文／黃志傑，大學生，這下戴台中（四縣腔）
這下个科技發展到當遽，資訊个交流當利便，行在路項，你儘採捉一個後生仔過來，佢可能都做得講出一口盡流利个英文，這時節，你若係問佢自家个阿姆話仰般講？佢可能一隻字都講不出來。這就做得看出來𫣆（enˊ）俚个客語漸漸仔會毋見忒了，一個語言，毋單淨係一個溝通个工具，還代表了𫣆（enˊ）俚个歷史記憶、價值觀、摎族群認同全全都會毋見忒了啊！故所，客語定著愛行入現代生活，𠊎（ngaiˇ）認為做得從科技、文化活動、同教育這三隻方面做起。
講著科技，就係𫣆（enˊ）後生人最會个啦！一個語言愛保存，乜做得利用科技，像這幾隻禮拜新出个「客語輸入法」就做得𢯭（ten）手𫣆（enˊ）俚紀錄客話个每一隻字，再過用這幾年來當時行个「AI技術」，佢兜電腦緊在該學習𫣆（enˊ）个客語知識，乜做得分細人仔用手機來同佢打嘴鼓，順續仔來學客話，你想看啊，在這人人有手機个時代，若係恁樣个技術做得完成，係毋係就代表了人人會講客話了呢？
在今年八月，𠊎（ngaiˇ）徵選上了客家青少年國際事務訪問團，去到了紐西蘭、澳洲，拜訪客家鄉親个時節，𫣆（enˊ）俚乜唱了當多條客家歌，有兜係山歌，有兜係客家流行音樂，分𠊎（ngaiˇ）當感動个係，𠊎（ngaiˇ）兜唱一句，佢兜乜會應一句，毋過毋係唱山歌，係客家流行樂，𠊎（ngaiˇ）正發現，又係該科技，分遠遠在澳洲个鄉親做得聽著𫣆（enˊ）客家个聲音。正經係客家鄉、客家情，客家流行樂，連結世界客家人。
再到教育方面，𠊎（ngaiˇ）認為這下學校个課本都應該加兜仔現代个詞彙，會在平常生活當中會出現个東西，像係電腦、冰箱、義大利麵……這兜，若係想愛細人仔肯講客，就愛分佢兜在平常个生活都做得講出來，係無，下二擺佢兜再過看著个時節，還係慣勢來講華語。
總講一句，「語言係文化个表徵，文化係語言个內涵」，客語个保存同推廣，係為著分𫣆（enˊ）俚靚靚个文化做得永久流傳。行入現代，毋單淨為著保存過去，係為著分這隻世界做得還較有文化个深度；行入現代，毋單淨為著保存𫣆（enˊ）俚客人的根，係為著分下一代做得行一條文化自信个路。希望大家多多講客，分客話在這隻世界都做得尋著佢个位所！
華語
現在的科技發展非常快，資訊的交流非常便利，走在路上，你隨便抓一個年輕人過來，他可能都可以講出一口很流利的英文，這時候，如果你問他自己的母語怎麼說，他可能一個字都講不出來。這就可以看出我們的客語正在漸漸的消失，一個語言，不只是一個溝通的工具，還代表了我們的歷史記憶、價值觀、跟族群認同全部都會不見啊！所以，客語一定要走入現代生活，我認為可以從科技、文化活動、跟教育這三個方面做起。
講到科技，就是我們年輕人最會的啦！一個語言要保存，也可以利用科技，像這幾個禮拜新有的「客語輸入法」就能幫助我們紀錄客語的每一個字，再用這幾年非常流行的「AI技術」，他們電腦一直在學習我們的客語知識，也可以讓小孩用手機來跟他們聊天，順便來學客語，你想想看，在這個人人有手機的時代，若是這樣的技術可以完成，那不就代表了人人都能會講客語了嗎？
在今年八月，我徵選上了客家青少年國際事務訪問團，去到了紐澳，在拜訪客家鄉親的時侯，我們也唱了很多首客家歌，有些是山歌，有些是客家流行音樂，讓我很感動的是，我們唱一句，他們也應一句，不過不是唱山歌，是客家流行樂，我才發現又是那科技，讓遠遠在澳洲的鄉親都可以聽到客家的聲音。真的是客家鄉、客家情，客家流行樂，連結世界客家人。
再到教育方面，我認為現在學校的課本都應該加一些現代的詞彙，會在平常生活中會出現的東西，像是電腦、冰箱、義大利麵……等等詞彙，如果是想要讓小孩子願意講客語，就要讓他們在平常的生活都可以講出來，若沒有，以後他們再一次看到的時候，還是習慣講華語。
總而言之，「語言是文化的表徵，文化是語言的內涵」，客語的保存跟推廣，是為了讓我們美麗的文化可以永遠流傳。走入現代，不只是為了保存過去，是為了讓這個世界能更有文化深度；走入現代，不只是為了保存我們客家人的根，也是為了讓下一代能夠走一條文化自信的道路。希望大家多多講客語，讓客語在這個世界也能夠有他的一席之地。
