文／趙叔，文史工作者、社區工作者、客家音樂樂評人，竹東饒平底客家人，這下戴竹東
腔頭：海陸腔
頭屋雲洞宮，位在苗栗縣頭屋鄉鳴鳳村，係當地个信仰中心。天氣好个時節做得在廟坪頭前看著頭屋摎苗栗市區。雲洞宮係創建在清朝光緒31年（西元1905年），係附近民眾捐錢个方式來準備，這間廟係兩殿兩護龍个方式。一樓拜个神係恩主公（關聖帝君、孚佑帝君、司命真君）摎開台聖王鄭成功，二樓个凌霄寶殿係拜玉皇大帝。
朝晨頭七點，從竹東行台三線去苗栗頭屋，這條人講係內山公路个台三線，對北下南串過三灣、獅潭、大湖與卓蘭這四個鄉鎮。因為這片个路大條又好行，風景又靚，放尞日有當多重型機車來這位。今晡日因為梅雨个關係，落大水路項無麼个車仔，變到當靚。行到獅潭之後，在永興村轉入苗22永鳴道路，這條路西片係頭屋與東片係獅潭，這條路因為路當細條，行个人毋多。這條路攀上八角棟山脈个大缺，再過向前行幾百公尺斯到雲洞宮了。
雲洞宮个後背就係當有名个古道：鳴鳳古道个登山口，從這位向東爬山，做得行到獅潭鄉，頭擺係聯絡苗栗山線摎內山線之間个重要道路，毋過苗22公路開通之後，這古道斯留等這一細段定定。
雲洞宮係標準个鸞堂，鸞堂係一種用扶鸞方式个宗教組織，在台灣人个民間信仰當中，有一定个地位。台北行天宮、芎林代勸堂、竹東普照宮、美濃廣善堂，都係台灣客庄當有名个鸞堂廟。
扶鸞也有人講扶乩，係一種神明摎人溝通个方式。問事个過程，一般來講，愛參加問事个人，朝晨頭八點斯愛到現場，摎工作人員報名，領號碼牌，之後摎工作人員講愛問个事情，寫好舊曆生日摎住址就斯拿分鸞生。在恩主公降駕之後，鸞生會照等號碼牌，請輪到个人到頭前跪下，鸞生唸出問事人个生日、住址摎愛問个問題。之後正鸞會拿等像「ㄚ」字形个桃木筆在沙盤頂背寫字。另外一個鸞生看寫出來个字，唸出來分大自家聽，接待个鸞生續等說明。問事了後，會有另外个鸞生渡等，摎你講下一步愛仰般做？係愛求觀音福、求籤詩也係拿符轉去燒。
華語翻譯
頭屋雲洞宮，位在苗栗縣頭屋鄉鳴鳳村，是當地的信仰中心。天氣好的時候可以在廟埕遠眺苗栗市區。本廟創建於清光緒31年（1905年），由附近民眾捐獻方式來籌備，採二殿二護龍的格局。一樓主祀神祇為三恩主暨開台聖王，二樓的凌霄寶殿則是主祀玉皇大帝。
早上七點從竹東騎車到頭屋，這條被稱為內山公路的台三線，由北向南貫穿了三灣、獅潭、大湖與卓蘭等四個鄉鎮。因為這邊路幅大又好走，加上周圍風景宜人，假日總是吸引大量重機來此。今天因為適逢梅雨季節的關係，路上的車少，讓他變得更美了進入獅潭後，在永興村轉入苗22永鳴道路，這條路的西邊是頭屋鄉，東邊是獅潭鄉，這條路因為路幅小，利用此道路的人不多。這條路翻上八角棟山脈的鞍部，再前行幾百公尺就到達雲洞宮了。
廟的後面就是著名古道鳴鳳古道的西端入口，可從這邊往東走到獅潭鄉，以前是聯絡苗栗山線與內山線之間的重要聯絡道，開闢苗22鄉道公路後，古道僅剩下這一小段。
雲洞宮是標準的鸞堂系統廟宇，鸞堂是一種以扶鸞方式為主的宗教組織，在台灣民間信仰當中，佔有一定的地位。台北行天宮、芎林代勸堂、竹東普照宮、美濃廣善堂，都是台灣客庄中極富盛名鸞堂廟。
扶鸞又稱扶乩，為一種天人溝通的方式。問事的過程，一般來說，要參加問事的人，早上八點就要到現場，向工作人員報名，領取號碼牌，然後說明想要問的事情，寫上農曆生日與住址後就統一收集交給鸞生。在恩主公降駕後，鸞生依照號碼牌，請輪到的人到前面跪下，鸞生唸誦出生年月日、住址與要問的問題。接著正鸞手持狀似「ㄚ」字形的桃木筆在沙盤上寫字。由另外一位鸞生看寫出來的字，然後唸誦出來，再由接待的那位鸞生進行說明。解答完成後，會有另外的鸞生引導，告訴當事人下一步該怎麼做，求觀音福、賜籤或是拿符回去燒。
歡迎討論或留言給我們: