湖口客庄郵務士戴臣佑
【羅盛滿／新竹竹東海陸腔】今天是320郵政日，中華文化總會特別公布最新《匠人魂》影片，以客庄湖口郵局的「送信人」郵務士戴臣佑為主角，從一封湖口郵局收到的限掛信，信上謹標註「此乃四十年前的地址」的信息，而他一如既往發揮郵務士的職人精神，花了三天找尋探訪，終於成功信件，亦重新牽起一段在金門的同袍情緣，彷彿電影《海角七號》情節再現，令人動容！
中華文化總會指出，自1888年劉銘傳發布「台灣郵政條款」，郵政系統迄今已跨越三世紀，至今仍然肩負資訊傳遞的重責，每位台灣人的日常生活少不了接觸郵政往來，因此特別透過影片記錄新竹湖口客庄的郵局郵務士戴臣佑，由他緩緩地敘述一生專注送信職業，將送信職人精神，發揮淋漓盡致的感人故事。
文總秘書長李厚慶表示，最新一集《匠人魂》影片－「送信人」郵務士，談的是每個台灣人記憶中，穿梭在大街小巷的綠衣郵差，他們不分平假日、不分晴雨、不怕狗追、不畏交通潛在風險，負載4、50公斤的郵件，打檔桿一踩便隨著引擎聲遠颺，行向每一個郵件的目的地。
送信人不只橋接了人與人的交流，也在往復間與地方建立關係，在影片中能看見主角戴臣佑以一口流利的客語，照顧客庄的鄉親。送信送成了鄉親每日生活中最熟悉的面孔，他也常騎著機車喊：阿嬸/阿伯…你的信喔，而鄉親也與他培養出默契，總是早早地在門口等待著他的到來，彼此之間的關係，就在每天最平常的送抵信件中，建立起像家人一樣的親密熟悉關係。
三十餘年的郵務生涯，戴臣佑不負所託、使命必達，為人們捎來各種信息與念想，也以郵差之姿深深根植於自己生長的家鄉。
【客文版】
湖口客庄郵務士戴臣佑
今晡日係3月20郵政節，中華文化總會特別公布最新《匠人魂》个影片，以客庄湖口郵局个「送信仔」郵務士戴臣佑為主角，從一封湖口郵局收著个信仔，信仔頂項
單淨寫著「這係四十年前个住址」个信息，戴臣佑共樣發揮郵務士个職人精神，花了三日个時間滿哪仔尋、滿哪仔問，總算成功摎信仔寄出去，乜重新牽起一段在金門个同袍情緣，斯像電影《海角七號》个情節再過出現，分人非常感動！
中華文化總會講，對1888年劉銘傳發布「台灣郵政條款」，郵政系統到今已經跨越三隻世紀，到今還較㧡等資訊傳遞个責任，逐個台灣人个日常生活難免會摎郵政有接觸、有來往，所以特別透過影片記錄新竹湖口客庄个郵局郵務士戴臣佑，由佢慢慢仔講出一生人專注送信仔个職業，摎送信仔个職人精神个故事，發揮到當徹底。
中華文化總會个秘書長李厚慶表示，最新一集个《匠人魂》影片－「送信仔」郵務士，談个係逐個台灣人記憶當中，穿梭在街路町抑係巷仔肚个著青色衫褲个郵差，斯係送信仔个人，佢兜無分平常日抑係放尞日、無分日時頭抑係落水日、毋驚狗追佢兜、毋驚交通潛在个風險，載等4、50公斤个信仔，摎車檔仔一跺斯跈等引擎个聲音去飆，飆到逐隻郵件个目的住址。
送信仔个人毋單淨連結人摎人之間个交流，乜在逐日來往个期間摎地方建立關係，在影片當中乜做得看著主角戴臣佑用流掠个客話，照顧客庄个鄉親。送信仔送到變成鄉親逐日生活裡肚最熟事个面，佢乜輒常騎等奧多拜大嫲牯聲个喊：阿妗/阿伯…你个信哦，所以鄉親乜摎佢培養出當鬥搭个感情，總係當早斯企在門口等佢送信仔來。
三十零年个郵務生涯，戴臣佑不負所託、使命必達，為鄉親送來各種个信息摎想念，乜以送信仔个身分繼續為自家个家鄉服務。
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
