新聞學客語-新竹竹北海陸腔
【華文版】
【戴君儒／新竹竹北海陸腔】過年禁忌的形成通常源於古老的文化信仰，也有部分來自生活經驗，但更多是對未來的美好期望。許多禁忌與民間傳說有關，人們相信遵守這些禁忌可以避免不幸並吸引好運，讓一整年平安健康發大財。
年初一禁忌：大量用水
由於初一是水神生日，為了以示尊重，所以不可大量用水，如：洗頭、洗衣服都必須禁止；另有一說是年初一是財氣最旺的時候，大量用水會把財運、好運洗掉。這項禁忌放到現在有鼓勵節約用水的意涵，但是該用水的時候還是可以放心使用，以免造成生活上的不便。
年初一禁忌：賴床、午睡、催促起床
賴床和午睡被認為是偷懶的行為，許多長輩認為若在初一就缺乏活力，接下來的日子就會過得很懶散，甚至會影響事業和財運，初一也是一年之始，千萬不要叫名字催促別人起床，若在這天催促別人起床，會導致對方一整年都被催促做事。
年初一禁忌：打掃、丟垃圾
大年初一，新年的第一天是充滿財氣、好運个的一日，如果初一丟垃圾、整理家裡會把好運掃出家門，所以過年期間不宜打掃，即使需要掃地也要由外向內，把運聚在一起。
年初一禁忌：吃稀飯
在以前的時代，只有經濟能力不好才會吃稀飯，因此許多人認為初一吃稀飯會影響日後的財運，要盡量避免。此外，在習俗中，初一早餐吃素是對神明的尊重；午餐吃葷象徵新的一年都能豐衣足食，可以按照這兩項傳統準備餐點。
【客文版】
過年个時節有兜仔禁忌，斯係過年毋好做个事情，這兜禁忌多係自古以來个文化，乜有部分係來自生活个經驗，毋過還較多係對未來美好个期待。當多禁忌摎民間傳說有關，人講遵守這兜禁忌做得避免毋好个事情發生，還做得餳來好運，歸年平安康健大賺錢。
年初一禁忌：大量用水
首先來講，年初一係水神个生日，為著愛表示尊敬，所以毋好大量用水，像係：洗頭那毛、洗衫這兜；還有隻講法係講，年初一係財氣最強个時節，用昶多水會摎財運、好運洗忒。這項禁忌放到這下乜做得順續鼓勵大家省水，毋過應該愛用水个時節還係好好來使用，正毋會造成生活項个毋利便。
年初一禁忌：忍床、睡當晝、追人䟘床
再過來講著，忍床摎睡當晝分大家試著係推懶个行為，係講在年初一斯恁無活力，續下來个日仔就會過到還較懶尸，還會影響事業摎財運，年初一係一年个開始，千萬莫喊名仔追人䟘床，因為恁樣會造成該儕人歸年做事都緊分人追。
年初一禁忌：拚掃、掉垃圾
再過來，人講年初一毋好掉垃圾、拚掃，頭下有講著新年个頭一日係充滿財氣摎好運个一日，係講在這日掉垃圾、拚掃會摎好運全部掃出屋下門，所以年初一毋好拚掃，係講正經愛整理，乜愛由外背向裡背，摎運勢聚共下。
年初一禁忌：食糜
最尾講著，在頭擺斯係經濟能力毋好正會食糜，所以當多人試著年初一食糜會影響續等歸年个財運。人講初一食朝愛食齋係對神明个尊重；當晝食肉表示新个一年都會食豐沛過到當好。
講客廣播電臺
官網網路收聽：https://www.hakkaradio.org.tw/
Android版 APP下載：https://reurl.cc/8GWlXd
IOS版 APP下載：https://reurl.cc/O1pb59
