文／劉淑娟，新竹縣芎林紙寮窩饒平人，這下戴新竹市

桌球國手莊智淵講過一句話：「你無一定會做運動員一生人，毋過你做得好運動一生人。」𠊎聽著這句話，感受當深。這屆世壯運个選手中，88歲个噴射機阿婆，100公尺斯用27秒，身架仔竳漬漬仔，分人欽羨。

還有該從頭到尾開容笑面97歲个唐成瑤阿婆，佢參加泅水摎走追仔比賽，實在還得人惜哪！唐成瑤講：「回憶起厥姆識教佢講：『運動員愛有運動精神，做毋得半離半棧，愛堅持下去。』」
另外，還有泰國來个105歲个Sawang Janpram參加100公尺、標槍、鐵餅等項目，展現「運動無界、人生無限」个精神。𠊎意識著，身體健康無分年紀，運動也係無分歲數个。

前年，𠊎一屋人去十七公里海岸線騎自行車，騎到一半，因為手軟腳犁，斯打潑犁，分老公消遣完年。過無幾久，去摎妹仔𢯭搬屋，連蹶五棧樓，蹶到氣急急仔，強強挷氣毋上頸。妹仔講：「若係無健康个身體，麼个都毋使想。」𠊎毋想分妹仔愁慮，也毋想變妹仔个包袱。這正係𠊎決心愛改變个開始。

𠊎開始運動，係因為妹仔一句話；世壯運个長者，分𠊎更加堅定。頭下碼訓練个時節，𠊎連拉20公斤个空槓都拉毋贏，真無才調。𠊎毋知愛仰般挶力，教練總係提醒𠊎「吸氣、吐氣」，實在無結煞。成時練到第二晨早跆起來歸身痠軟到拖腳毋起，雖然會試著已食力、已辛苦，毋過𠊎䀴著自家个進步就感覺著當值。年長月久，𠊎毋多知，已經做得從20公斤、30公斤，這下連40公斤𠊎也奈得何，心肝肚實在還歡喜哪！身體也越來越輕鬆，精神緊來緊好咧。這下就算40公斤，𠊎也無展無續，捙啊著就弄弄仔行，可見𠊎个腳力也變好咧。

運動个成果毋單淨係體力改善，更係思想个蛻變。𠊎个世界觀，漸漸仔改變咧。受著該兜阿公阿婆个鼓舞，𠊎會繼續運動，承蒙你兜用運動證明歲數單淨係數字定定，運動絕對係預防痴呆摎肌少症最好个藥仔。人講：「著鞋毋知腳下燒，脫襪正知腳下寒。」𠊎今晡日正知，歲數越來越大，正經愛有筋肉正有行動力；有肌力，正有才調照顧自家，正有逍遙自在个生活。肌力訓練，係人生中最值得投資个錢財。

總講一句，運動絕對係人生中最實在、最有效个投資。頭擺人講：「敢去就有一擔樵，毋敢去就屋下愁。」𠊎開始運動了，你呢？𠊎中意恁樣个世界。一群從世界各地來，滿腹智慧个長者，親身企上比賽場上，向世界證明：歲月可能帶走佢兜个速度，毋過帶毋走佢兜个熱情摎硬頸精神。感謝妹仔个提醒，𠊎毋單淨逐日自主練習，還鼓勵人愛運動。

華語

桌球國手莊智淵曾說過一句話：「你不一定會當運動員一輩子，但你可以喜歡運動一輩子。」我聽到這句話，真的很有感觸。這屆世界壯年運動會裡，有幾位參賽者讓我印象深刻。88歲的「噴射機阿婆」，100公尺竟然跑出27秒的成績，身材直挺挺，真令人稱羨；還有始終笑容滿面的97歲唐成瑤阿婆，參加游泳和賽跑「海陸雙棲」選手。她說：「我回想起母親教我：『做運動員就要有運動員的精神，不能半途而廢，要堅持到底。』」另外還有來自泰國的105歲選手 Sawang Janpram，參加了100公尺、標槍、鐵餅等項目，展現出「運動無界、人生無限」的精神。我也深深體會到：身體健康與年齡無關，運動是不分年紀的。

前年，我們一家人去騎十七公里海岸線。才騎到一半，我就因為手腳無力騎不動了，故意耍賴不騎了，老公還拿這來嘲笑我一整年。沒多久，我又陪女兒搬家，連爬五層樓，爬到氣喘吁吁，差點喘不過氣。女兒說：「如果身體不健康，什麼事都不用想了。」我不想讓她擔心，更不想成為她的負擔。這正是我下定決心想要改變的開始。

我開始運動，是因為女兒一句話；而這次世壯運的長者們，則讓我更加堅定信念。剛開始訓練時，我連舉起20公斤的空槓都沒辦法，也不懂該怎麼用力，只能靠教練反覆叮嚀我「吸氣、吐氣」。真的很差勁，有時候練到隔天全身痠痛，連腳抬不起來，雖然過程吃力又辛苦，但每當看見自己的進步，就覺得這一切都值得了。經年累月，我不知不覺已經能從20公斤、30公斤，現在更能挑戰40公斤了，心裡真的非常開心！身體越來越輕盈，精神也越來越好。現在就算要搬40公斤的東西，提起來毫不費力，走起來也輕鬆自在，可見我的腳力都大大提升了。

運動帶來的成果不只是體力上的改善，更是一種思想上的蛻變。我的世界觀也漸漸改變了。受到那些阿公阿婆們的鼓舞，我決定繼續運動。謝謝他們用行動證明，年齡只是數字而已。運動絕對是預防失智與肌少症最有效的良藥。人家說：「穿著襪子不覺得腳底暖活，脫掉襪子才感覺腳底發冷。」我現在終於明白，隨著年齡增長，更要擁有肌肉才有行動力；有了肌力，才有自我照顧的能力，也才有自由自在的生活。肌力訓練，是人生中最值得投資的一筆財富。

總而言之，運動絕對是人生中最實在、最有效个投資。以前人也說過：「敢去就有一擔柴，不敢去就只能在家發愁。」我開始運動了，你呢？我很喜歡這樣的世界。一群來自世界各地、充滿智慧的長者，親自站上比賽場，用行動向全世界證明：歲月或許會帶走速度，但帶不走熱情與堅持。謝謝當時女兒的那句提醒，現在的我，不但能每天自主練習，還到處鼓勵別人也一起動起來。