文／彭賢祥，大湖客家人，這下戴大溪（四縣腔）
講著這客家話个傳承，客委會乜盡煞猛在該推動，在自家、家庭、社區、公司，甚至公家機關，就有當多計劃去推動，像學校裡肚个本土語言个課程，還有客語社區營造計劃，這兜就係愛將客家話留下來，愛分客家話復興起來，到底愛仰般做呢？愛先有這個行動方針，就係會講、做得講、肯講三大方針，自家係會講客，有機會就愛多講，別儕斯會跈等來講，大家會講肯講客，別儕會主動講客，最後个目標愛做到會講客个人開始講客、多少會講个人緊來緊進步、毋曉得講个人多少聽得識，雖然客委會定下這方針摎目標，因為人力有限，所以愛來拜託大家來𢯭手，煞猛努力摎講客話个政策傳下去。
實際上愛仰般在日常生活肚做，首先個人愛先在接電話開始，接電話个時節就愛講「你ngˇ好hoˋ，」主動表示對語言个認同，係會講客个人會摎你講客，毋使驚別儕毋曉講客，講就著了！還有逐日堵著人打招呼个時節，愛講「請問、承蒙、恁仔細、多謝、敗勢」這兜問候个話，愛輒輒講出來，這兜客家話大部分人都曉得講，再來係家庭肚，乜有客語家庭个選拔摎表揚，就係愛在屋下講客，屋下人去參加客語認證，有兩代人通過認證，也係算客語家庭，社區肚共樣做得講客，尤其係自家个手機仔項，連絡講客家話，電子郵件、FB、LINE群組做得寫客語字，別人看著這特別个字就會問，增加這客話出現个機會，還有在上班个場所，摎同事講客，特別在客莊，有當多係客人，無堵著客家人摎佢講客，就毋敢先講客，愛主動先講客，了解同事裡肚有幾多儕會講客，恁樣客家話乜做得變做工作語言，上班時節聽著客家話，該氣氛會變到當親切哦！
跈等，𠊎愛來說明𠊎自家个做法摎大家分享，𠊎係大約十年前來接觸這客家話，就去考認證做薪傳師，這下有機會做先生教客話，會盡力去教；在社區，𠊎係公所个客語推行委員，會摎公所社區配合,來做社區營造計劃摎通行語个活動，還有吾手機仔裡肚，不管係FB也係LINE，講電話也係電子郵件，全部係用客家字來回答，客家文學方面有寫客語投稿，像中央大學客家電子報，有投稿三篇文章，客新聞个寫客文乜有投稿三篇文章，寫客家文章係𠊎盡好个，特殊又有親切感，不時乜鼓勵同學投稿，大家共下摎客家話，永久長長遠遠个講下去，記得「講就著了」！
華語
說到這客家話的傳承，客委會也很努力在推動，在家裡、家庭、社區、公司，甚至公家機關，就有許多計劃去推動，像學校裏的本土語言課程，還有客語社區營造計劃，這些就是要將客家話留下來，愛讓這客家話復興起來，到底要怎麼做呢？要先有這個行動方針，就是會講、可以講、肯講三大方針，自己是會講客語，有機會就要多講，別人就會跟著來講，大家會講肯講客語，別人就會主動講客語，最後的目標要做到會講客語的人開始講客語、多少會講的人愈來愈進步、不會講的人多少聽得懂，雖然客委會定下這方針跟目標，因為人力有限，所以要來拜託大家來幫忙，認真努力的讓講客家話的政策傳下去。
實際上要怎麼在日常生活裏做，首先個人要先在接電話開始，接電話的時候就要講你好，主動表示對語言的認同，會講客語的人會跟你講客語，不用怕別人不會講客語，講就對了！還有每天遇到人打招呼的時候，要講「請問、承蒙、恁仔細、多謝、敗勢」這些問候的話，要常常講出來，這些客家話大部分人都會講，再來是家庭裏，也有這個客語家庭的選拔跟表揚，就是要在家裏講客語，家裡的人去參加客語認證，有兩代人通過認證，也算是客語家庭的表現，社區裡面一樣可以講客語，尤其是自己的手機，連絡用客家話，電子郵件、FB、LINE群組可以用客語寫，別人看到這特別的字就會問，增加這客語出現的機會，還有在上班的場所，跟同事講客語，特別在客家庄，很多是客家人，沒有遇到客家人跟他講客語，就不敢先講客語，要主動先講客語，了解同事裏面有多少人會講客語，這樣客家話也可以變成工作語言，上班時候聽到客家話，上班的氣氛會變得很親切哦！
接下來，我來說明我自己的做法跟大家分享，我是大約十年前來接觸這客家話，就去考認證做薪傳師，現在有機會做老師教客家話，會盡力去教；在社區，我是區公所的客語推行委員，會跟區公所社區配合，來做社區營造計劃跟通行語的活動，還有我的手機裡面，不管是FB還是LINE，講電話還是電子郵件，全部是用客家字來回答，客家文學方面有寫客語投稿，像中央大學客家電子報，有投稿三篇文章，客新聞的寫客文也有投稿三篇文章，寫客家文章是我最喜歡的，特殊又有親切感，常常鼓勵同學去投稿，大家一起來講客家話，一直長長久久的講下去，記得「講就對了」！
