觀光局邀英國旅遊業者賞燈踩線 帶動疫後旅遊
【王于郡／南投四縣腔】交通部觀光局駐倫敦辦事處表示，為著宣傳臺灣燈會，行銷COVID-19疫情後觀光，觀光局這幾日邀請來自日本、韓國、美國、英國、德國這兜國家，總共兩百儕个旅遊業者來臺灣看花燈同旅遊。佢兜除忒去燈會之外，還去了野柳地質公園、九份、國立故宮博物院、萬華龍山寺、西門町、士林夜市這兜有名个景點，還去到在地个飯店，了解環境摎設施，好來設計旅遊行程。觀光局駐倫敦辦事處主任邱于庭講，這兜業者對台灣个文化同自然都非常有興趣，觀光局期盼透過這兜活動來宣傳臺灣旅遊資源，帶動疫情後个觀光。
雙子二重奏美國巡演 敲出台灣脈動
臺灣雙生仔兄弟演奏家組成个「雙子二重奏」得著美國國務院「中央舞台」个巡演機會，毋單淨會在華盛頓特區个甘迺迪表演藝術中心來演出，還會去到美國草根社區，透過音樂分較多人感受臺灣个節奏脈動。「雙子二重奏」講：「『中央舞台』係美國國務院主辦个文化外交計畫，係中央政府提供資金，由新英格蘭藝術基金會同美國地區藝術組織來執行，佢兜毋單淨希望藝術家來表演，還較希望有交流同傳分下一代个機會，這係𠊎兜想愛用音樂傳播个力量。」
兩岸疫情緩和 美智庫籲儘快解除交流限制
舊年12月，NCAFP由美國幾下儕前官員組成个亞太安全論壇（FAPS）代表團訪問了台北、首爾摎東京，同3國官員還有其他人士深入交流，期間會見了總統蔡英文。FAPS主任董雲裳同副主任李瀅个報告裡肚講著，舊年2月俄羅斯軍隊入侵烏克蘭，這對東北亞个安全觀點產生深刻个影響，分臺灣、韓國摎日本政府同安全放第一，顛倒毋係經濟。臺海局勢還係維持緊張个情況，報告表示，這下兩岸疫情較無恁嚴重了，現階段，中國學生仔同遊客還係無法度來到臺灣，兩岸个學術乜缺少交流，報告也直接指出，相關个限制應該煞煞來解除。
｜講客廣播電臺－收聽頻率｜
▹宜蘭 FM102.9
▹北北基高屏 FM105.9
▹桃竹 FM105.7
▹苗中彰投 FM101.5
▹雲嘉南 FM104.3
▹花東 FM106.9
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
