「做工的人」上映2天破千萬 像給工人子女的情書
【羅盛滿/新竹竹東海陸腔】「做工的人」電影版上映2天票房已破新台幣千萬,映後座談回饋熱烈,尤其出身工人家庭的年輕觀眾特別有感,直呼「很像我家的故事」,形容像是送給「勞動階級孩子的情書」。
電影版將故事拉回影集版的11年前,李銘順、游安順、薛仕凌「噗嚨共」3人組依舊在各個角落揮汗上工。導演鄭芬芬近期也率領演員群勤跑戲院催票,演唱主題曲「我們之間」的動力火車更特別現身戲院,加碼清唱副歌,不過才唱到副歌一句就停下來,成員顏志琳幽默說:「我很想唱,但這裡沒有提詞機,沒辦法唱」,讓全場笑翻。
在映後座談時,有觀眾回想到片中工人搭捷運被乘客嫌臭的畫面,忍不住哽咽:「現在的人真的不要有職業歧視,我常在捷運上看到一些工人,感觸很深」,不禁讓李銘順感性回應:「我也要快哭了,我們在拍攝時真的是感同身受,也實際了解到工人的辛苦,他們都是好心腸、豁達的人,把同事當成家人一樣,誰需要幫忙就去幫忙。」
許多「做工」家庭第二代深受感動,有人現身戲院分享:「我爸爸也是很講義氣的人,很挺工人朋友,每次都會借錢給朋友」,更點頭認同片中金句,「我曾經幻想過我是富二代,我現在也真的是富二代啊,心靈富有的第二代」;更多是在網路推薦,坦言會讓他們想起已經不在的爸爸,「我是工人子女我驕傲」,並形容電影宛如是寫給「勞動階級孩子的情書」。
「做工的人」電影版,現正熱映中。(中央社)
【客文版】
電影「做工个人」放送2日票房斯突破一千萬 觀眾講斯像分工人子女个情書
「做工个人」電影版放送2日票房已經突破新台幣一千萬,映後座談會回饋熱烈,尤其出身工人家庭个後生觀眾特別有感覺,直接講「當像𠊎屋下个故事」,形容像係送分「勞動階級細孲仔个情書」。
電影版摎故事拉轉影集版个11年前,李銘順、游安順、薛仕凌「噗嚨共」3儕人一組還係在各隻角落在該做工做到汗流脈落。導演鄭芬芬這站仔乜率領演員佢兜煞猛緊走到戲院催票,演唱主題曲「亻恩俚之間」个動力火車還較特別到戲院,加碼清唱副歌,毋過正唱到一句副歌斯停下來,成員顏志琳開玩笑講:「𠊎當想愛唱,但係這位無提詞機,無法度唱」,害現場所有个人笑到會揌。
在映後座談會該時,有觀眾回想著影片當中工人坐捷運分人客嫌臭汗酸个畫面,忍毋核硬喉講:「這下个人正經無愛看輕無共樣个頭路,𠊎長透在捷運肚看著有兜工人,感受當深」,乜分李銘順當感動个回應講:「𠊎乜差一息仔斯會噭出來,𠊎在拍片該下正經係共樣个感覺,乜實際了解著工人个辛苦,佢兜都係好心腸、樂線个人,摎同事準做屋下人共樣,麼儕需要𢯭手斯去𢯭手。」
盡多「做工」家庭第二代試著當感動,有人在戲院分享講:「𠊎爸爸乜係當講義氣个人,當𢯭手工人朋友,逐擺都會借錢分朋友」,還較頷頭認同影片當中講个話,「𠊎識發夢想過𠊎係有錢人个倈仔,𠊎這下乜正經係有財富个第二代啊,心靈財富豐湧个第二代」;有還較多人係在網路頂推薦這齣電影,老實講會分佢兜愐起已經無在个阿爸,「𠊎係工人个子女𠊎當驕傲」,還過形容電影斯像係寫分「勞動階級細孲仔个情書」。
目前「做工个人」電影版,各大戲院當在該熱門放送當中。
|網路收聽|
▹講客廣播電臺官網|https://pse.is/R8RU8
▹講客廣播電臺APP|
(Android連結:https://reurl.cc/8GWlXd)
(IOS連結:https://reurl.cc/O1pb59 )