【華文版】
西洋情人節遇隱諱不明性暗示 4招守護身體界線
【邱巧昀／苗栗市四縣腔】西洋情人節將至，少男少女期待與心儀對象享受甜蜜時光，面對來家裡坐、需要人陪疑似帶有性暗示言語，國健署提醒勇敢說不，以停止話題、離開現場等4步保護身體自主權。
第1步是勇敢說不，面對感到不舒服的身體接觸，不要因害怕對方生氣或破壞關係勉強自己，立刻表達拒絕是保護自己的第1步；第2步則為停止話題，當話題開始涉及不適當內容，建議直接表達「這個話題我不想聊了」，果斷中止談話。
第3步是離開現場，國健署提醒，若在約會時相處情況感到不舒服或有壓力，應迅速離開現場，即使對方試圖挽留，也不要猶豫，保護自己才是最重要的，可以找其他理由，或直接說「我要走了」，避免讓自己陷入進一步不安。
第4步是尋求協助，國健署表示，當面臨的情況難以處理或感到無助時，不要害怕尋求他人幫助。無論是信任的朋友、家人、老師、輔導人員或醫護人員，他們都能提供支持和建議，共同找到合適的解決辦法。
國健署長吳昭軍表示，青少年建立健康親密關係，在感情中做自己的主人，切勿因對方是男女朋友，勉強自己接受不喜歡的身體接觸。情侶交往要尊重對方身體接觸的意願，每個人都有為自己身體做決定的權利，培養親密關係需循序漸進，操之過急容易傷害彼此感情。（中央社）
鎖定來台自由行旅客 觀光署：高鐵買1送1續推至年底
觀光署長周永暉今天表示，「遊台灣金福氣」抽5000元活動到今年6月底截止，但高鐵買1送1的優惠鼓勵旅客到中南部旅遊外，也很受到外籍旅客喜愛，因此高鐵買1送1優惠將持續到年底。（中央社）
【客文版】
假使在西洋情人節堵著性暗示 國健署教大家4步數來保護自家个身體
西洋情人節會到了，當多細阿妹、細阿哥會摎另外一半享受甜蜜个時間，毋過假使堵著另外一半邀請你去屋下坐尞一下，抑係講佢需要人陪伴這兜當像有性暗示个話語，分你試著心肝肚毋爽快，國健署提醒鄉親做得用勇敢講「無愛」這兜4個步數來保護自家个身體自主權。
第1步係勇敢講「無愛」，面對著分你試著毋爽快个身體接觸，千萬毋好因為驚怕對方會譴還係會破壞兩儕人个關係來勉強自家，黏時拒絕佢就係保護自家个第1步；第2步係停止話題，假使話題開始出現無適當个內容，建議直接摎對方講「這個話題𠊎無想愛過講了」，煞煞摎對話停忒。
第3步係離開現場，假使在約會个時節，兩儕人相處个情況分你試著無恁自在還係講有壓力，應當愛遽遽離開現場，就算對方想愛喊你留下來，乜毋好無定無著，做得尋其他理由，還係直接摎佢講「𠊎有事情愛先離開了」，避免分自家入到還較心焦个狀況。
第4步係尋人𢯭手，假使你堵著个情況當難處理，分你試著當絕望，該央時千萬毋好試著尋人𢯭手當敗勢。不論係值得信付个朋友、屋下人、先生、輔導人員還係醫護人員，佢這兜都做得提供支持摎建議，共下來尋解決辦法。
國健署長吳昭軍表示，青少年想愛建立康健个親密關係，在感情裡肚愛做自家个主人，毋好因為對方係男女朋友，就勉強自家接受毋爽快个身體接觸。情侶交往愛尊重對方个身體接觸意願，每一儕人都有為自家身體做決定个權利，培養親密關係愛一步一步定定仔來，做事情狂狂、無經過思考容易傷害著兩儕人个感情。
觀光署表示：高鐵買1送1優惠會持續到年底
觀光署長周永暉今晡日表示，雖然遊台灣金福氣抽5000箍个活動到今年6月底為止，毋過高鐵買1送1个優惠毋單淨鼓勵遊客到中南部遊尞，乜當受著外籍旅客中意，故所高鐵買1送1个優惠會持續到今年底。
講客廣播電臺
官網網路收聽：https://www.hakkaradio.org.tw/
Android版 APP下載：https://reurl.cc/8GWlXd
IOS版 APP下載：https://reurl.cc/O1pb59
