【華文版】
「浪漫台三線藝術季」 拓繪大師岡部昌生與近百位鄉親以雙手認識東勢
【黃于娟／桃園平鎮四縣腔】「浪漫台三線藝術季」暗算展出日本知名藝師家岡部昌生（Masao Okabe）拓繪作品， 4月22日岡部昌生特別來到台中東勢鯉魚伯公廟前，摎上百儕鄉親用拓繪創作方式共創藝術品，用藝術創作與客庄在地連結。
活躍於國際藝術舞台个日本當代藝術家岡部昌生，1942年生於北海道，70年代即開始於街頭拓繪（Frottage）創作，對於第一擺來到台中東勢，岡部昌生講，佢來在這之前其實並毋係非常瞭解客家，毋過當希望藉由這次活動慢慢開始瞭解客家深厚个文化，用美術表現个形式呈現東勢的歷史，提供不共樣个角度分大家理解。佢講：「今晡日看到當多小朋友跈等爺哀共下來，相信在拓繪个時節，會聽着爺哀說起在地文化，希望小朋友將作品帶回家後，在未來成長過程，做得慢慢思考這片土地對亻恩俚个意義。」
岡部昌生手拿特殊个吊鐘形拓本墨筆（拓本墨つりがね），俐落地在紙上磨拓，佢用擬人个角度認為，拓繪過程會與物件產生親密接觸，該物品或許會產生疼痛，毋過「對亻厓來講這個過程非常重要，不單淨做得感受到在地歷史文化，還過會滲透到身體裡背，並以不同於攝影、印刷的形式展現。亻厓有意識个在做這些創作，以這個方式持續到今晡日。」佢講，自己靠著雙手透過墨拓，保存下國家、民族、地方文化與歷史，希望大家帶著珍惜个心情來做這些事。
浪漫台三線藝術季即將在今年6月24日到8月27日在北、桃、竹、苗、中5大縣市，17個台三線鄉鎮區登場，今年以「Falabidbog花啦嗶啵」為創作主題，並設立「藝術策展」、「設計導入」與「跨界文化實驗計畫」等3大主軸，希望呈現台三線上的藝術、設計、飲食文化等多樣面貌。其中，藝術策展以「淺山行路人」主題，強調藝術創作回應在地脈絡議題，讓藝術品從土地成長出來，也回應台三線的在地脈絡。
【客文版】
「浪漫台三線藝術季」 拓繪大師岡部昌生摎幾下百位个鄉親用雙手來熟事東勢
「浪漫台三線藝術季」預估會展出日本知名个藝師家岡部昌生（Masao Okabe）个拓繪作品， 4月22號岡部昌生特別來到台中東勢个鯉魚伯公廟前，摎上百位个鄉親用拓繪創作方式共創藝術品，用藝術品創作還有客庄在地連結。
在國際舞台上十分有名个日本當代藝術家岡部昌生，1942年出世在北海道，70年代開始在街頭拓繪（Frottage）創作，對於第一擺來到台中東勢，岡部昌生表示，在這進前其實佢並毋係十分瞭解客家，毋過希望藉由這擺个活動慢慢開始瞭解客家深厚个文化，用美術表現个形式呈現東勢个歷史，提供無共樣个角度分大家來理解。佢講：「今晡日看著盡多細朋友摎爸爸媽媽共下來，相信在拓繪時，做得聽著爸爸媽媽講起在地个文化，希望細朋友摎作品帶轉屋下過後，在未來成長過程中，做得慢慢思考這垤土地對亻恩兜个意義。」
岡部昌生手拿等特殊个吊鐘形拓本墨筆（拓本墨つりがね），熟絡在紙上磨拓，佢用擬人个角度認為，拓繪過程中會摎物件產生親密个接觸，使用个物品有可能會產生痛，「對亻厓來講這過程十分个重要，毋單淨做得感受在地个歷史文化，更加會入著身體裡背，用無共樣个攝影、印刷个形式來展現。亻厓有意識在做這兜創作，用這方式持續到今晡日。」佢講，自己靠雙手透過墨拓，保存下國家、民族、地方文化摎歷史，希望大家都帶等珍惜个心情來做這兜事。
浪漫台三線藝術季愛在今年个6月24到8月27在雙北、桃園、新竹、苗栗、台中5大縣市，17個台三線鄉鎮區登場，今年係用「Falabidbog花啦嗶啵」做為創作主題，設立「藝術策展」、「設計導入」還有「跨界文化實驗計畫」等3大主題，希望呈現台三線藝術季个藝術、設計、飲食文化摎多樣面貌。其中，藝術策展也用「淺山行路人」為主題，強調藝術創作回應在地方脈絡个議題，分藝術品在土地成長出來，乜回應台三線个在地脈絡。
｜講客廣播電臺－收聽頻率｜
▹宜蘭 FM102.9
▹北北基高屏 FM105.9
▹桃竹 FM105.7
▹苗中彰投 FM101.5
▹雲嘉南 FM104.3
▹花東 FM106.9
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd )
(IOS連結：https://reurl.cc/O1pb59 )
