文／賴傳毓，苗栗人，退休公務員（腔頭：四縣腔）
退休閒閒無事做 車仔駛去山頂尞 山頂一垤細平地 轎車可停十過臺
在這可以看風景 尤其寒天个時節 對面山頭个白雲 親像流動河壩水
故所𠊎摎當多人 就輒常上山去尞 今晡日來到山頂 欣賞風景一點鐘
遠遠烏雲飄過來 亻恩俚互相瞭一下 決定跈等就離開 路項打開收音機
氣象臺播出一條 得人驚天時新聞 一隻強烈个風搓 忽然向左片轉彎
真遽就會來影響 車仔駛到半路仔 就堵着天蓬斗雨 刷仔刮水刮毋利
雖然速度有放慢 毋過前面歸路仔 就係濃濃濛沙煙 歸路又彎彎斡斡
車仔行仔一截路 忽然輪仔嗄溜著 跈等種到崩崗下 喜堯黏時就昏忒
毋知過忒幾久吔 喜堯目珠擘開來 看着外背全部係 大大小小个樹仔
喜堯想尋手機仔 發現跌到左腳脣 彎腰想愛伸手拈 忽然感覺全身痛
遽遽䟘起敨大氣 再毋想辦法求救 可能命就會無忒 想來想去想保命
只有向外來求救 正想等解決辦法 嗄來聽着附近仔 有人痛苦呻个聲
喜堯認真聽周圍 發現毋只一儕人 定著愛煞爬出去 全身無再痛苦後
刻耐仔忍等痛苦 彎腰去拈手機仔 等到身體較自然 就打電話來求救
喜堯發現信號弱 電話無法打出去 喜堯感覺當壞勢 無成𠊎命到今日
忽然喜堯想起來 歸條山路个崁下 離路面並無盡深 喜堯車肚爬出來
感覺全身相當痛 決定先向外求援 再來尋个還生人 齧等牙根開始蹶
一片注意手機仔 信號有罅个時節 跈等就來打電話 好不容易打通後
救護人員問地點 喜堯這片無回答 因為痛到佇毋著 又再昏到半山排
救難人員遽遽用 手機仔定位功能 想愛尋出喜堯个 大體仔个位所後
就會較容易尋着 救難人員一隊人 尋到喜堯附近仔 天時已經暗下來
增加尋人个困難 大家拿出手電筒 隊長先看地泥項 發現毋止一臺車
吩咐大家愛注意 大家打橫排一排 定定仔行詳細尋 一站時間後忽然
看着地泥睡一儕 手項揢等手機仔 應該就係報案者 原來係已經昏忒
難怪會無接電話 四儕遽遽用擔架 扛上路面來交分 救護車送去醫院
又再倒轉去𢯭手 繼續尋其他个人 連續又尋着四儕 毋過盡衰過个係
有兩儕分泥翕死 兩儕分車仔矺死 兩儕救出係重傷 救難隊長問一儕
總共七儕上來尞 好得總下有尋着 結束這擺个任務
華語
退休閒閒沒事做 開車上山出去玩 山上一塊小平地 轎車可停十幾部
山頂上可看風景 尤其是在冬天時 對面山頂的白雲 就像流動的河水
所以我和許多人 經常到山上渡假 今天來到山頂上 賞景一個鐘頭後
發現遠遠飄烏雲 大家互相看一下 決定馬上要離開 路上打開收音機
氣象臺播出一條 可怕的氣象報告 一個強烈的颱風 忽然向左邊轉彎
很快就會到這裡 車子走到半途中 就遇到下很大雨 雨刷刮雨效果差
雖然車速有放慢 可是前面整條路 都是濃濃的霧氣 整條路又多轉彎
車子走了一段路 忽然輪胎就滑倒 跟著掉進山溝下 喜堯馬上就暈倒
不知道過了多久 喜堯眼睛睜開來 看出外面全部是 大大小小的樹木
喜堯想找尋手機 看到跌到左腳邊 彎腰伸手想要拿 忽然感覺全身痛
趕緊起身嘆口氣 再不想辦法求救 可能命就會沒有 想來想去想保命
只有向外來求救 正想解決的方法 忽然聽到在附近 有人痛苦呻吟聲
喜堯認真聽周圍 發現不止一個人 所以要快點出去 向外打電話求救
才可以減少危險 全身不再疼痛後 勉強忍住疼痛感 彎腰下去撿手機
等到感覺比較好 開始打電話求救 喜堯發現信號弱 電話無法打出去
喜堯感覺很失望 難道我命到今天 忽然喜堯想起來 整條路山溝深度
離路面並沒很深 所以喜堯就決定 爬上路面打電話 感覺全身相當痛
咬緊牙關繼續爬 一面也注意手機 信號有夠的時候 立刻打電話求救
好不容易打通後 救護人員問地點 喜堯這邊沒回應 因為痛到受不了
又再昏倒半山腰 救難人員趕快用 手機的定位功能 想要找出喜堯的
大概的位置之後 才可以容易找到 救難人員一隊人 找到喜堯的附近
天色已經暗下來 增加找人的困難 大家拿出手電筒 隊長先看地面上
發現不止一臺車 吩咐大家要注意 大家排成一橫排 安靜的走仔細找
一段時間後忽然 看到地上睡一人 手上拿著一手機 應該就是報案者
原來人已經昏忒 難怪會沒接電話 四人趕快用擔架 扛上路面來交給
救護車送去醫院 又再倒回去幫忙 又再找其他的人 找到四人可憐人
兩人被泥流悶死 兩人被車子壓死 兩人重傷被救出 救難隊長問一人
傷勢有較輕微者 總共七個人上山 好在全部有找到
歡迎討論或留言給我們: