文／徐桂婷，苗栗市客家人、現下戴中壢讀書（四縣腔）
國立中央大學摎印尼泗水个基督教佩特拉大學合作進行交流，這擺交流个主題係印尼个泗水客家，為著了解當地个客家文化、華人文化，探訪當地个客家會館組織摎宮廟。
對印尼个客家人來講，佢兜保有个傳統祭祀、語言，較像中國个文化，佢等會強調祖籍來自中國那位所在，自家个血緣關係，用來連結自家作為華人還係客家人个自家認同。不過摎臺灣共樣，佢兜也面對語言摎文化个流失問題，比較臺灣客家人因為族群政策有較多對客家文化个支持，印尼个客家人頭擺受到排華運動个影響，不但係族群語言連華語个學習也有斷層，導致當地客家人在客語傳承个問題時，佢兜會講到現下連華語都難有流利个溝通，客話更難去做學習與傳承；這个問題，在問印尼客家後生人个時候，佢兜也表示：假使會華語，學習客話就會較好學，不過假使連華語都不好，學習客話就會較困難。
假使從文化个角度來看，當地个客家社團組織，現下也面臨成員老化、文化傳承个問題，當地个後生人因為工作無閒，無時間做得參加會館組織，再來講對後生人來講，現下也較難將心力放著學習客家文化，佢等還係以生活上个事業打拼為主。這兜在文化上个傳承問題，其實都摎台灣客家面臨个問題相似，工作摎文化傳承兩者當難同時兼顧，單淨做得在有閒个時間去學習。故所，在印尼个會館透過舉辦各式活動來維繫後生人个社會網絡，飲食係現下佢兜後生人較感興趣个活動；台灣客家較多係靠著客委會所舉辦个活動，政府个族群政策，來維持台灣社會對客家个關注、傳承。
對照印尼客家摎台灣客家，兩邊在語言保存摎文化傳承上都有當像个困境，毋過從歸个復振過程來講，印尼个客家較煞缺少政府个協力、多係靠民間；台灣係有民間與政府个協助。因此，從語言、文化與政策三个方面討論，印尼客家个維持不單係客語个傳承，還牽涉到華語程度及政策力量个作用，現下疫情也成為困境，需要漫長个恢復過程，比臺灣客家个處境更加困難。
華語
在寒假期間，國立中央大學和印尼泗水基督教佩特拉大學合作進行交流，交流主題為印尼泗水客家，為了解當地的客家文化、華人文化，走訪當地的客家會館組織與廟宇。
對印尼客家人而言，他們所保有的傳統祭祀、語言，較貼近於中國文化，他們會強調祖籍來自中國的什麼地方，以及自己的血緣關係，用來連結自身作為華人或客家人的自我認同。不過與臺灣相同，他們也面對語言與文化的流失問題，相較臺灣客家人因為族群政策有較多對客家文化的支持，印尼客家人受到排過去華運動的影響，不僅是族群語言連華語的學習也有斷層，導致問當地客家人在面對客語傳承的問題時，他們會說現在連華語都難有流利的溝通，客話是更是難以去做學習與傳承；這個問題在問印尼客家年輕人的時候，他們也表示如果會講華語那麼就會比較好學客語，不過若是連華語都講不好，那學客語就會比較難。
若從文化的角度來看，當地的客家社團組織，現在也面臨成員老化、文化傳承的問題，當地的年輕人因為工作忙碌沒有時間可以參加會館組織，再來對年輕人來講現在也較難將心力放在學習客家文化，他們還是以生活上的事業打拼為主。這些在文化上的傳承問題，其實都和台灣客家所面臨的問題相似，工作與文化傳承兩者很難同時兼顧，只能從閒暇時間去學習。所以，在印尼的會館透過舉辦各式活動來維繫年輕人的社會網絡，而飲食是現在他們年輕人主要較感興趣的活動；而台灣客家較多是靠著客委會所舉辦的活動，政府的族群政策，來維持台灣社會對客家的關注、傳承。
比較印尼客家和台灣客家，兩邊在語言保存和文化傳承上都有相似的困境，不過從整個復振過程來講，印尼个客家較缺乏政府的協力、多是靠民間；台灣是多虧有民間與政府的協助。因此，從語言、文化與政策三個方面討論，印尼客家不單是客語的傳承，還牽涉到華語程度及政策力量的作用，現在疫情也成為困境，需要漫長的恢復過程，比臺灣客家的處境更為困難。
