文/林淳華,籍貫彰化縣,胞衣跡係基隆市,係學老人,戴豐原(大埔腔)
這擺黃仁勳來臺灣,媒體放送舊年十一月个舊影片,係黃仁勳頒發第一屆李國鼎獎分張忠謀,李國鼎獎係對李國鼎科技發展基金會來个,仰脣請得著兩個科技界盡重要个人物來頒獎同領獎呢?李國鼎又係麽个人呢?
後生人既經無人熟識李國鼎了,佢識做過經濟部長、財政部長,係臺灣經濟奇蹟重要个推手,佢同苗栗縣客家庄應該有三段淵源,第一,佢圓了苗栗人个大學夢想,第二,國鼎圖書館有當多苗栗縣歷史書籍,盡尾,佢分臺灣經濟起飛起來,苗栗農村个農特產品賣到當好,使得支持農家生活。
首先來講,中央大學本成在中國南京,民國卅八年,國民政府來臺灣,中央大學校友就當煞猛想愛在臺灣起過學校,需要闊茫茫个校地,結果,苗栗縣政府同意將當時苗栗鎮20甲土地分中央大學復校,在《苗栗開拓史話》這本書裡肚講這个歷史,因致當時中央大學用復校校地偏僻,交通無方便,愛請教授教書困難,校地乜無法度過加起較闊,所以換到中壢復校。當時苗栗鄉親對著中央大學个決定,當遺憾,苗栗想愛設大學个夢想,續無撇哩喲!
民國五十八年該下,當時李國鼎做經濟部長,佢尋新竹、苗栗个公家同私人企業來捐錢,在原本中央大學復校的校地設立「聯合工專」,就係這滿个「聯合大學」,彌補了中央大學無在苗栗縣復校个遺憾,所以佢成全了苗栗人在苗栗設大學个夢想。
因致李國鼎係中央大學个校友,聯合工專乜係佢𢯭手設立个,這滿中央大學同聯合大學有國鼎圖書館,在中央大學國鼎圖書館裡肚,使得尋著民國五十年代,臺灣省苗栗縣文獻委員會撰寫个苗栗縣誌,保留半世紀个苗栗歷史書籍,這係研究苗栗縣歷史定著愛讀个書。
李國鼎係臺灣經濟个教父,在臺灣經濟起飛个時節,加上,民國七十八年農村又推行一鄉鎮一特產了後,苗栗銅鑼个杭菊、三灣高接梨使得用來支持農村主要个生活,比論講高接梨,股票價數緊高,高接梨價數就緊好,臺灣經濟好,乜帶來農家高經濟作物銷路好。
李國鼎毋係客家人,毋過,佢高瞻遠矚个規劃,無料想著會對苗栗縣有恁深遠个影響。
![](https://hakkanews.tw/wp-content/uploads/2024/07/hakkanews.tw-2024-07-20_00-28-30_698864.jpg)
![](https://hakkanews.tw/wp-content/uploads/2024/07/hakkanews.tw-2024-07-20_00-28-18_800695.jpg)
![](https://hakkanews.tw/wp-content/uploads/2024/07/hakkanews.tw-2024-07-20_00-28-25_009301.jpg)
華語
這次黃仁勳來臺,媒體多次播放去年十一月時,黃仁勳頒發第一屆李國鼎獎給張忠謀,李國鼎獎來自於李國鼎科技發展基金會,為何請得動兩位科技界的重量級人物來頒獎和領獎呢?李國鼎又是誰呢?
年輕世代已經不認識李國鼎了,李國鼎曾擔任過經濟部長、財政部部長,是臺灣經濟奇蹟的重要推手,他和苗栗縣客家莊應該有三段淵源,首先,他圓了苗栗人的大學夢,第二,國鼎圖書館保留苗栗縣歷史的書籍,最後,他帶動推動臺灣經濟起飛,使得客庄的農特產品得以維持農家生計。
話說從頭,中央大學校園原本設立在中國南京,民國卅八年國民政府來臺,中央大學校友就積極想要在臺復校,需要一處寬廣的校地,結果,苗栗縣政府願意將當時苗栗鎮20甲土地贈送給中央大學復校。在《苗栗開拓史話》一書中提到這段歷史,當時中央大學以復校校地偏僻,交通不便,師資延聘困難,且無法擴建,轉往中壢復校,當時苗栗鄉親對於中央大學的決定,非常遺憾,苗栗設立大學的夢破碎。
在民國五十八年時,經濟部長李國鼎以新竹、苗栗地區公私立企業集資,在中央大學原本的校址設立「聯合工專」,也就是現在的「聯合大學」,彌補了中央大學沒有在苗栗設校的遺憾,因此,算是協助苗栗人圓了大學夢。
由於李國鼎是中央大學的校友,聯合工專也是他協力設立,在目前中央大學和聯合大學都有國鼎圖書館。在中央大學國鼎圖書館內,可以找到民國五十年前後,臺灣省苗栗縣文獻委員會編纂的苗栗縣誌,保留半世紀以上的關於苗栗縣的典籍,這是研究苗栗縣史必讀書籍。
李國鼎是臺灣經濟的教父,在臺灣經濟起飛的年代,加上,民國七十八年,農村在推動一鄉鎮一特產之後,苗栗銅鑼菊、三灣高接梨等都成為維持農村的主要生計,以高接梨而言,梨價位都是隨著股票高低起伏,經濟起飛同時帶來農村高經濟農作物的熱賣。
李國鼎雖然不是客家人,但是因為他高瞻遠矚的擘劃,意外帶給苗栗縣深遠的影響。