文／鍾喬喻，屏東內埔客家人，國中二年級，這下戴桃園（四縣腔）
粄係最做得代表客家美食文化个食物，不管係平常時食个粄條，米篩目，還係年節會食个甜粄、發粄，還有冬節時儕儕定著愛食个粄圓，都看得著佢个影跡。粄對𠊎來講，係吾童年盡重要个元素之一，當多快樂个時光係在食粄仔該下度過，乜分吾食雜記憶變到還較多姿多采，有淰淰醹醹个米香。
這兜米做出來个粄，分𠊎了解著頭擺客家个農村生活，還過知得做麼个客人會發展出獨一無二个「粄歷史」─ 因爭愛在艱苦个環境肚，摎米挼成智慧、這係面對生活个難正展現出來个韌性。希望這種傳統文化做得好好保存，傳承分下一代子孫。
𠊎个客家美食記憶起點係對認識屏東內埔來開始。從細到大，𠊎係有在內埔，逐朝脣阿爸定著會帶等𠊎兜去媽祖廟頭前个瓜粄攤仔食東西，這係用瓠仔刷絲加到粄漿做出來个傳統客家點心。一盤有四垤、做得搵豆油，一咬落去，裡背一絲絲个瓜仔因爭噍綿，瓠仔个清甜走出來，該好味緒在嘴肚久久毋會散，軟軟又鹹甜鹹甜，口感異豐富，分人一口接一口。瓜粄个價數乜當便宜，食粄个時節還做得啉毋使錢个湯。
食忒瓜粄過後，還有一個當重要个所在愛去，該就係去內埔老街食粄條，該位个粄條仔當虬，湯有放香油摎韭菜菣香係定著愛个。還愛加滷肉，攞息把仔烏醋，粄條會較好食哦！頭擺成時還會去食鹹粄圓，𠊎盡中意該間店，魯肉當合味，湯毋會忒鹹，粄圓个皮噍著盡有味緒，實在蓋好食。雖然頭家這下退休無開店吔，毋過逐擺想起該碗粄圓，當像又鼻著厥个香味了。
今這下，𠊎既經大咧，無恁輒轉去，毋過該兜美食對𠊎來講，係陪𠊎行過𠊎个童年，經歷吔吾成長个過程，除忒加深了對內埔个印象，對故鄉个回憶乜毋單淨停在歇阿公阿婆屋下該幾日，還有透過美食有還較大个體會，分𠊎有機會較接近內埔人个生活。
打幫美食做得分𠊎發現各地方个文化，透過食來知得地方上个歷史摎地理環境，還有先民个智慧。食毋單淨分人快樂，還係了解當地个方法之一。客家粄个好味緒，永遠係𠊎童年記憶中，心肝肚最軟又甜个回憶。
華語
「粄」是最能代表客家美食文化的食物。 不管是平時吃的粄條、米篩目，還是過年過節必備的年糕、發糕，以及冬至每個人一定要吃的湯圓，隨處都能見到它的身影。對我來說，「粄」是我童年最重要的元素之一，許多快樂的時光都是在品嚐粄食中度過的，這也讓我的飲食記憶變得更加多采多姿，充滿了濃濃的米香。
這些米做成的「粄」，讓我了解了早年客家農村的生活，進而明白為什麼客家人會發展出獨一無二的「粄歷史」——這是因為在艱苦的環境中，將米搓揉成智慧，是面對生活困境時所展現出的韌性。希望這種傳統文化能好好保存，傳承給下一代的子孫。
我對客家美食的記憶起點，是從認識屏東內埔的過程開始的。從小到大，只要我在內埔，每個早晨爸爸一定會帶著我們到媽祖廟前的瓜粄攤位吃東西。這是一種將瓠瓜刨成絲，加入米漿做成的傳統客家點心。
一份有四塊，可以蘸醬油吃。一咬下去，裡頭一絲絲的瓜絲會在嘴裡因咀嚼而化開，引出瓠瓜的清甜，那份美味會在口中縈繞許久不散；口感軟糯，鹹甜交織，層次非常豐富，讓人一口接一口。瓜粄的價格也很便宜，吃粄的時候還能喝不用錢的清湯。吃完瓜粄後，還有一個很重要的地方要去，那就是去內埔老街吃粄條。那裡的粄條非常Q彈，湯頭裡加入油蔥酥和韭菜，這些都是提味的必備元素。還要加上滷肉，淋上一點點烏醋，粄條會更好吃喔！
以前有時還會去吃鹹湯圓，我最喜歡的那間店，滷肉味道非常合胃口，湯頭鹹淡適中，湯圓皮嚼起來很有滋味，實在非常美味。雖然老闆現在已經退休關店了，但每次想起那碗湯圓，就好像又聞到了那股香味。
現在的我已經長大了，不常回鄉，但那些美食對我而言，是陪伴我走過童年、歷經成長過程的見證。它們不僅加深了我對內埔的印象，對故鄉的回憶也不再只停留在阿公阿婆家住的那幾天，而是透過美食有了更深的體會，讓我更有機會接近內埔人的生活。
透過美食可以發現各地的文化，也能透過品嚐來了解地方的歷史、地理環境以及先民的智慧。吃東西不僅帶給人快樂，更是了解當地的方法之一。客家「粄」的好滋味，永遠是我童年記憶中心田裡最柔軟、最甜蜜的回憶。
