【華文版】
居家4燙傷危險地帶 勿抱孩子烹飪別用桌巾
【陳惠亭／苗栗三灣四縣腔】衛生福利部國民健康署今天透過新聞稿提醒，冬季居家4大危險地帶，第1個就是「廚房」是幼兒絕對應該遠離的活動空間，國健署表示，家長應確保廚房與幼兒活動區域分開，避免孩子在烹飪時接近。家長千萬不要抱著幼兒同時烹飪，以免熱油濺出或滾水灑出，應將鍋柄朝內轉動，避免孩子好奇拉扯燙傷。
第2個燒燙傷危險地帶為「餐桌」，國健署建議，在家用餐時，餐桌上不應使用桌巾或桌布，避免兒童因為好奇心旺盛，拉扯桌巾或桌布，造成熱食掉落，導致燙傷風險大增；另外，家長也應注意將熱飲和熱食放置在孩子接觸不到的地方。
「客廳」則是第3個居家兒童易燙傷的危險地帶，國健署呼籲，不論春夏秋冬，家長要特別注意客廳中常見的高溫物體，如蒸汽熨斗、吹風機等，應將這些物品放置在高處或使用防護裝置，確保孩子無法接觸。
第4個危險地帶就是「浴室」，國健署提醒，洗澡水應先放冷水再放熱水，水溫不得超過攝氏40度，讓幼兒下水前家長應先用手背試水溫。若天氣寒冷，應提高室內溫度，而非提高水溫。此外，家長千萬不要將幼兒獨自留在浴室，以免發生意外。
國健署表示，若不幸發生燒燙傷，家長應熟記燙傷急救的5步驟「沖、脫、泡、蓋、送」，持續沖冷水15至30分鐘，在水中小心脫去或剪開傷處附近的衣物，繼續以冷水浸泡傷口30分鐘，持續降溫，使用乾淨的紗布覆蓋燙傷處，避免細菌感染，儘速送醫治療。（中央社）
【客文版】
屋下4隻容易熝傷人个危險所在 毋好揇細人仔煮飯莫用桌巾
衛生福利部國民健康署今晡日透過新聞稿AA提醒，寒天屋下有4隻危險个所在，第1個就係「灶下」係細人仔絕對做毋得行兼个活動空間，國健署表示，家長應該愛確認灶下摎細人仔活動个區域係分開个，避免細人仔在煮飯个時節接近。家長千萬莫揇細人仔又同時煮飯，正毋會摎燒个油抑係滾水倒出來，應該愛摎鑊柄向內轉動，細人仔正毋會好奇去拉造成熝傷。
第2隻危險个所在係「餐廳个桌仔」，國健署建議，在屋下食飯个時節，桌仔項毋好用桌巾抑係桌布，避免細人仔因爭好奇去拉，結果燒个食个東西跌下來，造成熝傷个風險增加；另外，家長乜應該愛注意摎燒个食个東西放在細人仔摸毋著个地方。
「廳下」係第3隻係人仔在屋下容易熝傷个所在，國健署呼籲，毋論春夏秋冬，家長愛特別注意廳下輒常看吔著溫度高个東西，像係熨斗、吹風機這兜，應該愛摎這兜東西放較高兜仔抑係使用防護裝置，確認細人仔無辦法摸著。
第4隻危險个地方係「浴堂」，國健署提醒，洗身水愛先放冷水正放燒水，溫度做毋得超過攝氏40度，分細人仔浸水前家長愛先用手背試水溫。係天時較寒，愛提高室內溫度，毋係提高水溫。另外，家長千萬做毋得摎細人仔自家一儕放在浴堂，正毋會發生意外。
國健署表示，係無細義發生熝傷，家長應該愛記得熝傷急救个5步驟「沖、脫、泡、蓋、送」，持續沖冷水15到30分鐘，在水肚細義个脫忒抑係剪開傷口附近个衫褲，繼續用冷水浸傷口30分鐘，持續降溫，使用淨俐个布仔遮等分熝著个地方，避免細菌感染，最尾係遽遽送醫院治療。
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
Android連結：https://reurl.cc/8GWlXd
IOS連結：https://reurl.cc/O1pb59
