文／王涵羽，台北客家人，中崙高中國中部八年生个學生。講海陸腔客話。
台灣逐年都會堵著當多个天災，有摎歸學校木棉花打落滿埕个風搓，乜有摎歸條馬膠路變做濫膏泥个大水。地動，係𠊎最驚个天災，因為地動毋單淨係搖搖仔定定，還可能會引起還較大个災害。對台灣來講，最有名个地動係921大地動；對𠊎來講，𠊎記得最得人驚个地動就係今年四月三號个地動，該日个天搖地動分𠊎驚到這下想到還會起雞嫲皮。
四月三號朝晨𠊎摎平常共樣，早早就到學校看書。早自習會煞个時節，忽然間試著大樓像係有麼个東西緊𢱤樣，正開始小可搖，𠊎話著係一般个細地動，就繼續做自家个事情，無想著後來緊搖緊大。吂等先生講，大家就像上擺防災演練共樣，先囥到桌仔底下，恬恬等先生个指令。該量時聽著警報聲个𠊎，又驚又緊張，恬恬祈禱這擺个地動毋好有人受傷。地動停了後，𠊎兜就煞煞走到運動坪集合避難。
烈烈个日頭，晒等𠊎兜跍在運動坪个人，儕儕都拿出个東西來抵日頭，斯頭先正經歷地動个𠊎，驚到魂還沒轉，坐在該當久正恬靜下來。
𠊎兜都毋知還愛在運動坪等幾久，閒閒無事情，就開始打嘴鼓、看書、寫功課。該時𠊎書包裡肚个東西無多，斯有幾本畫本、小說、遮仔摎茶壺。本來想講摎小說看忒，毋過書會反光分人當毋舒爽，揙咧幾頁，𠊎就放棄看書這隻想法咧。畫圖無看書恁悿，無光，乜無影響𠊎畫圖，所以借著鉛筆後，𠊎就開始畫。這做得分𠊎暫時毋記得頭先个地動。就恁樣，乜毋知在運動坪畫咧幾久，畫到先生喊𠊎兜轉教室，𠊎兜正像無事情樣行轉去。
放學轉到屋下後，Line裡肚看著在花蓮个親戚屋下，壁摎地泥全必開來，櫥仔頂个盎仔罐仔乜散到滿地泥，摎𠊎个心共樣，愛一垤一垤拈轉來。該幾日到台北有當長一段時間都有地動尾，𠊎總會分細地動驚到睡毋忒，該時斯就算係小可搖一下，𠊎都會馬上䟘床。好得這情形無當久，還分𠊎一隻平常个生活。
華語
台灣每年都會遇到很多的天災，有把整個學校木棉花打落到滿地都是的个颱風，也有把整條柏油路變成爛泥的豪雨。地震，是我最怕的天災，因為地震不只是搖一搖而已，還可能會引發更大，像火災等的災害。對台灣來說，最有名个地震是921大地震；對我來講，我記得最可怕的地震就是今年四月三日的地震，那日的天搖地動讓我嚇到現在想起來還是會起雞皮疙瘩。
四月三日早上，我像平常一樣，早早就到學校看書。早自習快結束的時候，忽然間感覺大樓像是有什麼東西一直在推一樣，開始有些搖搖的樣子，我以為是平時的小地震，就繼續做自己的事，沒想到後來越搖越大。還沒等老師說，大家就像上次防災演練一樣，先躲到桌子底下，靜靜的等老師的指令。那時聽著警報聲的我，又害怕又緊張，默默的祈禱著這次的地震不要有人受傷。地震停了後，我們就趕快走到操場集合避難。
毒辣的太陽，曬著我們這些蹲在操場的人，每個人都拿出東西來遮太陽，就只有剛剛才經歷地震的我，嚇到魂都還沒歸位，坐在那很一陣子才冷靜下來。
我們都不知道還要在操場等多久，閒閒沒事，就開始聊天、看書、寫功課。那時我書包裡的東西不多，只有幾本畫本、小說、雨傘和水壺。本來想說要把小說看完，不過書會反光讓人更不舒服，翻個幾頁，我就放棄這個想法了。畫圖沒有看書那麼累，就算沒光，也不影響我畫圖，所以借到鉛筆後，我就開始畫。這可以讓我暫時忘記剛剛的地震。就這樣，也不知道在操場畫了多久，畫到老師叫我們回教室，我們才像沒事一樣走回去。
放學回家後，Line裡看到於花蓮的親戚家裡，牆壁、地板都裂開來，櫥子上的瓶瓶罐罐也也掉滿地，和我的心一樣，要一片一片撿回來。那幾天在台北有很長一段時間都有餘震，我總會被小地震嚇到睡不著，那時就算事小小地搖一下，我都會馬上起床。好在這樣的狀態沒繼續多久，還給我日常的生活。
