文／謝孟均，學生，苗栗頭屋人，這下戴苗栗頭屋（四縣腔）

在苗栗有句話講「月半大過年」，在街路項滿哪仔都係『龍神』个身影，「火旁龍」係苗栗這幾下年來盡有名个活動，七部曲項項精彩又有先民所留下來傳統个技巧，也看得著各隻龍隊年年創新、用心、煞猛傳承𫣆个客家文化。布馬陣也共樣。記得一年多之前，𠊎識寫過一篇頭屋布馬陣个紹介，𠊎定著愛承認有關布馬陣个由來有當多種，𠊎所知个係其中一種，講法淨做得參考定定。毋過布馬陣係𫣆客家人个文化寶藏，愛好好傳承正著。

打幫有貴人牽成正有這擺親身體驗「迎布馬」个機會，因爭𠊎血癌還當在該化療，謝其國先生分𠊎做擎遮仔个角色，先生教𠊎兜在伙房屋迎个時節愛三進三退，還有跌馬个劇情，大自家用心一同輔助狀元公完成遊街个任務，特別个係原來在庄頭內迎布馬愛像龍隊共樣愛「掛紅」，意思係代表神明出巡做毋得儘採。𠊎原本化學治療後，身體會較弱，體力乜無恁好，毋過在迎布馬个時節做得緊行緊行，行到當遠，𠊎想應該係恩主公有保佑，期望𠊎个白血病做得遽遽好起來。

其實在迎布馬當中𠊎毋單止學著這兜專業个步數，𠊎還看著人生个道理，狀元郎雖然風風光光也有跌馬个時節，人生有時得意、有時失志，𠊎也共樣照原本規劃好个人生計畫——特殊選材去行，嗄因爭白血病化療个副作用，得著「譫妄症」毋記得當多事情，這下𠊎慢慢都恢復正常咧，這就像狀元公跌馬該下有大家來扶持，打幫𠊎个好朋友、同學、先生个關心，分𠊎慢慢重新拈轉自信，在新个一年來好好準備中央大學个特殊選材。

希望布馬陣做得一代傳過一代，分世世代代个大人細子去了解恁特別个傳統民俗技藝，也希望𠊎个特殊選材做得順順序序，毋會菜籃㧡水——無採工。最尾特別愛感謝其國先生保留傳統乜加入新个創意，分布馬陣變到恁生趣。

華語

在苗栗有句話說「元宵大過年」，在街上哪都是『龍神』的身影，「火旁龍」是苗栗這幾年來最有名的活動，七部曲樣樣精彩又有先民所留下來傳統的技巧，也看得到各龍隊年年創新用心用力傳承我們的客家文化。布馬陣也一樣。記得一年多之前，我曾寫過一篇頭屋布馬陣的介紹，我必須要承認關於布馬陣的由來有當多種，我所知的是其中一種講法只能做得參考。不過布馬陣是我們客家人的文化寶藏愛好好傳承。

幸好有貴人牽成我才能有這次親身體驗「迎布馬」的機會，因為我得了血癌還在化療中，謝其國老師讓我做拿「涼傘」該角色，老師教我們在遇到伙房屋參拜的時候要三進三退，還有不諳馬術跌入泥沼的劇情，大家用心一同輔助狀元郎完成遊街的任務，特別的是原來在庄內「迎布馬」要像龍隊一樣要「掛紅」，意思是代表神明出巡不可輕漫。我原本化療後身體會比較弱，體力也沒有很好，但是在「迎布馬」的時候可以一直走一直走，走得很遠，我想應該是恩主公有保佑，期望我的白血病可以快快好起來。

其實在迎布馬當中我不僅學到這些專業的內容，我還看到人生的哲理，狀元郎雖然風風光光也有不諳馬術跌入泥沼之時，人生有時得意有時失意，我也一樣原本規劃好的人生計畫-特殊選材卻因為白血病化療的副作用得到譫妄症忘記得很多事情，現在我慢慢都恢復正常了，這就像狀元郎不諳馬術跌入泥沼時，有著大家來扶持，感謝我的好朋友、同學、老師的關心，讓我慢慢重新拾回自信，在新的一年來好好準備中央大學的特殊選材。

希望布馬陣可以代代相傳，讓世世代代的老老少少了解如此特別的傳統民俗技藝，也希望我的特殊選材可以順順利利，不會白費功夫。最後特別感謝其國老師保留傳統也加入新創讓布馬陣變到這麼有趣。