文／林淳華，客家研究人員，台中市豐原區學老人，感謝大埔客語薪傳師羅月鳳、劉素玉指導（大埔腔）。
臺灣大學歷史系退休教授李永熾係在台中市石岡鄉和盛村出世，隔壁鄰舍總下知這個臺大个教授，毋過，大家毋知厥餔娘毋單淨係臺大教授，乜係有才有貌个教授，𠊎仰脣知這兜呢？因為𠊎有上過方瑜先生个課，佢上課時，歸間教室人尖人，這就係臺大文學院特別个人文風景。
方瑜1945年在中國四川省出世，厥爸係重慶兵工廠个工程師，1948年，兵工廠徙來臺灣，佢乜徙來高雄戴，在高雄女中畢業了後，考著臺大圖書館系，毋過，佢當好古典詩詞，接受臺大中文系當出名个先生指導，佢打第一名考著臺大中文研究所，一生人做下在這位教書，得著名譽教授个殊榮。
方瑜先生過身，吾大學同學去參加厥告別式，佢講，方瑜先生个相片親像大明星。𠊎愐著頭擺先生上課時節，總係著長長个裙，烏色个外衫，無化妝斯來上課，吾等總下目金金緊看佢，聽佢講《卡拉馬助夫兄弟們》个故事，講卡夫卡《變形記》，還會講文人軼史，像蘇東坡雖然寫了哀章哀弔過身十年个餔娘，毋過，厥个桃花毋識斷過。
方瑜先生分人喊做「俠女」，有一個機械系个學長講，吾等大學時代打壘球个振興草坪，先生認為用校長个名安做球場个名毋適當，因為這位校長做好、做壞還毋知，所以佢講振興草坪係「該片草坪」。吾學姊看過先生在校園裡肚个郵局拍桌罵人，因為郵局辦公桌个人盡做自家个事，無看著櫃檯前長長排列个人，大家起譴，毋過，毋敢講出來，先生講出排列人个心聲。
方瑜先生嫁分李永熾先生，李永熾先生个老屋在台中市石岡區和盛村，乜係二十五年前921大地動重建个社區，在二十年前个七二水災乜發大水，隔壁鄰舍知這位有出一個李永熾這位台灣大學个教授，毋過，毋知臺大中文系教授乜係這位教授个心臼。雖然方瑜先生毋會寫客文，毋過，佢教出个學生使得寫客文，將先生認真教學个事蹟寫出來，分客家莊个人知。
華語
台大歷史系退休教授李永熾老家在台中市石岡鄉和盛村，鄰居都知道這裡出了一位台大教授，諸不知他的太太也是臺大教授，而且還是才貌兼備的教授。為何我知道？因為我上過她的課，她上課時的教室在文學院大教室，教室內擠滿人，是台大特別的人文風景。
方瑜1945年生於中國四川省，父親是重慶兵工廠工程師，1948年，兵工廠撤離大陸，轉駐臺灣高雄，方瑜隨父親移居臺灣，在高雄女中畢業之後，考上台大圖書館系，但是她愛好古詩詞，大學親炙中文系名師，以榜首考進台大中文系研究所，後在中文系任教，榮獲名譽教授。
方瑜老師日前過世，大學同班同學去參加她的告別式，直說看到方瑜老師照片，很有大明星的氣質。我想起，老師以前上課時，總是長裙、大黑衣、素顏來上課，但是我們總是盯著她看，聽著她講《卡拉馬助夫兄弟們》的故事情節，講卡夫卡《變形記》，當然還會講中國文學史的軼史，像蘇軾寫下愛妻的追悼文，其實蘇軾的情史從來沒有斷過。老師在臺大的人文社會營演講時，當年參加營隊的學生，對她評價最高。
方瑜老師也有「俠女」之稱，一位機械系學長說，我們大學時練習壘球的振興草坪，老師認為不該以校長之名命名球場，因他功過未定，所以她都說「那個草坪」。一位學姊曾經看到方瑜老師在校內郵局，拍桌子駡櫃台人員，因為工作人員不專心辦公，顧著做自己的事。櫃台前大排長龍，眾人敢怒不敢言，方瑜老師率直的發火了，講出排隊者的心聲。
方瑜老師嫁給台大歷史系的教授李永熾，李永熾老師的老家在台中市石岡區和盛村，也是921地震重建的社區，七二水災時也淹水，鄰居都知道這裡出了一位台大教授，但都不知這裡也有一位媳婦是台大中文系教授，雖然方瑜老師可能不會講客家話，但是因為她教出學生會客家話，就把老師認真教學之事蹟寫出來給客家人知道。
