兜个後生人、細人仔做得用廣播个方式學習客家話，記得自家个母語。
華語翻譯：
幾個禮拜前，我參加了一個訓練年輕客家主播的活動：廣播營隊，營隊裡除了教我們錄節目時要注意的事情以外，還鼓勵我們自己錄製Podcast，將想法隨時記錄下來。營隊中請的講師也都是優秀人才，像是陳君明記者，彭歲玲老師，以及講客廣播電台的台長來到這裡授課，和我們分享他們的經驗，除了上課以外，還安排了實作的部分，也就是坐上客家學堂準備好的凳仔，對著錄音設備錄大約10分鐘的訪問，自家寫稿、自家練習，老師們只站在旁邊提示我們不會說的辭彙要怎麼說而已，剩下的全部都是我們自己要挑戰的。
說到實作，這次還有邀請到客家廣播車——講客號，台長徐智俊老師會選出幾位同學採訪客家委員會个委員、處長這些大人物，我要訪問的是來自關山德高社區的客委會委員——劉源利先生，訪問他從前在關山農會的工作，與現在在客家委員會的工作要做的事情和這兩份工作為他的人生帶來了甚麼不一樣的改變，之後還訪問了他對現今的客語傳承有時麼想法，在訪問中我們談到，其實劉源利先生的孫女小時候會和他用電話講客家語，但後來出外讀書、工作之後就漸漸忘記了客家話，也不會說了，對這件事情他感覺很不捨，他講到母語推廣這件事情，就要從家庭教育開始，在日常對話裡加入從上一代傳下來的語言，就算沒有特別去教小孩子，他們自然也會有興趣，每天和他對話，他自然就學會講母語了，比學校教的還有用，因為小孩在家中的距離感沒有那麼遠，在學校除了上本土語課程就幾乎不會用到母語了。
故所劉源利先生認為：一個好个本土語教育，就必須從家庭開始做，從父母、長輩開始與小孩、年輕人說，這樣母語就絕對不會消失，現在的年輕人，很多都將本土語言忘卻，不管是客家話或閩南語，劉源利先生都希望他們可以找回自己的語言，這就是我這次參加這廣播營隊的目的，這次的活動全部都是用客家語來教學，用訓練主播的方式，鼓勵客家年輕人與小孩找回自己的母語，希望大家不只在營隊講客語而已，在日常生活中也試著用客家語對話，是我們的理想。
最後，感謝講客號與講客廣播電台支持這個活動，讓我們台東的年輕人與孩子可以用廣播的方式學習客語，記起自己的母語。
歡迎討論或留言給我們: