文／羅烜淳，環境工程師，苗栗公館鄉人，這下戴台中（四縣腔）
世界項有當多語言，逐儕人想愛學个語言就無共樣，這下社會，除忒從細就在講个語言——阿姆話以外，還會再過學第二種、甚至第三種語言，故所這下个細人仔大體就會講兩到三種語言。
逐擺放尞个時節去到當有名个景點尞，會聽著無共隻國家个人在講厥國家个語言，聽著無共樣个語言分人試著當生趣。想著有一擺摎共樣乜會講客个外國朋友打嘴鼓，佢講著佢舊年來台北尞，摎朋友打嘴鼓講客，隔壁桌个人恅著佢兜在該講越南話。記得有一擺摎同事出差（佢兜全部毋係客人），在車頂項打嘴鼓，佢兜聽著𠊎係客人，就想愛聽𠊎用客話紹介自家、紹介佢兜，等𠊎講忒，有一儕人就講：「妳講客話聽起來仰會恁像越南話?」係從細無聽過客話个人，聽著客話會毋知該係麼个語言，毋過𠊎試著語言當生趣个地方就係做得做打嘴鼓个話題，就像係問人：「哇！你這隻語言講到還正哪！做得教𠊎幾句無?」。
有一擺，因為做事个關係看著一隻影片，影片係縣長摎大自家講客來做開頭，脣項還坐等當多小學生仔，縣長乜摎佢兜講客;還過吾親戚平時就摎厥孫仔孫女講客，學語言盡重要个就係環境，在全客話環境之下學習語言係盡遽个方式。試著恁樣个方式當好！從細就讓細人仔慣勢講該隻語言，就算細人仔大了、較無機會講了，因為頭腦會有記憶，故所毋會毋記得愛仰般講，定著會記得一兩隻詞彙。比將講有成時強強會想毋起來該隻字愛仰般講，別儕一提醒，黏時想著該隻字愛仰般講了，毋過學一種語言還係愛輒常講，無就會較毋記得愛仰般講，就像用飯撈戽水共樣——無採工。
想愛學自家毋熟事个語言，可能會分人潑冷水，笑你無可能學好，毋過係講有心想愛學，就會學得成，學著了就係自家个！語言實在當重要，毋單淨係在嘴項講出來个字，乜代表一種文化。毋管聽著麼个語言，定著愛尊重別儕。
華語
世界上有很多語言，每個人想要學習的語言都不一樣，在現在的社會，除了從小說的語言-母語之外，還會再學習第二種、甚至是第三種語言，所以現在的人大多都會說兩至三種語言。
每次放假的時候去有名的景點玩，會聽到來自不同國家的人在說著他們國家的語言，聽到不同的語言覺得很有趣。想到有一次跟外國朋友(他一樣會講客語)在聊天，他講到他去年來台北玩時，跟朋友用客語聊天，隔壁桌的人以為他們在講越南話。還記得有一次跟同事出差（他們都不是客家人），我們在車上聊天，他們聽到我是客家人，就很有興趣的想要聽我用客語介紹自己、也介紹他們，等我用客語一一介紹完，其中一個人就說：「妳講客語聽起來怎麼這麼像越南話?」從小沒有沒聽過客家話的人，聽到客家話時會不知道這是什麼語言，不過我認為語言很神奇的地方在於可以開啟人跟人之間的話題，就像是問人：「哇！你講這個語言講得好流暢啊！可以教我幾句嗎?」。
有一次因為工作的關係看到一部影片，影片是縣長跟大家用客語打招呼當作開頭，旁邊還坐著許多小學生，縣長在跟大家打完招呼後，也跟他們用客家話聊了幾句，還有我的親戚平時也跟他們的孫子孫女講客家話，學語言最重要的就是環境，在全客語環境之下是學習語言最快的方式。這樣的方式很值得鼓勵！從小讓小孩習慣講這個語言，就算小孩子長大了、比較沒有機會說了，因為對這個語言的記憶還在，所以不會完全忘記如何講，一定會記得一兩個單字。比如說有時候會想不起來某個特定的詞要怎麼講，但經過旁人的提醒，就馬上想起來了，不過學習語言還是要常講，才不會忘記怎麼說，否則前面的一切努力都白費了。
想要學自己不熟悉的語言，可能有人會被潑冷水笑你不可能學好，不過有熱忱想要學習，就會學得，學到了就是自己的！語言很重要，不只是從嘴巴裡說出來的詞彙，同時也代表著一種文化。不管聽到什麼樣的語言，對他們都要保持尊重。
