【華文版】
限用旅宿備品最晚7/1預告 114年全面實施
環保署今天表示，限制使用一次用旅宿備品的相關規範，預計今年7月1日前預告，民國114年起全面實施，業者需提供環保房型、限用塑膠製備品，預估影響業者約1.4萬家。
環保署說明，所謂一次用旅宿用品，定義上是有塑膠包裝的用品、塑膠罐等，均會納管；業者需提供環保房型，價差部分可由業者自訂，以利消費者選擇入住，評估受影響的業者約1萬4500家。
環保署也指出，像是乳狀的保養用品能「以大代小」，改用大容量，約可減少30%塑膠使用量。
另外，包含牙刷、牙膏、梳子、刮鬍刀、刮鬍泡等則不在環保房型客房內陳列；若消費者選擇自備或不使用，每人約可減少30克的塑膠廢棄物。
有業者關心減少備品會影響星級旅館評鑑的部分，環保署指出，已與交通部觀光局協調，台灣星級的評等會進一步修正。現在世界各國對於開始減少一次性旅宿用品已經有共識，希望朝降低環境與社會衝擊，並兼顧經濟的發展。
長時間用電腦易得肩頸症候群 醫師籲改善坐姿
有民眾長期受肩頸痠痛伴隨雙手麻木、頭痛困擾，外國已有研究，使用電腦工作者超過一半常有類似肩頸症候群，症狀包括頸部、腦後、肩頸交界處、肩膀、上背、上肢延伸至手腕，甚至手指疼痛、麻木，細部診斷可分為肌肉骨骼問題或神經問題兩大類，應有明確診斷找出原因，才能有較佳治療效果。
醫生建議若長期使用電腦工作有這樣的症狀，應該要從坐姿開始調整使用電腦時採正確坐姿，注意避免長時間仰頭，眼睛平行往下15度看螢幕是最佳視角，每工作1小時要起來活動等都是保健要務。（中央社）
【客文版】
限用旅宿一擺性用品7月初1預告 114年實施
環保署今晡日表示，限制使用一擺性用品个相關規範，按算在今年个7月初1以前愛預告，民國114年全面愛實施，業者需要提供房型、限用塑膠用品，預估影響个業者有1萬4千家恁多。
環保署說明，所謂用一擺就擲忒个用品，就係有塑膠个包裝、還有塑膠罐仔、塑膠用品這兜全部會納入管理；業者需要提供環保个房型，價數个部分做得由業者自家來指定，分消費者做得選擇，按算受著影響个業者大約有1萬4000家恁多。
環保署乜講，像係乳狀个保養用品做得「用大換小」，改用大罐个，做得減少30%个塑膠使用量。
另外，像係牙搓仔、牙膏、梳仔、刮鬚刀還有刮鬚泡這兜就毋會放在環保个房型裡背；係講消費者做得自家帶也係無愛用，逐儕人做得減少30公克个塑膠垃圾。有業者關心減少這兜東西會影響著旅館个評鑑部分，環保署乜說，有摎交通部觀光局協調過，會進一步來修正台灣星級个評等方式。這下世界各國對減少用一擺就擲忒个用品有共識，也希望做得降低環境摎社會个負擔，乜做得兼顧經濟个發展。
長時間用電腦會傷著肩頭摎頸根 先生呼籲愛改善坐个姿勢
有鄉親長時間肩頭、頸根痠軟頭那痛，還過兩手痺痺，先生講國外已經有研究了，使用電腦工作个人有一半出現肩頭頸根症候群，症頭有頸根、頭那、肩頭、背囊、上臂到手腕，甚至手指會痛、會痺，詳細診斷過後，做得分做肌肉骨頭个問題抑係神經个問題兩大項，愛明確个尋出原因，正有較好个治療效果。
先生建議，係講當輒使用電腦做事个人有恁樣个症頭，應該愛從坐个姿勢開始調整。用電腦个時節姿勢愛坐正，愛注意毋好長時間臥頭，目珠平平看往下15度係盡好个角度，做事1點鐘愛䟘起來停動一下都係當重要个。
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
