【華文版】
假媳婦來電喊「阿爸」 苗栗老翁險遭騙22萬
【羅盛滿／新竹竹東海陸腔】苗栗縣頭屋鄉一名89歲涂姓老翁，日前接到手機來電，對方稱呼一聲「阿爸」，讓老翁誤認成媳婦，急著前往郵局要匯新台幣22萬元給對方，所幸行員攔阻報警，保住積蓄。
詐騙集團「假親友」話術近日在苗栗地區重出江湖，部分民眾陸續接獲類似詐騙電話。苗栗縣警察局苗栗分局今天指出，頭屋分駐所日前接獲郵局行員通報，1名老翁臨櫃填單匯款，該筆匯款曾於前1日匯出，但因帳戶遭警示未成功轉匯，老翁疑似遭詐騙集團誆騙。
員警獲報前往，詢問後得知，老翁接到手機來電，電話那頭為一名女子，一開始就喊他「阿爸」，老翁則問對方是否為媳婦，對方順勢佯稱是媳婦，並經過一番噓寒問暖後，開口向老翁借22萬元。
老翁基於疼愛兒子、媳婦，立即前往銀行匯款，因帳戶顯示警示未匯出，老翁隔天又根據對方提供的另一帳戶前往郵局欲匯款，所幸行員機警攔阻通報，警方趕抵現場告知老翁此為詐騙集團典型的「猜猜我是誰～假親友」話術，老翁才恍然大悟，感謝員警和行員保住老本。
苗栗分局呼籲民眾，接獲任何來路不明的電話或訊息，應避免慌張、細心查證，如無法判斷是否詐騙，可以撥打110或派出所電話尋求協助，千萬不可輕信他人，以免財物損失。（中央社）
【客文版】
假心臼打電話來喊「阿爸」 苗栗老阿伯險險分人騙22萬銀
苗栗縣頭屋鄉一個89歲姓涂个老阿伯，日前接著手機仔打來个電話，對方喊佢一聲「阿爸」，分老阿伯話著係心臼打來个，急等去郵局愛匯22萬銀分對方，好得郵局人員攔阻報警，存款正無分人騙走。
詐騙集團用「親朋好友」个落錢方式，這站仔在苗栗地區重新出現，部分鄉親陸續接著當相像个詐騙電話。苗栗縣警察局苗栗分局今晡日表示，頭屋分駐所日前接著郵局行員通報，1個老阿伯在櫃檯寫單仔愛匯錢，該筆匯款識在前1日匯出，但係因為帳戶有警示嗄無成功匯出去，老阿伯像係分詐騙集團落錢。
警察接著通報去郵局，詢問過後知講，老阿伯接著手機仔个電話，電話該頭係一個細妹人，一開始就喊佢「阿爸」，老阿伯就問對方敢係厥心臼，對方順等講假做係心臼，還摎佢譫誃問安過後，開口摎老阿伯借22萬銀。
老阿伯因為惜自家个倈仔摎心臼，黏皮去銀行匯錢，因為帳戶顯示警示無匯出，老阿伯隔日又根據對方提供个另外一隻帳戶去郵局想愛匯錢，好得行員發現攔阻通報，警察赴到現場摎老阿伯講這係詐騙集團典型个「揣看啊𠊎係麼人～假个親朋好友」話術，老阿伯正醒起來，承蒙警察摎行員無分佢个老本分人落走。
苗栗分局呼籲鄉親，接著任何來路不明个電話或者訊息，應當避免緊張、細義查證，假使無法度判斷係毋係詐騙，做得打110或者派出所電話尋求協助，千萬做毋得儘採相信其他人，財產正毋會損失。
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
