【華文版】
拷秋勤客語主唱 盼立委支持客家
【戴君儒/新竹竹北海陸腔】去年曾登上大港開唱舞台的拷秋勤樂團客語主唱朱皮表示,因為大港是指標性的音樂祭,有十幾萬樂迷在現場找喜歡的音樂聆聽,若能在現場演出,被聽見的機會就很高。
朱皮說,如果只靠市場機制,對母語創作的樂團或歌手是很困難的,畢竟母語創作歌手的音樂比較難突破到主流社會,客委會用這樣的方式讓歌手有登台的機會,如果沒有客委會的介入,少數文化很有可能消失。朱皮表示,審預算是立委的職責,而且應該要好好審,但希望立委不要為刪而刪,尤其對於弱勢的客語文化產業,應該要有更多的支持。(客新聞)
客家團體表示:憂心客家訊息從媒體消失
有立委提案將客委會客家文化產業發展補助費減列350萬元、凍結250萬元,理由是:有些受補助對象與推廣客家文化有何關係?然此理由,未被客家團體所接受。
客家團體呼籲,刪除媒體政策及業務宣導費,勢必使客家文化在媒體曝光度相對遞減,讓大眾無法事前得知客家委員會活動或施政作為,此不利於客家文化傳承與推廣,因此有需要編列費用,讓客家委員會政策資訊透過平面、電子、廣電、網路媒體讓人民知道及參與,傳承與推廣客家文化才能産生更大倍增效果。(客新聞)
空污拉警報 敏感族群多注意
依據環境部的空氣品質監測網資料,近期大陸冷氣團南下,東北風挾帶境外污染物影響台灣及離島,中南部位於下風處,污染物易累積,多地空氣品質指標(AQI)已達橘色警示,對敏感族群的健康造成不良影響。國健署提醒敏感族群提升自我保護,儘量減少室外活動,必要外出時記得配戴口罩,返家從室外進入室內,建議洗臉、清潔鼻腔,適當關閉門窗。(中央社)
【客文版】
拷秋勤樂團客語主唱 希望立法委員支持客家
舊年識企上大港開唱舞臺个拷秋勤樂團客語主唱朱皮表示,因為大港係指標性个音樂祭,有十過萬儕聽眾朋友在現場尋自家中意个音樂來聽,係講做得在現場表演,分大家聽著个機會就會當高。
朱皮講,係講斯靠市場个機制,對母語創作个樂團抑係歌手係當困難个,因為母語創作歌手个音樂較難突破到主流社會,客委會用恁樣个方式分歌手有上大舞臺个機會,係講無客委會个𢯭手,少數文化斯當有可能會無忒去。朱皮表示,審預算係立法委員个責任,還過應該愛好好來審,希望立法委員毋好為著刪來刪,尤其係對弱勢个客語文化產業,應該愛有還較多个支持。
客家團體表示:愁慮客家訊息會對媒體消失
有立法委員提案摎客委會客家文化產業發展補助費減列350萬箍、凍結250萬箍,理由係:有兜受補助對象摎推廣客家文化有麼个關係?毋過這理由,客家團體並毋接受。
客家團體表示,刪除媒體政策摎業務宣導費,定著會分客家文化在媒體項个出現比率減少,大家斯無法度先瞭解客家委員會个活動抑係施政作為,恁樣對客家文化个傳承摎推廣當毋利,所以有需要編列費用,分客家委員會政策資訊透過平面、電子、廣電、網路媒體分鄉親了解摎參與,推廣傳承客家文化正做得産生還較大个效果。
空氣污染警告 敏感族群愛較注意
照環境部个空氣品質監測網資料,這站仔大陸冷氣團下南,東北風帶等境外污染物影響臺灣本島摎離島,中南部係在下風處,污染物容易累積,多地空氣品質指標(AQI)已經達到柑仔色警示,對敏感族群个康健造成毋好个影響。國健署提醒敏感族群,愛提升對自家个保護,儘量減少戶外活動,係講定著愛出門,記得摎封嘴仔戴等,對外背轉到屋下,建議愛洗面、清潔鼻空,適當摎門窗關起來。
講客廣播電臺
官網網路收聽:https://www.hakkaradio.org.tw/
Android版 APP下載:https://reurl.cc/8GWlXd
IOS版 APP下載:https://reurl.cc/O1pb59