文／賴文英，國立中央大學客家語文暨社會科學學系兼任副教授（四縣腔）
麼个安到「客家美學」？𫣆在2025年出版个《客家美學散論》做得看著恁樣个定義（下背摎原文个華語轉到客語）：
在藝術个各類範疇當中，表現出客家文化个內涵，係客家美學。包含直接用客家主體講美，抑係講毋係用客家主體但係摎客家融入其中講美。客家美學輒常出現在客家文學、民間文學、建築、音樂、繪畫、工藝作品、美食⋯⋯等等。就像《客家美學散論》創作篇个色目詞摎文學教學、客家建築、客語繪本、繪畫摎客家文化、客家文化資產這兜議題；研究篇个客語繪本教學、流行語摎社會文化、客家傳統摎流行音樂等等。
下背，𫣆順續來分別「客家文化」、「客家美學」、「客家藝術」三者之間个關連摎差別。
客家文化，無見奇愛有客家美學抑係客家藝術在其中，客家藝術愛有客家文化，但係佢無定著愛有客家美學去形成一種學問，過講，「藝術」主要係針對藝術作品來談个，包含作品个時代背景、歷史發展、作家个出世時代、表達个作品意涵等等，毋過作品意涵愛反映出客家文化，這正做得形成客家藝術。
還過藝術作品也無見奇愛符合大眾人士所認定个「靚」，成下仔，「媸」个作品乜係藝術。雖然，到目前為止，𫣆也當難界定麼个安到「美」抑係「靚」。客話較口語个講法係「靚」，毋過「靚」做得指到當多方面，係講指到華語个「漂亮」，該就無法度形成「漂亮學」；「美」算客話較正式體个講法，𫣆就用這隻字來講客家美學。
客家美學主要係以理論做為基礎去形成一種學問，無定著愛針對藝術作品本身來談，但係佢愛摎客家文化有關，乜愛摎藝術个範疇、思維有關。雖然，客家美學个歷史發展並無幾久，佢這下當在該成型當中，可能愛在多儕人談這客家美學个過程，漸漸仔去形成一門有理有據个學問。
法國羅丹識講：美、靚係滿哪仔都有个，對於𫣆个目珠，毋係講無美，係根本無去發現。一般人認為最做得反映出客家之美个領域，藝術性又較強个，代表可能就係客家建築，還過客家戲曲（因為佢包含詩歌舞），除忒以上所講个，典型个還有靚靚个客家藍衫、花布，表演藝術个布馬陣這兜。
係講客家美學、客家文化聽毋著語言个靚了，該所有个客家，結局會變成一隻空殼、無語言内涵，單淨係一隻制式个活動抑係一種抽象个理論定定。
華語
什麼叫做「客家美學」？我們在2025年出版的《客家美學散論》可以見到如此的定義：
在藝術的各類範疇中，顯出客家文化的內涵，是為客家美學。包含以客 家主軸談美，或非以客家主軸但將客家元素融入其中談美。客家美學常 見於客家文學、民間文學、建築、音樂、繪畫、工藝作品、美食⋯⋯等 等。如《客家美學散論》創作篇的顏色詞與文學教學、客家建築、客語 繪本、繪畫與客家文化、客家文化資產等；研究篇的客語繪本教學、流 行語與社會文化、客家傳統與流行音樂等等。
以下，我們順便來分别「客家文化」、「客家美學」、「客家藝術」三者之間的關連與差別。
客家文化，不見得要有客家美學抑或是客家藝術於其中，客家藝術則要有客家文化，但它不一定要有客家美學去形成一種學問，而且，「藝術」主要是針對藝術作品來談，包含作品的時代背景、歷史發展、作家的出生時代、表達的作品意涵等等，不過作品意涵要能反映出客家文化，這才能夠形成客家藝術。
另外藝術作品也不見得要符合大眾人士所認定的「美」，有些時候，「醜」的作品也是藝術。雖然，到目前為止，我們也很難界定什麼是「美」。客語較口語的說法為「靚」，但是「靚」可以指到很多層面，若指到華語的「漂亮」，那就無法形成「漂亮學」；「美」算是客語較為正式體的說法，我們就用這個字來談客家美學。
客家美學主要是以理論作為基礎去形成一種學問，不一定要針對藝術作品本身來談，但是它要與客家文化有關，也要與藝術的範疇、思維有關。雖然，客家美學的歷史發展並不太久，正在成型當中，可能要在多人談論這門客家美學的過程中，逐漸的去形成一門有理有據的學問。
法國羅丹曾說：美是到處都有的，對於我們的眼睛，不是缺少美，而是缺少發現。一般人認為最能反映出客家美學的領域，藝術性又較強的，代表可能就是客家建築，以及客家戲曲（因為它包含詩歌舞），除了以上所談的，典型的還有美美的客家藍衫、花布，表演藝術的布馬陣等。
若是客家美學、客家文化聽不見語言的美了，那麼所有的客家終將變成一個空殼、沒有語言内涵，僅僅只是一個制式的活動抑或是一種抽象的理論而已了。
