文／劉興家
中壢老街溪脣舊明里水頭伯公下係𠊎兜兄弟姊妹个胞衣跡，這滿戴桃園學老庄，感謝吳家勳校長鼓勵支持，謝謝邱鴻春先生指導（四縣腔）
𠊎兩公婆做點心店有半生人哩喲！後幾年物資起價，賣个價數又起毋起來，將就收收起來專心渡孫仔好哩！正放啊忒个時節試著手扡扡仔無麽个事好做，有一日行到市場聽著歸條街个販仔全講學老話，唉哦客家話仰會無人講！走到龍潭客家人个市場也盡少人講客家話，大部份个鄉親用華語做交流，𠊎挑試用四縣腔同佢兜講，唷！會講啊！故所𠊎以後去到客家人个市場定著會用客家話交流。
有一日仔毋知哪位看著个消息，平鎮社大有開客語班，一學期正千二箍定定，帶等歡喜个心情去上哩喲！
講台頂坐等頭那毛比𠊎較白个魏良雄先生教課，後來正知係客語認證實驗班，開始个時節客語認證中高級詞彙還吂定著，先上下集印做一本大大本，𠊎揇等賁賁个書盡命仔讀，一遍兩遍緊讀，魏先生講：阿興家一本書翻到烏忒了。有一擺先生印了二十題客家字愛用音標來標示，因争𠊎初中个時節英文個基礎打到當好，所以毋會難，該二十題像食粥樣仔一下仔就分𠊎寫忒，𠊎斡頭看脣頭个同學，唷！正寫吂一半，這分𠊎盡大个信心。
該大本詞彙臨時版本讀忒了後，客委會安排𠊎兜去苗栗聯合大學試考，該央時考著二百四十分通過還愛寫考試心得，看有哪位愛改進。無幾久客語認證上下集正式出版，該係教授群摎老輩人，還有當多先生一隻字一句話鬥起來个內容，包山包海麽个就有，用客家話講過一遍續等用華語翻譯，毋使一隻月兩大本又分𠊎讀忒了。
該年九月，中華民國第一屆客語認證正式上場，𠊎用四縣腔報名，成隻月仔成績公佈，會做得考著二百六十九點五分中高級通過，係這班第二名，第一名係講學老話个細妹仔二百七十二分，後來正知學老人來考客語認證有加分。
中壢客家庒乜戴異多講海陸腔客家話个鄰舍，𠊎兜講四縣腔个族群會講佢兜係海陸人。該央時還吂拿著海陸腔詞彙，自家騎機車去台北國家編譯圖書館買書來研究，到底四縣腔摎海陸腔有麼介爭差？後來發現四縣腔摎海陸腔争差个所在，本來四縣讀一聲加兩聲，一聲變三聲，三聲加兩聲變一聲，比論講茶罐四縣「caˇ gon」，海陸就變做「cha gonˇ」，但是呢！海陸腔好聽就係保留捲舌音，比論講「新竹」四縣腔「sinˋ zhugˊ」，這「zh」就愛捲舌。
第二年𠊎將學習心得續等報海陸腔認證，唷！分自家阿腦，盡慶！考著二百五十六分，真歡喜。
𠊎續等第二年考饒平腔，第四年考大埔腔个過程下二擺正來講。
華語
我兩夫妻從事餐飲業已有數十年之久，後幾年因物資原料紛紛漲價，價格卻反而無法跟漲，加以孫子漸漸長大需要我們帶，所以被迫收攤。平常忙慣的餐飲業歇手後感覺非常不習慣。有一天走在菜市場只聽到整條街的攤販都操持閩南話，啊！我平常在講的客家話怎麼沒人講？縱使來到龍潭客家庄也很少人講客家話，或許中科院及軍事院校在龍潭的關係吧？當地人都用華語溝通，我試著用客家話溝通，居然會講客家話，從今以後我都用客家話溝通交流。
有一天不知從哪裡得來的消息平鎮社大開設客語班，一學期的學費才一千兩佰元，於是帶著歡欣的心情前往報名上課。
講台上坐著一位頭髮比我白的魏良雄老師授課，後來才知這是客語認證實驗班，剛開始的時候客語認證詞彙還沒有完成，將上下集編輯成厚厚的一大本，我早讀晚也讀簡直着迷，魏老師讚賞稱阿興家一本書翻到快破掉。有一回魏老師出了二十題客家字需用音標標注，因為我讀初中的時候英語打下深厚基礎，所以對我來說簡直像喝粥似地一口氣就寫完了，我偷瞄旁邊同學才寫到一半，這讓我信心大增。
那大本詞彙暫定版讀完後，客委會安排我們去聯合大學試考，記得當時拿到240分通過考驗，當時還要寫考後心得，看有哪些需要改進的地方。不久，客語認證上下集終於付梓，那是教授群及耆老還有許多先進一個字一句話拼湊起來的心血結晶，內容包山包海，不用一個月兩本又被我讀完。
該年九月，中華民國首屆客語認證正式登，我以四縣腔報名參加，約一個月成績發表，還不錯得到二百六十九點五分高分通過，是本班第二名。第一名是一位講閩南話的女生，她考二百七十二分，後來聽說閩南人考客語認證有加分。
中壢客語庄也住了講海陸腔的鄰居，我們講四縣腔的族群稱他們為海陸人。那個時候還沒有拿到海陸腔的詞彙，自己騎著機車前往台北國家編輯圖書館買書來研究四縣腔與海陸腔的差異處，後來發覺四縣腔讀一聲海陸腔要加兩聲，一聲邊三聲，三聲邊一聲，比如「茶罐」四縣讀「caˇ von」，海陸就變成「cha gonˇ」。但是呢！海陸腔好聽是因為保留捲舌音，比方說「新竹」四縣腔讀「sin ˊ Zugˋ」 ，海陸腔要加「shinˋ zhugˊ」，這「zh」就是要捲舌。
第二年我將此學習心得繼續報名海陸腔客語認證，唷！還不錯，考得二百五十六分，真是高興。
我在第三年考饒平腔，第四年考大埔腔的過程且待下回分解。
