花蓮「鳳仁國小」轉型客家實驗學校　盼6成學生能說客語

2025年09月19日

新聞學客語－新竹湖口饒平腔

00:00

【華文版】

花蓮「鳳仁國小」轉型客家實驗學校　盼6成學生能說客語

【周碩興／新竹湖口饒平腔】花蓮鳳林「鳳仁國小客家文化實驗教育學校」正式揭牌，成為全國第3所、東部第一間「客家實驗學校」。1961年創校的鳳仁國小，歷經2年的籌備，在客委會以及花蓮縣府客家事務處的支持下，自112學年度試辦華語與客語雙語教學；113學年度開設假日客家學堂，成立客家童軍團；從今年新學期開始轉型客家實驗學校。

客家委員會主任秘書廖育珮表示，鳳林客家人口比例超過6成，希望花蓮縣府團隊和鳳仁國小，多關注校園師生間的客語使用狀況，鼓勵在校園內師生與學生同儕間都能用客語溝通，讓學生回家後也能用客語和家人相處互動，也應設定目標逐年提升學生通過客語能力認證的比例，讓親師生都能聽、說、學客語。

花蓮縣府客家事務處長潘乾鑑指出，鳳仁國小近年學生人數越來越少，但近2年自客家實驗學校籌畫期間到現在正式揭牌，學生卻變增加了，幼兒園的學生多，國小學生也變多。

客委會表示，為了營造多元有利客語學習環境，並擴增幼兒園及中小學永續發展成效，以校園為基地，除持續扎實推動「客語生活學校」、「客語沉浸式教學」及「客語結合十二年國教校訂課程」等計畫外，以客家語言與客家文化為實驗教育主題的學校，是近年新的嘗試，期待未來能持續將客家文化特色與資源融入校園課程與生活中。

花蓮縣政府指出，鳳仁國小的轉型為東部客家教育的示範起點，將以此為核心帶動更多學校投入，逐步建立可持續推廣的客語教育生態圈，打造花蓮成為客語文化深耕的重要基地。

【客文版】

花蓮「鳳仁國小」轉型成為客家實驗學校　希望6成學生仔做得講客

花蓮鳳林「鳳仁國小客家文化實驗教育學校」正式揭牌，成為全國第3間、東部第1間个「客家實驗學校」。1961年成立个鳳仁國小，經過2年个準備，在客家委員會摎花蓮縣政府客家事務處个支持下，在112學年度試辦華語摎客語雙語教學；113學年度開始設立尞日个客家學堂，成立客家童軍團；從今年新學期開始轉型成為客家實驗學校。

客家委員會主任秘書廖育珮表示，鳳林个客家人口比例超過6成，希望花蓮縣政府團隊摎鳳仁國小，愛輒輒關心學校先生摎學生仔之間客語使用个情況，鼓勵學校先生摎學生仔之間都做得用客話打嘴鼓，分學生仔轉屋以後也做得用客話摎屋下人相處互動，也應當設定目標逐年提升學生仔通過客語能力認證个比例，分大家都做得用聽个、用講个來學客語。

花蓮縣政府客家事務處長潘乾鑑表示，鳳仁國小這恁多年學生仔人數越來越少，毋過這2年在客家實驗學校準備期間到這下正式揭牌，學生仔嗄變多了，幼兒園个學生仔多，國小學生仔也變多。

客家委員會表示，為著營造多元有利客語學習个環境，也愛增加幼兒園摎國中還有國小永續發展个成效，以學校做基地，除了持續紮實推動「客語生活學校」、「客語沉浸式教學」摎「客語結合十二年國教校訂課程」這兜計畫之外，用客家語言摎客家文化做實驗教育主題个學校，係這恁多年新个試驗，期待下擺做得持續摎客家文化个特色還有資源融入著學校个課程摎生活當中。

花蓮縣政府表示，鳳仁國小轉型成為東部客家教育第一隻示範个位所，會用這位做重點區帶動還較多个學校來投入，慢慢仔建立做得持續推廣个客語教育生態區，打造花蓮成為客語文化傳承个重要源頭。