文/趙叔,文史工作者、客家樂評人,竹東饒平底客家人,這下戴竹東(海陸腔)
幫你玩藝術工作室舉辦个「芎林當繪——見學繪本數位創作營」,在2023年7月个時節鬧熱辦理。
這隻營隊係客家委員會「2023夏客樂夏令營」其中一隻,係從芎林在地个故事做重點,用三階段个系列課程來辦理,分細人仔看得著、聽得著、鼻得著、摸得著,恁樣个五感體驗。在課程當中了解芎林、認識客家,還做得認同這垤土地,學習客家話。
這擺營隊个課程有九芎林大冒險、細細好客講故事、共下打粄、打磚窩肚打泥磚、紙寮窩肚學做紙、威風八面來撐獅、故事創作、繪本製作、成為小小youtuber。
營隊開始該下,先生會教細人仔講簡單个海陸腔客家話,從大家好、先生好、恁早開始,逐節課程會一息一息來教細人仔客話。
九芎林大冒險係行讀个行程,請在地文史工作者渡參加个細人仔行讀芎林个文化景點:高梘橋、文林閣、廣福宮(王爺廟)、柵門口萬善祠、下街伯公、圳頭摎高梘頭伯公,分細人仔認識芎林个在地文化歷史。
共下打粄邀請從台北轉新竹个後生人,晌午粄食頭家陳宜偲,來渡細人仔學做地豆粄。還過行到打磚窩請徐素瑛先生教仰般做泥磚、芎林在地鄭屋金獅團个鄭書楙教仰般打獅。
故事創作邀請繪本作家林柏廷摎夢夢先生(劉芸如)教細人仔仰般創作繪本,從前幾日學習到个芎林在地故事,來創作自家个繪本。乜請到在地教客家話幾下10年个薪傳師魏秋娥,教細人仔正板个海陸客話仰般講。
還過請攝影師施彥宇教細人仔仰般錄音、錄影,還有學習在片場个人,逐儕人个頭路細麼个?後來斯摎自家創作个繪本故事,用錄影个方式做一隻影片。
最尾斯係營隊个成果發表會,大家人共下行到芎林个水霧公園,細人仔在公園發表自己創作个繪本。
這恁多年有緊來緊多个人徙到芎林,經過兩枋,逐枋五日个夏令營了後,打幫課程个學習,做得分參加个細人仔對芎林有還較多个認識,乜學習到盡多个客家話,對客家文化乜會還較了解。
華語
幫你玩藝術工作室辦理的「芎林當繪-見學繪本數位創作營」,在2023年7月時節熱鬧辦理。
這個營隊是客家委員會「2023夏客樂夏令營」其中一個,是以芎林在地的故事做重點,用三階段系列課程來辦理,讓孩子看得到、聽得到、聞得到、摸得到,這樣的五感體驗。在課程當了解芎林、認識客家,還可以認同這塊土地,學習客家話。
這次營隊的課程有九芎林大冒險、小小好客說故事、共下作粄、打磚窩裡打泥磚、紙寮窩裡學造紙、威風八面來撐獅、故事創作、繪本製作、成為小小youtuber。
營隊開始的時候,老師會教孩子講簡單的海陸腔客家話,從大家好、老師好、早安開始,每節課程會一點一點地教給孩子客家話。
九芎林大冒險是走讀的行程,請在地文史工作者帶參加的孩子們走讀芎林的文化景點:呈甘橋、文林閣、廣福宮(王爺廟)、柵門口萬善祠、下街伯公、圳頭與高梘頭伯公,讓孩子們認識芎林的在地文化歷史。
一起作粄邀請從台北回到新竹的青年,晌午粄食老闆陳宜偲,來帶孩子們學做花生粄。還有走到打磚窩請徐素瑛老師教如何做泥磚、芎林在地鄭家金獅團的鄭書楙教如何舞獅。
故事創作邀請繪本作家林柏廷與夢夢老師(劉芸如)教孩子們如何創作繪本,從前幾日學習到的芎林在地故事,來創作自己的繪本。也請到在地教客家話幾10年的薪傳師魏秋娥,教孩子們正確的海陸腔客家話怎麼說。
再來請攝影師施彥宇教孩子們如何錄音、錄影,還有學習在片場的人,每個人的工作是什麼?後來再將自己創作的繪本故事,用錄影的方式做成一支影片。
最後是營隊的成果發表會,大家一起走到芎林的水霧公園,孩子們在公園發表自己創作的繪本。
這幾年有越來越多的人搬到芎林,在經過兩梯次,每次五天的夏令營後,透過課程的學習,讓參加的孩子們對芎林有較多的認識,也學習到很多的客家話,對客家文化也有更多的了解。