文／林淳華，戴台中市豐原區，學老人（大埔腔）
臺中東勢近來出版一本新書《成為山農》，這本書單淨分享，無在賣，正經係實現國家資源分客家庄个想法。仰脣講「東勢」出版呢？因爲這本書有當多東勢人、廠商來𢯭手。
𠊎同阿姆講：「𠊎編个新書出版咧！」阿姆問：「新書有賺錢無？」𠊎講：「這本書使得印出來，係中央研究院民族學研究所客家文化研究『以產業為主的東勢基礎調查』子計畫提供研究費同出版費，正有這本書。無在賣，無法度賺錢。」
《成為山農：東勢客家人做麼个恁會種水果？》這本書係對國家个經費，社會學有國家資源再分配，係講福利國家對有錢人收稅金，用稅金在推動社會福利政策，幫助較無錢个人，這本書係國家將錢銀用在資源較少个客家庄，乜係一種資源再分配。
𠊎尋著東勢農業專門、退休老農，希望對𠊎頭擺在東勢走新聞同寫博士論文該滿，對東勢農民投入農業个感動使得重新出現。這本書个封面、封底當特別，係識做過臺中縣政府農業局長个趙令熙在本書封面寫个大字，農民畫家巫茂松畫封面个圖，卓蘭高中羅郁惠先生，大學時期創作个東勢家鄉个版畫，來做書个封底，分這本書看起來較靚款；山城文化事業社𢯭手封面設計同文章排版，這兜東勢人同廠商，就係本書个在地元素。
這本書講東勢三種水果个故事，因為耕種人種个水果，盡有名，分研究者發現三種水果技術係東勢耕種人創新、擴散，臺灣種大梨个人講這係「臺中經驗」。東勢耕種人乜有特別个農事用語、農事俗語，單淨東勢大埔腔恁泥講，別个所在無恁泥講，變做東勢在地个特色，所以這本書收集這兜諺語、俗語，變成一章。
𠊎去分新書，有當多無想著个收穫。比論講，九十外歲个童阿伯看著封面係隔壁鄰舍巫茂松大哥畫个，目金金看封面，佢當會講大埔腔農事諺語，一下斯翻著書裡肚佢識講過个：「月光照溼泥，毋使到雞啼」，「東勢該座山」賣水果平台乜分𠊎佛利蒙同果凍，識做過鄉民代表、現下種朳个曾榮滿，佢當會講客家諺語，當歡喜書裡肚有收錄佢講个，斯分𠊎三叉坑个朳，還會當細義講：「Ｂ級品，使得無？」，𠊎講：「燒缶食缺碗，當然好，朳又大又甜，東勢耕種人正經會種水果！」
華語
臺中東勢近來出版一本新書《成為山農》，這本書只分享，不賣，真正實現國家資源分配到客庄的理念。為何說東勢出版呢？因為這本書有很多東勢、廠商投入。
我向媽媽說：「我編的書，出版了！」，媽媽問：「新書會賺錢嗎？」，我說：「這本書能夠出版，是來自中央研究院民族學研究所客家文化研究『以產業為主的東勢基礎調查』子計畫提供研究費和出版費，才有此書，不能賣，沒辦法賺錢。」
《成為山農：東勢客家人為什麼那麼會種水果？》這本書經費來自國家，社會學有國家資源再分配，是說福利國家對富人課稅，再將稅金推動社會福利政策，幫助收入較低者，這本書是國家將金錢用在資源較少的客家庄，也是一種資源再分配。
我找到東勢農業達人、退休老農，希望將我過去在東勢跑新聞和寫博士論文時，對東勢農民投入農業的感動可以重現。這本書封面、封底非常特別，是當過臺中縣政府農業局長的趙令熙在本書封面題字，農民畫家巫茂松繪封面的圖畫，卓蘭高中老師羅郁惠提供大學時期創作東勢家鄉的版畫，成為書的封底，爲這本書增色不少，山城文化事業社設計封面和文章排版，這些東勢人和廠商，就是本書的在地元素。
這本書是有關東勢三種水果的故事，因為農民種水果出名，研究者發現水果技術是東勢農民的創新、擴散，臺灣梨農稱為「臺中經驗」。東勢農民也有特別的農事用語、農事俗諺，只有東勢大埔腔這樣說，別的地方沒有這種說法，成為東勢在地特色，所以這本書收集這些諺語、俗諺，成為一章。
我去送新書，有很多意想不到的收穫。例如，九十多歲的童阿伯看到封面是隔壁的巫茂松大哥畫的，他目不轉睛看著封面，他會說很多大埔腔農事諺語，一下子就翻到書裏有他說過的：「月光照濕泥，毋使到雞啼」。「東勢那座山」賣水果平台也送我佛利蒙和果凍，曾經做過鄉民代表、目前種芭樂的曾榮滿，他也很會講客家諺語，很高興書裏收錄他講過的諺語，就送我三叉坑的芭樂，還很抱歉說：「Ｂ級品，可以嗎？」，我說：「燒陶的人總是用破損的碗，當然好，芭樂又大又甜，東勢農民真的很會種水果！」
