敬拜伯公為桐花祭揭開序幕 苗栗獅潭靚靚个桐花風光
【羅盛滿／新竹竹東海陸腔】四月天，春風吹過樹椏，一蕊一蕊个花摎樹葉仔跈等風、滿哪仔飄來飄去，原來係桐花祭活動開始咧，客家委員會在今晡日在苗栗獅潭小東勢古道舉辦「賞桐一期一會—桐聚道示範體驗活動」，還過在體驗以前，透過敬拜伯公个祭拜儀式，開始一年一度个桐花祭。
客委會表示，今年桐花祭結合古道尋花、聲音地景、樂舞茶席設計、客家三行詩、無插電音樂表演、還過桐聚市集這兜活動內容，為舉辦長達20年恁久个桐花祭，揭開重要个轉型序幕。希望做得用桐花來餳着還較多个人，聚合人摎人、人摎自然、還過人摎客家文化。
續下來來聽，客家委員會楊長鎮主委在桐花祭開幕該下个現場致詞：
今年亻恩俚桐花祭嗬，摎往年多少有兜仔改變嗬，往年大家有強調辦大型个、聚眾个活動，今年亻恩俚因為講，這桐花、賞桐、賞花，應該融入亻恩个生活，融入亻恩俚生活个時節，亻恩俚希望就講，亻恩這看花嗬，係非常優雅、有氣質个一隻活動，所以亻恩俚今年以小型个儀式、小型个聚會、小型个桐花步道个旅行，做為今年桐花祭舉辦主要个形式。所以講，縣市大型个活動就有減少，亻恩俚希望漸漸仔這種轉型，使得賞桐花融入了台灣人日常个生活，還過今年開始嗬，亻恩俚也無特別強調「客家」兩隻字，因為桐花祭已經係變做全台灣人，到這隻時節个時節，大家就會等待山頂个花開咧，愛來山頂遶山、尋花、賞花、看花嗬，所以亻恩俚希望講，這種漸漸仔轉型，分佢成為亻恩俚台灣這個民眾嗬，生活美學當中一種營養、一種分亻恩俚對於土地个甜、土地个靚，有一隻機會來表達亻恩个心情，表達亻恩个敬意，也表達恩亻俚个欣賞，使亻恩俚融入這垤土地。
｜講客廣播電臺－收聽頻率｜
▹宜蘭 FM102.9
▹北北基高屏 FM105.9
▹桃竹 FM105.7
▹苗中彰投 FM101.5
▹雲嘉南 FM104.3
▹花東 FM106.9
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
（Android連結：https://reurl.cc/8GWlXd）
（IOS連結：https://reurl.cc/O1pb59）
