文／羅烜淳，環境工程師，苗栗公館鄉人，這下戴台中（四縣腔）
𠊎屋下行路差毋多十分鐘有兩間伯公，一間係雙連伯公廟，另一間係伏波將軍廟。廟个後背就係國小，逐日朝晨就會看著幾下儕做忒運動个人在該點香拜拜。逐日朝晨會有一個阿姨駛等發財車，停在廟脣項賣早朝，有水粄仔、饅頭、包仔、粽仔還有飯糰這兜，當多樣分人客擇。
記得高中个時節逐日愛赴車仔去學校，行在廟面前過就會用手拜拜，跈等在脣項个發財車買兜早朝。𠊎逐擺盡好食厥玻璃菜包，包仔裡肚係炒到當軟當好食、又淰淰个玻璃菜！鼻起來當香，想著口涎水強強會流下來了，食一隻玻璃菜包摎一杯豆奶，一隻朝晨就毋會肚飢。有成時昶晝去無菜包了，就會買厥饅頭，有分兩種，一種係白个一種係烏糖个，乜當好食。有成時想愛食別樣，乜會買厥水粄仔來食，共樣有鹹个摎甜个。
起先𠊎大體就會買甜水粄仔來食，毋過逐擺食忒當遽就會枵了，故所就換買鹹水粄仔，鹹水粄仔頂項加上頭家娘自家炒个豆腐干摎快菜還有蘿蔔乾，正過淋豆油上去，哇！該正經一等好食！？」、「今晡日菜包賣忒了，還係你愛食兜其他麼个？」，就算行在該過無買早朝，𠊎乜會摎頭家娘想借問，買了幾下年了既經當熟識了。
高中畢業過後因為愛準備考試，逐日就在圖書館讀書較多，乜毋使赴車仔去學校，就較無去該餐車買早朝了，到了大學乜單淨尞日轉去定定，加上尞日無恁早䟘，故所當久無買了。幾下年前開始，阿婆逐日朝晨就會去伯公點香拜拜，拜忒會順續去餐車買兜飯糰分阿爸，分佢帶去公司食朝。有成時尞日䟘床堵好堵著阿婆拜拜轉來，就會順續問講：「愛食水粄仔無？𠊎去買。」雖然這下餐車無賣恁多東西了，毋過久久食著水粄仔還係當暢，𠊎食个毋單淨係味緒乜係回憶。
華語
我家走路十分鐘的路程有兩座伯公廟，一間是雙連伯公廟，一間是伏波將軍廟。廟的後面就是國小，每天早上就會看到幾個運動完的人去點香拜拜。而每天早上都會有一個阿姨開著發財車，停在廟旁賣早餐，有水粄、饅頭、包子、粽子還有飯糰這些，很多樣讓客人選擇。
記得高中的時候每天都要趕著搭學校的專車到學校，經過廟的時候就會用手拜拜，之後趕快在旁邊的餐車買一些早餐。我每次都會買高麗菜包也最喜歡吃，裡頭是滿滿炒的很軟又很好吃的高麗菜！聞起來超香，ㄧ想到口水都快流下來了，吃一個高麗菜包再配上一杯豆漿，就可以撐到中午吃飯。有時候太晚去高麗菜包已經賣完了，我就會買餐車的饅頭，饅頭分成原味跟黑糖兩種口味，也都很好吃。
有時候想要吃點別的也會買水粄來吃，一樣有分甜的水粄跟鹹的，一開始我大部分都是買甜的水粄來吃，但都很快就餓了，所以之後就都買鹹的水粄來吃，鹹水粄上加上老闆娘自己炒的豆干、韭菜還有蘿蔔乾，最後再淋上醬油，哇！真的非常好吃！因為每天早上都會去買早餐的關係，老闆娘每次一看到我就知道我要吃什麼，有時候食物比較快賣完就會跟我說：「今天饅頭賣完了，還是你要吃水粄？」、「今天菜包賣完了，還係你要吃饅頭？」就算只是經過沒有要買早餐，我也會跟老闆娘打個招呼，已經買了好幾年所以彼此都很熟了。
高中畢業之後因為要準備考試，每天都去圖書館讀書，也不用趕著搭學校的專車了，所以比較少去餐車買早餐，到了大學也只有假日才回去，加上假日也沒這麼早起，所以很久沒有買了。幾年前開始，奶奶每天早上都會去伯公廟點香拜拜，拜完就會順便去餐車買飯糰讓爸爸當成早餐，帶去公司可以吃。有時候假日起床剛好遇到奶奶剛拜拜完回家，就會順口問說：「要吃水粄嗎？我去買。」雖然現在的餐車沒有賣這麼多樣種類的早餐了，但久違吃到水粄還是很快樂，因為吃的不僅是味道也是回憶。
