文／黃筱婷，竹東客家人，這下戴竹東鎮（腔頭：海陸腔）
北埔鄉靚又有名个建築毋單淨姜阿新洋樓，另外還有「金廣福公館」；前駁仔𠊎正參觀外觀係西洋設計个姜阿新洋樓，這擺𠊎特別擇一隻天氣當好个尞日，坐巴士去北埔車頭，準備愛去參觀對北埔開墾有當大貢獻个金廣福公館。
自古以來平埔族群个道卡斯族摎泰雅族群輒常會在北埔這位進行各種个活動，清朝政府希望做得保障老百姓个生命安全，同時乜希望在北埔个各項開墾事務做得順序進行，所以邀請該當時係九芎林莊總理个客家人姜秀鑾，還過竹塹个學老人周邦正兩儕，共下組織「金廣福」墾號，向平常時盡少人過山林个山項，像係：寶山、峨眉這兜地區辛苦个開山打林，𠊎兜正有今晡日盡利便个生活。
對北埔車頭行去服祀觀音菩薩个慈天宮方向，當遽斯做得行到北埔个街路，老街脣个細巷仔四通八達，去哪位都盡方便，滿哪仔都係當有歷史个店仔；北埔老街無幾大，但係有盡多北埔有名个古蹟建築，行落去老街裡背做得感受著篤實親切个客家莊人情。
𠊎行路經過姜阿新个洋樓，過無幾久就看著一間傳統个客家伙房屋，這建築就係𠊎兜桃竹苗地區个國家古蹟「金廣福公館」；金廣福公館係在清朝道光十四年設立个，主要係為著維護北埔地區个治安還過做好開墾，分老百姓个生活做得更加安定；佢个名仔還代表無共樣个意思，「金」係代表發財賺錢、「廣」是代表廣東省、「福」斯係代表福建省，這位就做得看著金廣福公館係客家摎學老兩個族群个合作，這在時局無麼个穩，客家摎學老兩隻族群三不二時斯互相攻擊對方个情形下，做得講係盡少見族群个合作。
金廣福公館个外觀看起來當派頭，行落去門廳過後斯做得看著頭擺保存到今傳統个夥房屋，壁項掛等一垤牌匾，屋肚還有三幅當大个畫像，該斯係姜秀鑾摎厥倈仔、孫仔三儕个畫像，𠊎胚想佢等斯係姜屋後代盡好个一隻模範，因為有佢兜煞猛開山打林，這下正做得福蔭後代。
華語
北埔鄉既漂亮又很有名的建築不只有姜阿新洋樓，另外還有「金廣福公館」；前陣子我才參觀外觀為西洋設計樣貌的姜阿新洋樓，這次我特別挑選一個天氣晴朗的假期，搭乘公車來到北埔車站，準備要去參觀對北埔開墾有很大貢獻的「金廣福公館」。
自古以來平埔族群的道卡斯族與泰雅族經常會在北埔這個區域進行各種的活動，清朝政府希望可以保障老百姓的生命安全，同時也希望在北埔的各項開墾事務能夠順利進行，所以就邀請當時為九芎林庄總理的客家人姜秀鑾，還有竹塹的閩南人周邦正兩位，共同組織了「金廣福」墾號，向北埔平常少有人煙也很偏僻的山區，如：寶山、峨眉這些地區辛苦的開墾荒地，我們才有今天如此便利的生活。
從北埔車站走去供奉觀音菩薩的慈天宮方向前進一點點，很快就可以走到北埔老街，老街旁的小巷道四通八達，到哪邊都非常方便，到處都是很有歷史的商店；北埔老街沒有很大，但是聚集了北埔知名的古蹟建築，走在老街裡可以感受到篤實親切的客家莊人情。
我走路經過姜阿新洋樓，沒有多久就看到一座傳統的客家伙房屋，這棟建築就是我們桃竹苗地區的國定古蹟「金廣福公館」；金廣福公館是在清朝道光十四年設立的，主要是為了維持北埔地區的治安還有做好拓墾工作，讓老百姓的生活能夠更加安定；它的名字代表著不同的意義，「金」是代表著發財賺錢、「廣」是代表廣東省、「福」則是代表福建省，這裡就可以看出金廣福公館是由客家與閩南不同族群的合作，這在時局不安穩，客家與閩南兩個族群時常互相攻擊的情況下，可以說真的是很少見的族群合作。
金廣福公館的外觀看起來非常威武，走進門廳之後就可見到從以前保存至今的傳統夥房屋，家裡牆壁上還掛有一大匾額，屋裡還有三張很大的畫像，那就是姜秀鑾和兒子、孫子三人的畫像，我心想他們是姜家後代很好的一個模範，因為有他們努力開墾山林擁有好福氣，現在才能夠庇祐後代。
歡迎討論或留言給我們: