文／賴文英，國立中央大學客家語文暨社會科學學系兼任副教授　（四縣腔）

語言个書寫本旦就係一種美、一種靚，也係一種創作。現今客語瀕危，亻恩愛透過各種方式煞煞來推廣客語，藉等書寫客家語言也係一種當好个方法。

推廣客語，毋單淨愛鼓勵大家講，仰般分大家認識客語个靚、了解客語文化个重要性，這乜係盡重要个，透過書寫就係分大家認識靚靚客語个方法之一。聯合國永續發展目標（SDGs）第四項優質教育：確保有教無類、公平還過高品質个教育，還有提倡終身學習。客家族群抑係非客家族群乜應當識客字、讀客書，來達著母語永續閱讀个目標，係講客家人本身讀毋識客語文字，該也算係一種文盲。客語書寫，實際上有當多个優點，下背先列出七點分大家參考：

拈轉客家意識

在書寫个當中，漸漸仔對客家、對客語有過較多个了解摎感情，自然也就會定定仔拈轉自家个客家。非客家族群乜做得了解客家文化、互相尊重。

推廣講客

在書寫个當中，毋多知仔其實也係在該推廣講客，現今，講客、有客家文化意識，這係目前最重要个一件事情。

推廣SDGs第四點—優質教育

永續閱讀母語—客語讀物，也鼓勵非客族群認識客語，恁樣乜正做得落實做著臺灣多元文化、族群互相尊重个理念。

了解自家个生命經驗

藉等書寫抑係藉等創作个過程，做得體會著自家个生命經驗，這也係書寫人生、書寫歷史、書寫客家。

對自家个肯定摎成就感

對自家書寫个作品，成時乜做得拿去投稿、出版，推廣客家文化，這也係一種對自家个肯定摎成就感，尤其對後生人來講，過較有鼓勵个作用。

學會創作、學會思考

書寫个過程也係一種創作摎思考个過程，這也係一種過到老、學到老，永續學習个態度。

美感个培養

藉等書寫、藉等創作，也係對美感培養个一種方式。「美」、「靚」係滿哪仔都有个，客語个書寫之美當中，也有靚靚个人生、靚靚个客語、靚靚个客家文化。

請大家共下來書寫客語、推廣客語、拈轉客家。其實創作客語文章，你也做得像藝術家共樣來思考，做一個當有「客家」味緒个客語書寫人。

華語

語言的書寫本身就是一種美，也是一種創作。現今客語瀕危，我們要透過各種方式趕緊推廣客語，藉著書寫客家語言也是一種很好的方法。

推廣客語，不僅僅要鼓勵大家說出來，如何讓大家認識客語的美、了解客語文化的重要性，這也是很重要的，透過書寫就是讓大家認識美美客語的方法之一。聯合國永續發展目標（SDGs）第四項優質教育：確保有教無類、公平以及高品質的教育，及提倡終身學習。客家族群抑或是非客家族群也應該認識客家文字、能讀客語書籍，以達成母語永續閱讀的目標。若是客家人本身讀不懂客語文字，那也算是文盲的一種。

客語書寫，實際上有很多的優點，以下先列出七點予大家參考：

拾回客家意識

在書寫的當中，漸漸地對客家、對客語就會有更深的了解與感情，自然也就會慢慢地拾回自己的客家。非客家族群也可以了解客家文化，學習相互尊重。

推廣講客

在書寫的當中，不知不覺地其實也是在推廣說客家話，現今，講客、有客家文化意識，這是目前最重要的一件事情。

推廣SDGs第四點—優質教育

永續閱讀母語—客語讀物，也鼓勵非客族群認識客語，這樣也才可真正落實做到臺灣多元文化、族群相互尊重的理念。

了解自己的生命經驗

藉著書寫抑或是藉著創作的過程，能體會到自己的生命經驗與歷程，這也是書寫人生、書寫歷史、書寫客家。

對自己的肯定與成就感

對自己書寫的作品，有時也可拿來投稿、出版，推廣客家文化，這也是一種對自己的肯定與成就感的體現，尤其對年輕學子或更有鼓勵的作用。

學會創作、學會思考

書寫的過程也是一種創作與思考的過程，這也是一種活到老、學到老，永續學習的態度。

美感的培養

藉著書寫、藉著創作，也是對美感培養的一種方式。「美」是到處都有的，客語的書寫之美當中，也有美美的人生、美美的客語、美美的客家文化。

請大家共同來書寫客語、推廣客語、拾回客家。其實創作客語文章，你也可以像藝術家一樣來思考，做一個非常有「客家」味兒的客語書寫人。