紀錄片山椒魚來了研究團隊希望看到台灣特有種價值

【胡祺梓／苗栗銅鑼四縣腔】「山椒魚來了」係「MIT台灣誌」製作人麥覺明拍个紀錄片，麥覺明用「MIT台灣誌」拿到多座金鐘獎个肯定，長期關注山林跟生態議題个佢推出過紀錄片「黑熊來了」，該央時賣了千萬。這擺新片「山椒魚來了」係記錄台灣特有種山椒魚的調查研究。麥覺明表示，一開始淨知山椒魚係古老个活化石，生長環境當難拍，經過17年，總算摎5種山椒魚全部拍到咧，也拍到卵串，當有成就感，希望分鄉親認識山椒魚。研究團隊朱有田感謝麥覺明，做到賴俊翔讓山椒魚被看到个願望，「雖然有當多困難，毋過大家一路相惜，在平凡肚看到不平凡，看到台灣特有種个價值，摎這精神傳承下去。」歡迎鄉親共下去電影院看「山椒魚來了」這部電影

《旅。客：客語帶我去美國》全臺第一本客英雙語原創繪本

客家委員會第一擺同屏東左堆有名圖文創作家「葛瑞絲」共同合作，推出第一本客、英原創故事繪本《旅。客：客語帶我去美國》，用南四縣腔客語文字來屏東左堆客家細妹仔作客他鄉个成長故事，乜帶讀者去看美國西部个風景。葛瑞絲表示，可能因為從小就在他鄉，故所一聽到客話、接觸客家文化、認識客家人，都會當相惜這兠緣分，在美國時節，她乜輒輒分享自己家鄉个客家文化、分享客家料理分外國朋友；轉台灣後用母語加上畫圖个方式，分享客家細妹仔在美國生活个勇敢故事，希望帶大家認識六堆客庄个靚，未來也希望繼續推出客家相關創作、文創商品，分臺灣同外國朋友做得共下認識客家。這擺毋單淨出版繪本，乜特別設計「葛瑞絲的小宇宙-生活篇」客、英个Line貼圖，用南四縣腔客語發音，內容係日常生活个字，包括「多謝」、「做得」、「蓋暢」等16個好用个圖，葛瑞絲邀請大家透過Line貼圖一起輕鬆學客、學英文!

｜講客廣播電臺－收聽頻率｜

▹宜蘭 FM102.9

▹北北基高屏 FM105.9

▹桃竹 FM105.7

▹苗中彰投 FM101.5

▹雲嘉南 FM104.3

▹花東 FM106.9

｜網路收聽｜

▹講客廣播電臺官網｜https://pse.is/R8RU8

▹講客廣播電臺APP｜

(Android連結：https://reurl.cc/8GWlXd )

(IOS連結：https://reurl.cc/O1pb59 )