【華文版】
苗栗縣客家大老陳運棟辭世 享耆壽91歲
【羅盛滿/新竹竹東海陸腔】苗栗縣長期致力客家文史研究的客家大老陳運棟昨天睡夢中辭世,享耆壽91歲。陳運棟長子陳晟康受訪時說,「他一直期許我們客家子一定要奮發向上,把客家精神發揚光大」。
地方人士指出,陳運棟前幾年開始身體抱恙,多次進出醫院,近期小兒子從美國回來,昨天女兒也返家,全家一起吃午餐後,陳運棟原本要午休小憩,卻在午睡中安詳辭世,目前遺體已送往頭份市立殯儀館準備治喪事宜。
陳運棟出生於苗栗頭份書香世家,曾任國小、中學教師、苗栗縣私立大成中學校長,耕耘杏壇多年,作育英才無數,苗栗縣許多政商界要角,包括行政院中部聯合服務中心執行長徐定禎、苗栗縣長鍾東錦、前縣長徐耀昌,都是他任職於大成高中時期的學生。
陳運棟也曾擔任過國大代表、行政院客家委員會委員,致力客家文史研究,民國67年出版「客家人」一書系統性歸納重要客家相關研究,被譽為客家研究先驅,長期投入台灣客家文史探討,相關著書逾40本,曾獲第4屆客家台灣文化獎,也是民國98年客委會「第4屆客家貢獻獎終身成就獎」得主,積極提攜後進。
陳運棟長子陳晟康受訪時引用前縣長傅學鵬對父親的評價「是苗栗集杏壇、文壇、政壇之大成者」。他說,父親曾說過,客家人在全台灣或全世界深耕,最主要是要彰顯客家族群吃苦耐勞的精神,並且客家人的發展,正印證了台灣主體性的完整性,「他一直期許我們客家子一定要奮發向上,把客家精神發揚光大」。(中央社)
【客文版】
苗栗縣客家大老陳運棟過身 享耆壽91歲
苗栗縣長期煞猛為客家文史研究个客家大老陳運棟昨晡日睡目个時節過身咧,享耆壽91歲。陳運棟个大倈仔陳晟康受訪个時節講,「佢一直期望𠊎俚客家子弟一定愛奮發打拚,摎客家精神發揚光大」。
地方人士表示,陳運棟前幾年開始身體毋好,幾下擺出入醫院,這站仔滿子對米國轉來,昨晡日妹仔乜轉到屋下,歸屋下人共下食晝過後,陳運棟原旦愛睡當晝歇睏一下仔,嗄在睡目个時節安詳過身,目前遺體已經送到頭份市立殯儀館準備辦喪事。
陳運棟出世在苗栗頭份个書香世家,識做過國小摎中學个教師、苗栗縣私立大成中學个校長,耕耘教育界當多年,教出當多優秀个學生仔,包括苗栗縣當多个政商界大腳士,像係行政院中部聯合服務中心个執行長徐定禎、苗栗縣縣長鍾東錦、苗栗縣前縣長徐耀昌,都係佢在大成高中做先生个時節教過个學生仔。
陳運棟乜識擔任過國大代表、行政院客家委員會委員,煞猛做客家文史个研究,民國67年出版「客家人」這本書系統性歸納重要客家相關研究,分大家安腦係客家研究打頭陣个先鋒,長期投入台灣客家文史探討,相關著作超過40本書,識得著第4屆客家台灣文化獎,乜係民國98年客委會「第4屆客家貢獻獎終身成就獎」个得主,煞猛牽成後撐仔。
陳運棟个大倈仔陳晟康受訪个時節,引用前縣長傅學鵬對厥爸个評價「係苗栗集結教育界、文學界、政治界个大成者」。佢講,厥爸識講過,客人在全台灣或者全世界向下訂根,最主要係愛彰顯客家族群食苦耐勞个精神,還過客人个發展,正印證了台灣主體性个完整性,「佢一直期望𠊎俚客家子弟一定愛奮發打拚,摎客家精神發揚光大」。
|網路收聽|
▹講客廣播電臺官網|https://pse.is/R8RU8
▹講客廣播電臺APP|
(Android連結:https://reurl.cc/8GWlXd)
(IOS連結:https://reurl.cc/O1pb59 )